Чоннар аразындағы бармен кӱні
| «Чоннар аразындағы бармен кӱні» | |
|---|---|
 | |
| Тип | Профессия ӱлӱкӱні |
| Пасха | «Бармен кӱні» |
| Таныхталчатхан орны | Чир ӱстӱнде |
| Кӱні | Азығ айының 6-ҷы кӱні |
| Таныхталчатханы | 6 февральда |
| Палғалыстығ | Барменнернің полысчызы Ах-арығ Амандты улуғлирынаң |
Чоннар аразындағы бармен кӱні (англ. International Bartender's Day, орыс. Международный день бармена) — тиксі тилекейде азығ айының 6-ҷы кӱнінде таныхталчатхан профессия ӱлӱкӱні.
Тархын паза таныхтир кибір
Чоннар аразындағы Барменнер Ассоциациязы 1951 чылның азығ айының 24-ҷі кӱнінде чечімеде Великобританияның Торкидегі гранд-отелінінің салонында тӧстелген. Амғы тусха теере ол кирек тиксі тилекейде Чоннар аразындағы бармен кӱні чіли таныхталча.
Ассоциацияның ӧӧн пӧгіні гильдия кізілері аразында чоннар аразындағы палғалысты пиктеп, аны тилідері полча, ідӧк бармен профессиязынаңар чонға чарыдары полча.
Чоннар аразындағы Барменнер Ассоциациязының тархыны
1951 чылның азығ айының 24-ҷі кӱнінде Великобританиядағы Торкиде Чоннар аразындағы Барменнер Ассоциациязы тӧстелген. Аның кізілер-тӧстегҷілеріл (гильдиялар) Дания, Франция, Италия, Нидерланды, Швеция, Швейцария паза Великобрианияның Піріккен Королевствозы полғаннар. 2021 чылда азығ айының 24-ҷі кӱнінде Ассоциацияа 70 чыл тол парған. Аның президенті полған Великобританиядағы Билл Тарлинг, аның соонда пазағы чылында Швейцариядағы Джордж Сиве полыбысхан, Италиядағы Пьетро Гранди, Даниядағы Курт Соренсен .
1963—1976 чылларда (14 чыл) Италияда кнес полған Анджело Зола. Ол ідӧк Чоннар аразындағы Барменнер Ассоциациязының (IBA) тӧстелгеніне чарыдылған тегілек столының тӧстегҷілерінің пірсі полған.
Ассоциация тиліп турған, 1976 чылда тоғысха 23 наа араласчы алған. Іди Барменнер ассоциациязына 30 хазна кізілері кірген. Амғы туста андар 64 араласчы кірче, 3 хазна сыныхтағҷы полча.
Чоннар аразындағы бармен кӱнін 2008 чылда Киевте алғым таныхтабысханнар[1]. Пу киректің пастағҷылары Киевтегі «Докер Паб» рок-клуб паза Чоннар аразындағы «Planet Z» барменнер кіні полыбысханнар. Россияда ӱлӱкӱн 2009 чылдаң сығара алғым таныхтал сыххан. Чоннар аразындағы бармен кӱні Ах-арығ Аманд кӱнінде таныхталза даа, пу пір ӱлӱкӱн нимес. Пірсі профессия ӱлӱкӱні полча, ікінҷізі — католиктернің. Ах-арығ Амандты Орыс православнай тигіриб чағын итпинче.
США-да улуғ хырлас айының пастағы пис хонығында Барменні улуғлаҷаң кӱн (англ. Bartender Appreciation day) таныхталча[2].
Чоннар аразындағы кӱнде аймах марығлар, ойыннар, барменнер аразындағы арға-мӧрійлер, «араға» викториналарын паза амзаҷаң чӧрімнер иртірілчелер[3].
Алған орын
- ↑ Международный день бармена. Дата обращения: 27 Кӱрген айы 2014. Архивировано из оригинала 3 Азығ айы 2014 года.
- ↑ День бармена 2021: история и традиции международного праздника. Дата обращения: 28 Кӱрген айы 2021. Архивировано 5 Азығ айы 2021 года.
- ↑ 6 февраля — Международный день бармена: история и традиции праздника. 2025-02-05. Дата обращения: 6 Азығ айы 2025.