Ян, Пётр Евгеньевич
 Пётр Ян | |
|---|---|
 | |
| Тиксі искіріг | |
| Толдыра ады | Пётр Евгеньевич Ян |
| Сола ады | No mercy (орыс. Беспощадный) |
| Гражданство |
 Россия |
| Тӧреен кӱні | 11 азығ айы 1993 (33 час) |
| Тӧреен чирі | |
| Чуртапча | Екатеринбург[1], Россия |
| Сыны | 170 см [2] |
| Кӧдірімі | Иң ниик кӧдірім |
| Хол хулазы | 170 см |
| Карьера | 2014—н. в. |
| Ӧме | Архангел Михаил |
| Стиль | бокс, самбо, тхэквондо |
| Ус сині |
Боксча спорт узы араластың харбазығлар искусствозынҷа спорт узы Бразильскай джиу-джитсуҷа кӧк хур |
| Араласхан пірдең пірге харбазығлар | |
| Хабыс | 24 |
| Чиңіс | 19 |
| • нокауттығ | 7 |
| • пирінібіскені | 1 |
| • чарадиинаң | 11 |
| Чиңдіргені | 5 |
| • нокаутнаң | 0 |
| • пирінібіскені | 0 |
| • чарадиинаң | 4 |
| • пасхазы | 1 |
| Тиң | 0 |
| Пасха искіріг | |
| Ипчізі | Юлия Ян |
| Палалары | Даниил, Константин |
| Статистика боёв на сайте Sherdog | |
 Медиафайлы на РУВИКИ.Медиа | |
Пётр Евгеньевич Ян (тӧр. 11 азығ айы 1993, Назаровский район[d], Хызылчар крайы[d]) — араластығ харбазығлар искусствозынҷа Россияның спортсмені. Иң ниик кӧдірімде ACB чемпионы полған. Иң ниик кӧдірімде UFC чемпионы паза UFC ӱр нимеске чемпионы полған.
2025 чылның от айына иң ниик кӧдірімде UFC рейтингінің 3-ҷі чолында[3].
Чуртас чолы
Пётр Ян 1993 чылның азығ айының 11-ҷі кӱнінде Хызылчар крайының Назаров аймаандағы аалда тӧреен. Ян фамилиязы ағазынаң парча, ол хыдат полған[4]. 2000 чыллар пасталчатханда, сӧбіре Дудинка городсар кӧс парыбысхан[5].
Алтынҷы класста тхэквондонаң паза кічіг футболнаң, ідӧк гимнастиканаң айғас сыххан[6]. 12 частығда Николай Николаевич Суржиковтың холында бокснаң айғас сыххан[7].
14 частығда Пётр, Кимдеде баржалардағы таарлағны тӱзіріп, парыс итчең[8]. Тоғыс тузында Константин Маньковнаң танызып алған, анзы аны Пётрның тренері полар Юрий Владимирович Демченкоға чӧптеен.
15 частығда, 9 класс соонаң Пётр Хызылчар крайынаң Омсксар кӧс парыбысхан, анда боксча СССР-ның спорт узы Юрий Демченконың холында узын тиліткен.
ММА-ға «Александр Невский» клубта хайығ салған, анда профессиональнай спортсменнернің харбасчатханын кӧр турған.
Омскта Сибирьдегі физическай культура паза спорт хазна университедін тоос салған.
2010 чыллар пасталчатханда, Омсктың тастыхти орныхчатхан хараа клубында хадағҷы полып хоза парыс итчең[5].
2018 чылның ӱртӱн айында Архангел Михаил" клуб ӱчӱн харбазар ӱчӱн сӧбірезінең хада Екатеринбургсар кӧс парыбысхан[9][10].
2023 чылның кічіг хырлас айында америк актёр Жан-Клод Ван Дамм «Архангел Михаил» клубтың ролигінде Янзар айланған. «Син чемпионзың: техникаң чахсы, табырах хайынчазың паза хандыра кардиолығзың!», — теен Ван Дамм[11].
