Чоннар аразындағы музыка кӱні
| Чоннар аразындағы музыка кӱні | |
|---|---|
,_1745,_de_Pierre_Larcher.jpg) | |
| Тип | Чоннар аразындағы |
| Тӧстелген | 30 ноябрьда 1974 чылда ЮНЕСКО хойнындағы Чоннар аразындағы музыка чӧбі пастаанаң |
| Кӱні | 1 октябрьда |
Чоннар аразындағы музыка кӱні (орыс. Междунаро́дный день му́зыки), (англ. International Music Day) Чоннар аразындағы музыка чӧбінің (IMC) пастаанаң ЮНЕСКО хойнында тӧстелген. Чыл сай тиксі тилекейде 1 октябрьда таныхталча.
Чоннар аразындағы музыка кӱнін иртірер чарадығ IMC 15-ҷі Генеральнай Ассамблеязында Лозаннада 1973 чылда алылған.
30 ноябрьда 1974 чылда Чоннар аразындағы музыка чӧбінің кнезі, сэр Иегуди Менухин, паза аның орынҷызы Борис Ярустовский IMC кізілерінзер пічікнең айланғаннар:
Чоннар аразындағы музыка чӧбінің пастаанаң IMC 15-ҷі Генеральнай Ассамблеязында Лозаннада 1973 чылда алылған резолюция пастыра ирткен Пастағы Чоннар аразындағы музыка кӱні 1 октябрьда 1975 чылда иртірілер.
Пу кӱннің пӧгіні:
— тиксі халых аразында музыка искусствозын тарадары;
— ЮНЕСКО апарчатхан чоннар аразындағы амыр чуртас паза ынархыс кӧстеглерін, культура тилізін, опытнаң ӱлезерін паза удур-тӧдір улуғлазып пілізерін чуртасха кирері полча.
Пічікте музыка пайрамнарын иртірер пӧгіннер пирілче. Оларның санында чайаачы иирлер, композиторларнаң, ырҷыларнаң, музыканттарнаң тоғазығлар иртірері, кӧг тиріглері паза искуство, сомнар кӧзідіглерін тимнирі полча. Пічік толдыразынаң IMC сайтында сығарылған[1].
Алған орын
- ↑ Официальный сайт Международного музыкального совета (IMC, International Music Council) при ЮНЕСКО. Дата обращения: 14 Чарыс айы 2017. Архивировано 25 Ӱртӱн айы 2017 года.