Чоннар аразындағы ынархас кӱні
| Чоннар аразындағы ынархас кӱні | |
|---|---|
 | |
| Кӱні | От айының 30 кӱні |
 Медиафайлы на РУВИКИ.Медиа | |
Чоннар аразындағы ынархас кӱні орыс. Междунаро́дный день дружбы ( ООН-ның пасха хазна тіллерінде: англ. International Friendship Day, араб. اليوم الدولي للصداقة, исп. Día Internacional de la Amistad, кит. 国际友谊日, фр. Journée internationale de l’amitié ) — ынархасха чарыдылып, 30 июльда нинҷе-нинҷе хазнада таныхталчатхан ӱлӱкӱн. 27 апрельде 2011 чылда ООН-ның Генеральнай Ассамблеязы хоостыра 65-ҷі сессияда чарлалған (A/RES/65/275 Резолюция)[1].
Пастап ӱлӱкӱнні чон аразына алғыстас открыткаларының индустриязы кирген. Пу кӱнні Ӱстӱнзархы Азияда таратчатханнары Американың Піріктірілген Штаттарындағы 1935 чылда тӧстелген нанҷылар кӱнінең палғалыстырчалар.
Тархын
ООН-ның Генеральнай хачызы Пан Ги Мун 27 октябрьда 2014 чылда сыххан чахиинда хығырған:
Пу чылда Чоннар аразындағы ынархас кӱні кӧп хазналарда улуғ чаалар парчатхан, кізілер аразында иреелег паза киртініс чох тееліс алғыдылчатхан тусха киліс парды. Хаҷан-да ынағ чуртаан кізілер, хонҷыхтарынаң тартызып чуртапчалар; хайди даа хада чуртир кізілер ырах парып одырчалар.
Ыырластың паза чааның хайдағ даа сылтағлары, хайдағ даа улуғ кӱстер анынаң устапчатсалар, кізінің сағызы анынаң кӱстіг ле полар. Аннаңар пістің киреебіс, ағаа чидері.
Пу аар паза пілдізі чох туста удур-тӧдір хабазызып чуртирға, таластарны сығарбин, ӱрге амыр хоных тӧстирі полча. Чоннар аразындағы ынархас кӱніне чарыдып, раса, киртініс, пол нимелерні хайыға албин, пісті ниме палғалыстырчатханын сағысха киреелер. Пірге тудынарын тилідеелер, піс — чалғыс планетабыста пірге кізілер сӧбірезі. Сын паза пик ынархаста чуртирға кӱстенеелер.
Ӱлӱкӱн кибірлері
Ӱлӱкӱн аймах хазналарда таныхталчатханда, полған на хазнада орындағы культураларнаң палғалыстығ кибірлер пар. Россияда Ынархас кӱнінде нациялар аразында теелісті тыыдар мероприятиелер иртірілчелер[2][3]. Городтар ачыхтарында, сценаларда чиит артисттер театр ойыннарын турғысчалар, марығлар иртірілчелер[4].
Ідӧк кӧріңер
Алған орын
- ↑ Резолюция, принятая Генеральной Ассамблеей 4 мая 2011 года. Дата обращения: 14 От айы 2022. Архивировано 3 Хосхар айы 2019 года.
- ↑ Акция «Международный день дружбы». «Цифровая культура» (30 От айы 2024). Дата обращения: 3 От айы 2024.
- ↑ Международный день дружбы. «Культура.РФ» (30 От айы 2024). Дата обращения: 3 От айы 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Дата обращения: 3 От айы 2024.