Араластығ пірдең пірге харбазығларда карьеразы
Absolute Championship Berkut
2015 чылның чарыс айының 24-ҷі кӱнінде ACB 24 Ян Мурад Каламовнаң тоғысхан паза чарғыҷыларның пір чӧптіг чарадиинаң хабыста утып алған. Чиңіс Янға Магомед Магомедовнаң иң ниик кӧдірімде чемпион хуры ӱчӱн харбазарға оңдай пирген.
Ян Магомед Магомедовнаң 2016 чылның кӧрік айының 26-ҷы кӱнінде ACB 32 тоғасхан. Пис раунда харбасханнар. Пу хабыста чарғыҷыларның алынҷа чарадығларынҷа утыр салған.
Пастағызын на чиңдірген соонда, Ян Англияның кӱресчізі Эд Артурнаң 2016 чылның от айының 15-ҷі кӱнінде ACB 41 тоғасхан. Чарғыҷыларның пір чӧптіг чарадиинаң чиңіс тутхан.
2017 чылның хосхар айының 15-ҷі кӱнінде ACB 57 Магомед Магомедовтаң тоғыр хабыс ирткен. 5 раунд кӱрезіг парған. Ян чарғыҷыларның пір чӧптіг чарадиинаң иң ниик кӧдірімде ACB чемпионы полыбысхан.
Бразилияның спортсмені Матеус Маттостаң тоғыр кӱрезіп, 2017 чылның ӱртӱн айының 30-ҷы кӱнінде ACB 71 чемпион адын маңныныстығ арачылап алған. Ӱзінҷі раундта ыырҷызын нокаутха ызыбызын, чиңіс тутхан.
Ultimate Fighting Championship
ACB чемпионы адын пастағызын арачылаан соонда, 2018 чылның кӱрген айында UFC пірігіснең чӧптезіг иткен.
Пастап Ян японец Тэруто Исихаранаң тоғыр кӱрескен 2018 чылның хандых айының 23-ҷі кӱнінде UFC Fight Night 132. Техническай нокаут идіп, пастағы раундта чиңіс тутхан[12].
2018 чылның ӱртӱн айының UFC Fight Night 136 Янның ыырҷызы иң нии кӧдірімде рейтингтің 14 номеріндегі Дуглас Силва ди Андради поларға кирек полған, че азаанаң пиртінген Андради харбас полбаан, андада Кореяның спортсмені Джин Су Сон хабыста араласхан. Кӧдірімні синеенде, Сон кирек кӧдірім кӧзіт полбаан паза гонорарының мойнына салылған 20 % Янға тӧлеен. Ян чарғыҷыларның пір чӧптіг чарадиинаң чиніс тутхан. «Иирнің хабызы» сыйыхха турысхан.
2018 чылның улуғ хырлас айының 28-ҷі кӱнінде UFC 232 Ян Дуглас Силва ди Андрадинең тоғыр харбасхан. Ікінҷі раундта техническай нокаут толдырып, чиңіс тутхан. Бразилец кизе саптырған ӱчӱн, Андради пулуңы хабысты тохтатхан.
2019 чылның азығ айының 23-ҷі кӱнінде американец Джон Додсоннаң тоғыр UFC Fight Night 145. арға-мӧрійде харбасхан. Чарғыҷыларның пір чӧптіг чарадиинаң чиңіс тутхан.
2019 чылның хандых айының 8-ҷі кӱнінде чарғыҷыларның пір чӧптіг чарадиинаң UFC 238 хабыста американец Джимми Риверойны утып алған[13].
2019 чылның улуғ хырлас айының 14-ҷі кӱнінде UFC 245 Юрайя Фейбернең тоғыр харбасхан. Ӱзінҷі раундта нокаут идіп, чиңіс тутхан. «Иирнің хабысха сыххан» ӱчӱн сыйыхха турысхан[14].
2020 чылның от айының 12-ҷі кӱнінде UFC 251 пизінҷі раундта техническай нокаутнаң бразилец Жозе Алдуны утып алған паза иң ниик кӧдірімде UFC чемпионы адына турысхан[15]. Жозе Алдуны чиңіп алған паза чемпион адына турысхан соонда, UFC Пётр Янны иң артых кӱресчілер санына кир салған (P4P), кӧдірім сині санға алылбаан. Нааҷылалған рейтингте Россияның спортсмені 13-ҷі чолда пол парған[16].
