Чоннар аразындағы шахмат кӱні
| Чоннар аразындағы шахмат кӱні | |
|---|---|
 | |
| Тӧстелген | ФИДЕ |
| Таныхталчатхан орны | чыл сай |
| Пасталғаны | 1966 |
| Кӱні | 20 июльда |
Чоннар аразындағы шахмат кӱні (орыс. Международный день шахмат, англ. International Chess Day) — шахматха чарыдылған чоннар аразындағы ӱлӱкӱн. 1966 чылдаң сығара чыл сай 20 июльда таныхталча.
Тархын
Чоннар аразындағы шахмат кӱні 1966 чылдаң сығара таныхталча. Ӱлӱкӱнні тӧстир пастағнаң Тиксі тилекейдегі шахмат федерациязы (ФИДЕ) сыххан. Ол 20 июльда 1924 чылда Парижте тӧстелген[1].
20 июльда 2004 чылда тилекей чемпионы Анатолий Карпов пір саңай ойнаҷаң сеансты Кремльде пирген. Ол санда Владимир Жириновскийнең ойнаан, ікізі утхан. Олар хоос бриллиант фигураларынаң ойнааннар, оларның паазы 150 муң США долларына читкен[2].
12 декабрьда 2019 чылда шахматты чон аразына кирер сурығны Піріктірілген Нациялар Пірігізі (ООН) таныхтаан. Ӱлӱкӱн синін кӧдірер пастағнаң Армения сыххан. Соонаң ол сағысха пасха хазналар хозылғаннар, 2020 чылдаң сығара ол ООН-ның хабазиинаң таныхталча[3].
Таныхтир кибір
Ӱлӱкӱн 178 хазнада таныхталча. Чыл сай 20 июльда чоннар аразындағы шахмат марығлары, кӧзідіглер иртірілчелер[4], школаларда шахматха чарыдылған уроктар, саблығ спортсменнернең тоғазығлар иртірілчелер[5]. Ӱлӱкӱнні таныхтир кибір ЮНЕСКО хабазиинаң салылған. Пу кӱнде ФИДЕ адынаң аймах пайрамнар паза арға-мӧрійлер полчалар[6]. Пір саңай ойын сеанстары хариблерде дее иртчелер[7].
Алған орын
- ↑ Международный день шахмат. РИА Новости (20 От айы 2012). Дата обращения: 6 От айы 2015.
- ↑ Василенко Р. 20 июля – ВСЕМИРНЫЙ ДЕНЬ ШАХМАТ. Русский Базар, № 31 (431) (29 От айы 2004). Дата обращения: 6 От айы 2015.
- ↑ Международный день шахмат. РИА Новости (20 От айы 2023). Дата обращения: 2 От айы 2024.
- ↑ Книжная выставка «Международный день шахмат». «Культура.РФ» (20 От айы 2024). Дата обращения: 2 От айы 2024.
- ↑ Марина Лебедева. Международный день шахмат в 2024 году: история и традиции праздника. Комсомольская правда. Дата обращения: 2 От айы 2024.
- ↑ 178 стран отмечают Международный день шахмат. Вести.Ру (20 От айы 2013). Дата обращения: 6 От айы 2015.
- ↑ По случаю международного дня шахмат батюшка провел сеанс одновременной игры с… заключенными. Церковно-научный центр «Православная Энциклопедия»
Ссылкалар
- International Chess Day (англ.). internationalchessday.com. Дата обращения: 6 От айы 2015. Архивировано из оригинала 8 От айы 2015 года.
- Международный день шахмат 2009 (видео)
- Международный день шахмат 2023 в городе Брянске