Чоннар аразындағы иреелегні кӧргеннерге хабазар кӱн
Чоннар аразындағы иреелегні кӧргеннерге хабазар кӱн ( ООН-ның пасха хазна тіллерінде: англ. International Day in Support of Victims of Torture, араб. اليوم العالمي للأمم المتحدة لمساندة ضحايا التعذيب, исп. Día Internacional de las Naciones Unidas en Apoyo de las Víctimas de la Tortura, хыд. 支持酷刑受害者國際日, фр. Journée internationale des Nations unies pour le soutien aux victimes de la torture ) — 26 июньда таныхталча, аны ООН-ның Генеральнай Ассамблеязы 12 декабрьда 1997 чылда ООН-ның ӧнетін резолюциязында (№ 52/149) чарлабысхан.
ООН-ның резолюциязының искіриинде, пу чоннар аразындағы кӱн иреелегні чох идерге паза 1984 чылдағы «Иреелегдең паза пасха оңдайнаң кізее чабал хайчатханынаң, аны хатығлапчатханынаң тоғыр конвенцияны» тузалығ идерге кӧріл парған.
ООН-ның Генеральнай хачызы пу Чоннар аразындағы кӱн хоостыра позының 2006 чылдағы чахиинда иреелегнің ам даа учурапчатханын таныхтапча. Ол прай хазналарға Иреелегдең тоғыр конвенцияны паза аның факультативнай протоколын ратификация идерге хығырча. Чахығда ООН-ның Пос кӧңнінең иділчеткен чыындызының хозымынаңар чоохтапча. Иреелег кӧрген кізілерге, оларның сӧбірелеріне хабасханнаң пеер пу чыындыға 2006 чылда 25 чыл тол парған.