2020 чылның от айының 14-ҷі кӱнінде, Fightmatrix сайтының кӧрізінҷе, иң кӱстіг 10 кӱресчі санына кірген, кӧдірім сині санға алылбаан[17].
Иң ниик кӧдірімде UFC чемпионы атха хабыс
Хабыс кӱні — 2020 чылнын от айының 12-ҷі кӱні[18].
Орын — Бойцовскай олтырых, Абу-Даби.
Секунданттар — Денис Лаврентьев, Ильяс Хамзин, Алексей Сорокин, Саят Абрахманов.
Кӧдіріліс салтарлары — Пётр Ян 61,2 кг, Жозе Алду 61,2 кг[19]
Полған нимелер изерізі:
2020 чылның сікер айының 11-ҷі кӱнінде Генри Сехудо UFC пірігісте карьеразын тоосчатханын чарлабысхан соонда, пірігістің президенті Дэйн Уайт иң ниик кӧдірімдегі чемпион ады пос полчатханын, Ян, тізең, пу хурға харасчатхан пастағы кізі полчатханын искірген[20].
2020 чылның сілкер айының 28-ҷі кӱнінде пірігістің президенті Дэйн Уайт Пётр Ян паза Жозе Алду аразында титул хабызын тимнепчеткенін искірген[21].
2020 чылның хандых айының 10-ҷы кӱнінде Пётр Ян хабысха чӧптезігде хол салыбысхан[22].
2020 чылның от айының 11-ҷе кӱнінде Піріккен араб Эмираттардағы «Бойцовскай олтырыхта» ирткен UFC 251 марығда Ян халғанҷы пизінҷі раундта Жозе Алдуны утып алған. Ян пірдең пірге тудысханының улуғ чардығында артых тудынған, халғанҷы чардыхты ізестіг иртірібіскен. Пётр Ян UFC иң ниик кӧдірімде наа Чемпионы полыбысхан[23]. Пірдең пірге тудыста Ян иң ниик кӧдірімге иң кӧп пілдірігліг сабыстарҷа рекорд идібіскен: толдыра нимес 5 раундха 194 хати сапхан[24].
Иң ниик кӧдірімде UFC чемпионы
2021 чылның кӧрік айының 6-ҷы кӱнінде UFC 259 Алджамейн Стерлингтең тоғыр пірдең пірге тудыста Ян титулы чох халған. Квалификациязын чідіріп, ол хабыста чиңдір салған (тізегінең чирге теелчеткен ыырҷының пазынаң тізегінең тепкен сапхан ӱчӱн)[25].
Иң ниик кӧдірімдегі UFC ӱр нимеске чемпионы
2021 чылның чарыс айының 30-ҷы кӱнінде UFC 267 арға-мӧрійде Ян Кори Сэндхэгеннең тоғыр UFC ӱр нимеске чемпионы адына иң ниик кӧдірімде харбасхан. Анда ол чарғыҷыларның пір чӧптіг чарадиинаң утып алған. 2022 чылның хосхар айының 9-ҷы кӱнінде UFC 273 арға-мӧрійде Алджамейн Стерлингке утыр салған паза хуры чох халған. Анаң хатап ікі хати чиңдір салған —Шон О’Мэллиге (UFC 280) паза Мераб Двалишвилиге UFC Fight Night: Ян vs. Двалишвили пірдең пірге хабыста.
2024 чылның кӧрік айының 9-ҷы кӱнінде UFC 299 арға-мӧрійде Сун Ядунны чиңіп алған[26]. Позже выяснилось, что Ян дрался с травмой ноги. А 18 марта российский боец заявил, что перенесёт операцию[27].
2024 чылның кічіг хырлас айының 23-ҷі кӱнінде UFC Fight Night: Ян vs. Фигейред пірдең пірге тудыста чарғыҷыларның пір чӧптіг чарадиинаң бразилец Дейвисон Фигейредті чиңіп алған[28].
2025 чылның от айының 26-ҷы кӱнінде Абу-Дабиде ирткен UFC on ABC 9 арға-мӧрійде ӧӧн хабыстарның пірсінде Маркус Макгинең тоғыр тудысхан[29] паза чарғыҷыларның пір чӧптіг чарадиинаң чиңіс тутхан[30].
Титуллар паза чидіглер
Араластығ пірдең пірге харбазығлар
- Ultimate Fighting Championship
- Иң ниик кӧдірімде UFC чемпионы (пір хати) (UFC 251 арға-мӧрійнің 5-ҷі раундында техническай нокаут идібізіп, Жозе Алдоны чиңіп алған);
- Иң ниик кӧдірімде ӱр нимеске UFC чемпионы (пір хати) (UFC 267 арға-мӧрійде чарғыҷыларның пір чӧптіг чарадиинаң Кори Сэндхэгенні чиңіп алған);
- «Иир хабызы» сыйыхха турысхан (ӱс хати — Джин Су Соннаң тоғыр[31], Кори Сэндхэгеннаң[32]
паза Шона О’Мэллинең тоғыр);
- «Иирде хабысха сыххан» ӱчӱн сыйыххта турысхан (пір хати) Юрайя Фейбернең тоғыр]];
- Absolute Championship Berkut
- Иң ниик кӧдірімде ACB чемпионы (пір хати);
- Титулны маңнаныстығ пір хати арачылааны;
- Иң ниик кӧдірімде гран-при чиңісчізі;
- «Иир хабызы» сыйыхха турысхан (ӱс хати) Мурад Каламовтаң, Магомед Магомедовтаң, Эд Артурдаң тоғыр;
- MMADNA.nl
- 2018 «Европадағы чылның наа кізізі»[33];
- World MMA Awards
- 2020, «Чыл прорывы» атха адалған[34].
Араластығ харбазығларның статистиказы
| Профессиональная карьера бойца (итог) | ||
| Боёв 24 | Побед 19 | Поражений 5 |
| Нокаутом | 7 | 0 |
| Сдачей | 1 | 0 |
| Решением | 11 | 4 |
| Дисквалификацией | 0 | 1 |
| Салтар | Рекорд | Ыырҷы | Оңдай | Марығ | Кӱн | Раунд | Тус | Орын | Чарыдығ |
|---|---|---|---|---|---|---|---|---|---|
| Чиңіс | 19-5 |  Маркус Макги
|
Чарадығ | UFC on ABC 9 | 26 от айы 2025 | 3 | 5:00 |  Абу-Даби, ОАЭ
|
|
| Чиңіс | 18-5 |  Дейвисон Фигейреду
|
Чарадығ | UFC Fight Night: Ян vs. Фигейреду | 23 кічіг хырлас айы 2024 | 5 | 5:00 |  Макао, Хыдат
|
|
| Чиңіс | 17-5 | Сун Ядун
|
Чарадығ | UFC 299 | 9 кӧрік айы 2024 | 3 | 5:00 | Майами, Флорида, США
|
|
| Чиңдіргені | 16-5 |  Мераб Двалишвили
|
Чарадығ | UFC Fight Night: Ян vs. Двалишвили | 12 кӧрік айы 2023 | 5 | 5:00 | Лас-Вегас, США
|
|
| Чиңдіргені | 16-4 | Шон О’Мэлли
|
Чарадығ | UFC 280 | 22 чарыс айы 2022 | 3 | 5:00 | Абу-Даби, ОАЭ
|
Иирнің иң артых хабызы. |
| Чиңдіргені | 16-3 | Алджамейн Стерлинг
|
Чарадығ | UFC 273 | 9 хосхар айы 2022 | 5 | 5:00 | Джексонвилл, США
|
Иң ниик кӧдірімде UFC чемпионына хабыс. |
| Чиңіс | 16-2 | Кори Сэндхэген
|
Чарадығ | UFC 267 | 30 чарыс айы 2021 | 5 | 5:00 | Абу-Даби, ОАЭ
|
иң ниик кӧдірімде ӱр нимеске UFC чемпионының титулына турысхан Иирнің хабызы[35] |
| Чиңдіргені | 15-2 | Алджамейн Стерлинг
|
Квалификация чідіргені | UFC 259 | 7 кӧрік айы 2021 | 4 | 4:29 | Лас-Вегас, США
|
Иң ниик кӧдірімде UFC чемпионы адын чідірген |
| Чиңіс | 15-1 | Жозе Алду
|
Нокаут | UFC 251 | 12 от айы 2020 | 5 | 3:24 | Абу-Даби, ОАЭ
|
Иң ниик кӧдірімде UFC чемпионы адына турысхан |
| Чиңіс | 14-1 | Юрайя Фейбер
|
Нокаут | UFC 245 | 14 улуғ хырлас айы 2019 | 3 | 0:43 | Лас-Вегас, США
|
«Иирде хабысха сыхханы» |
| Чиңіс | 13-1 | Джимми Ривера
|
Чарадығ | UFC 238 | 8 хандых айы 2019 | 3 | 5:00 | Чикаго, США
|
|
| Чиңіс | 12-1 | Джон Додсон
|
Чарадығ | UFC Fight Night: Блахович vs. Сантус | 23 азығ айы 2019 | 3 | 5:00 |  Прага, Чехия
|
|
| Чиңіс | 11-1 | Дуглас Силва ди Андради
|
Нокаут | UFC 232 | 29 улуғ хырлас айы 2018 | 2 | 5:00 | Инглвуд, США
|
|
| Чиңіс | 10-1 |  Джин Су Сон
|
Чарадығ | UFC Fight Night 136 | 15 ӱртӱн айы 2018 | 3 | 5:00 |  Москва, Россия
|
Хабыс аразындағы 62,1 кг кӧдірімде; Сон кӧдірімін итпеен. «Иирнің иң артых хабызы». |
| Чиңіс | 9-1 |  Тэруто Исихара
|
Нокаут | UFC Fight Night 132 | 23 хандых айы 2018 | 1 | 3:28 |  Сингапур, Сингапур
|
UFC пірігісте пастағы марии. |
| Чиңіс | 8-1 | Матеус Маттос
|
Нокаут | ACB 71 | 30 ӱртӱн айы 2017 | 3 | 2:27 | Москва, Россия
|
Иң ниик кӧдірімде ACB чемпионы адын арачылап алған. |
| Чиңіс | 7-1 | Магомед Магомедов
|
Чарадығ | ACB 57 | 15 хосхар айы 2017 | 5 | 5:00 | Москва, Россия
|
Иң ниик кӧдірімде ACB чемпионы адын арачылап алған. |
| Чиңіс | 6-1 |  Эд Артур
|
Чарадығ | ACB 41 | 15 от айы 2016 | 3 | 5:00 | Сочи, Россия
|
«Иирнің иң артых хабызы». |
| Чиңдіргені | 5-1 | Магомед Магомедов
|
Чарадығ | ACB 32 | 26 кӧрік айы 2016 | 5 | 5:00 | Москва, Россия
|
Иң ниик кӧдірімде ACB чемпионы адына хабыс. «Иирнің иң артых хабызы». |
| Чиңіс | 5-0 | Мурад Каламов
|
Чарадығ | ACB 24 | 24 чарыс айы 2015 | 3 | 5:00 | Москва, Россия
|
Иң ниик кӧдірімде ACB гран-призінің халғанҷы чардығы. Чиңіс тутхан. Иирнің хабызы. |
| Чиңіс | 4-0 | Артур Мирзаханян
|
Нокаут | Professional Combat Sambo — Russia Cup | 5 от айы 2015 | 1 | 2:40 | Омск, Россия
|
|
| Чиңіс | 3-0 | Харон Орзумиев
|
Пирінібіскен | ACB 19 | 30 сілкер айы 2015 | 1 | 0:47 | Калининград, Россия
|
Иң ниик кӧдірімде ACB гран-призінің чарым финалы. |
| Чиңіс | 2-0 | Ренато Веламе
|
Чарадығ | ACB 14 | 28 азығ айы 2015 | 3 | 5:00 | Грознай, Россия
|
ACB пастағы марии. Иң ниик кӧдірімде ACB тӧрт чардығының гран-призі. |
| Чиңіс | 1-0 | Мурад Бакиев
|
Нокаут | Eurasian Fighting Championship — Baikal Fight | 20 улуғ хырлас айы 2014 | 3 | 0:45 | Иркутск, Россия
|
Пос чуртазы
Пётр Янның ипчізі Юлия Ян, ирепчінің ікі оол — Даниилнең Константин[36]. Константин 2020 чылның хандых айының 22-ҷі кӱнінде Таиландта тӧреен, анда Петрнаң хада сборларда полған[37].
Пос туста спортсмен автомат тирігнең атарға хынча[38].
Алған орын
- ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург. www.e1.ru (16 Ӱртӱн айы 2018). Дата обращения: 4 Орғах айы 2025.
- ↑ Пётр Ян. UFC. Дата обращения: 4 Орғах айы 2025.
- ↑ Рейтинг бойцов. UFC Russia. Дата обращения: 4 Орғах айы 2025.
- ↑ «Моя фамилия пишется китайскими иероглифами». Пётр Ян о своих корнях. karate.ru. Дата обращения: 4 Орғах айы 2025.
- ↑ 1 2 Наталия Калинина. «Он как Хабиб, но для другой аудитории»: как парень из сибирской деревни стал чемпионом UFC и заработал $1 млн. Forbes (3 Орғах айы 2020). Дата обращения: 4 Орғах айы 2025.
- ↑ Биография Петра Яна. Fight.ru (22 Чарыс айы 2022). Дата обращения: 4 Орғах айы 2025.
- ↑ Жизнь за Полярным кругом, семь братьев и сестер, самый дерзкий русский в UFC. История Петра Яна. sport-express.ru (8 От айы 2020). Дата обращения: 4 Орғах айы 2025.
- ↑ Разгружал баржи на Енисее, а теперь зарабатывает больше 10 млн за бой. Тренер и менеджер рассказали, как Петр Ян стал лучшим в UFC. matchtv.ru (13 От айы 2020). Дата обращения: 4 Орғах айы 2025.
- ↑ Известный боец ММА объявил о переезде в Екатеринбург. ura.news. Дата обращения: 4 Орғах айы 2025.
- ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург. www.e1.ru (16 Ӱртӱн айы 2018). Дата обращения: 4 Орғах айы 2025.
- ↑ «Ты чемпион!»: Жан-Клод ван Дамм обратился к уральскому бойцу ММА Петру Яну. TagilCity (8 Кічіг хырлас айы 2023). Дата обращения: 4 Орғах айы 2025.
- ↑ Пётр Ян — легенда или везунчик? Весь путь экс-чемпиона UFC. Чемпионат (21 От айы 2025). Дата обращения: 4 Орғах айы 2025.
- ↑ Второй после Хабиба: россиянин Пётр Ян выиграл пятый бой в UFC. RT на русском. Дата обращения: 4 Орғах айы 2025.
- ↑ Русский боец Петр Ян вырубил легенду ММА и бросил вызов чемпиону UFC. Он завоевывает фанатов в США. sport24.ru. Дата обращения: 4 Орғах айы 2025.
- ↑ Пётр Ян нокаутировал Жозе Альдо и стал чемпионом UFC. Sports.ru. Дата обращения: 4 Орғах айы 2025.
- ↑ Пётр Ян вошел в число 15 лучших бойцов UFC. radiozenit.ru (14 От айы 2020). Дата обращения: 4 Орғах айы 2025.
- ↑ Пётр Ян вошел в топ-10 рейтинга Pound-For-Pound по версии сайта Fightmatrix. Sports.ru. Дата обращения: 4 Орғах айы 2025.
- ↑ Микаил Гусейнов. Пётр Ян проведёт титульный бой с Алду 11 июля. www.championat.com. Дата обращения: 4 Орғах айы 2025.
- ↑ UFC 251 weigh-in results and live video stream (англ.). MMA Junkie (10 От айы 2020). Дата обращения: 4 Орғах айы 2025.
- ↑ Не Хабибом единым: Россия ждет еще одного чемпиона в UFC. Газета.Ru. Дата обращения: 4 Орғах айы 2025.
- ↑ «Мои люди, вероятно, убьют меня за это». Уайт хочет организовать титульный бой между Яном и Альдо. sport-express.ru (28 Сілкер айы 2020). Дата обращения: 4 Орғах айы 2025.
- ↑ Петр Ян подписал контракт на титульный бой с Алдо. AllBoxing.ru - Все новости бокса, MMA, бои на видео (10 Хандых айы 2020). Дата обращения: 4 Орғах айы 2025.
- ↑ Вячеслав Моренко. Пётр Ян стал чемпионом UFC, победив Альдо на турнире UFC 251. www.championat.com. Дата обращения: 4 Орғах айы 2025.
- ↑ Вячеслав Моренко. Пётр Ян установил рекорд по значимым ударам в бою для легчайшей весовой категории в UFC. www.championat.com. Дата обращения: 4 Орғах айы 2025.
- ↑ Mike Bohn. Petr Yan vs. Aljamain Sterling bantamweight title fight set for UFC 256. mmajunkie.com. Дата обращения: 4 Орғах айы 2025.
- ↑ Петр Ян прервал серию поражений в UFC, РБК Спорт. Дата обращения: 4 Орғах айы 2025.
- ↑ Боец UFC Петр Ян перенесет операцию после победы над Сун Ядуном. sportrbc.ru (18 Кӧрік айы 2024). Дата обращения: 4 Орғах айы 2025.
- ↑ Петр Ян победил экс-чемпиона UFC в главном поединке турнира в Макао, РБК Спорт (23 Кічіг хырлас айы 2024). Дата обращения: 4 Орғах айы 2025.
- ↑ Кирилл Иванов. Пётр Ян и Маркус Макги проведут бой 26 июля в Абу-Даби. championat.com. Чемпионат (18 Хандых айы 2025). Дата обращения: 4 Орғах айы 2025.
- ↑ Пётр Ян победил Маркуса Макги на турнире UFC в Абу-Даби, TACC (26 От айы 2025). Дата обращения: 4 Орғах айы 2025.
- ↑ UFC Fight Night 136 bonuses: Oleinik, Blachowicz among $50,000 winners (англ.). MMA Junkie (15 Ӱртӱн айы 2018). Дата обращения: 4 Орғах айы 2025.
- ↑ Петр Ян за победу на UFC 267 заработал 282 тысячи долларов, Махачев – 131 тысячу. Спортс (2 Кічіг хырлас айы 2021). Дата обращения: 4 Орғах айы 2025.
- ↑ MMA DNA. MMA DNA UFC Awards 2018 : De Uitslagen!!! (англ.). Дата обращения: 4 Орғах айы 2025.
- ↑ Российский боец Петр Ян стал номинантом World MMA Awards. ТАСС. Дата обращения: 4 Орғах айы 2025.
- ↑ Бонусы турнира UFC 267. fighttime.ru (31 Чарыс айы 2021). Дата обращения: 4 Орғах айы 2025.
- ↑ Александр Кожевников. Пётр Ян забрал жену и новорождённого сына из роддома в Таиланде. www.championat.com. Дата обращения: 4 Орғах айы 2025.
- ↑ У Петра Яна родился сын. sport-express.ru (22 Хандых айы 2020). Дата обращения: 4 Орғах айы 2025.
- ↑ Петр Ян "No Mercy". Absolute Championship Akhmat. Дата обращения: 4 Орғах айы 2025.
Ссылкалар
- Пётр Ян. ufc.ru. Дата обращения: 4 Орғах айы 2025.
- Ян Пётр Евгеньевич. Vringe (21 От айы 2025). Дата обращения: 8 Орғах айы 2025.
 | |
|---|---|
| Фото, видео и аудио | |
| Тематические сайты |
| Иң ниик кӧдірімдегі UFC чемпионнары | |||||||
|---|---|---|---|---|---|---|---|
| |||||||
| |||||||
ВX — Ӱр нимеске араласчы полғаны | |||||||
| Иң ниик кӧдірімдегі UFC рейтингі | ||||||
|---|---|---|---|---|---|---|
UFC чемпионы: Мераб Двалишвили | ||||||
| ||||||
2025 чылның сілкер айының 26-ҷы кӱніне | ||||||
.svg){kind=small}
- 11 азығ айында тӧрееннері
- 1993 чылда тӧрееннері
- Хызылчар крайында тӧрееннері
- Алфавит пастыра араласхан харбазығлар кӱресчілері
- Алфавит пастыра кізілер
- Ultimate Fighting Championship чемпионнары
- Россияның араласхан харбазығлар кӱресчілері
- UFC пірігістің амғы кӱресчілері
- СибГУФК-ны тоосханнары
- Россияның спорт устары
- Екатеринбургтың спортсменнері