Чоннар аразындағы амыр чуртас кӱні

Чоннар аразындағы амыр чуртас кӱні
Чоннар аразындағы амыр чуртас кӱні
Кӱні	Ӱртӱн айының 21-ҷі кӱні
	Медиафайлы на РУВИКИ.Медиа

Чоннар аразындағы амыр чуртас кӱні (орыс. Междунаро́дный день ми́ра, ООН-ның пасха хазна тіллерінде: англ. International Day of Peace, араб. اليوم العالمي للسلام, ‎исп. Día Internacional de la Paz, кит. 国际和平日, фр. Journée internationale de la paix ) 2002 чылдаң сығара ООН-ның Генеральнай Ассамблеязының 36-ҷы чыылиинда тӧстелген (1981 чылда сыххан A/RES/36/67 № Резолюция).

Пастап ӱлӱкӱн ӱртӱн айының ӱзінҷі тӧӧй кӱнінде — чыл сай иртірілчеткен ООН-ның Генеральнай Ассамблеязының сессиязы азылчатхан кӱнінде иртірілҷең. Чоннар аразындағы амыр чуртас кӱнін таныхтир чарадығ ООН-ның Генеральнай Ассамблеязының 55-ҷі чыылиинда алылған (2001 чылда сыххан A/RES/55/282 № ӧнетін резолюция).

Генеральнай Ассамблеяда пу кӱн «тиксі тилекейде чааны тохтадар кӱн» чіли чарлалған. Чыл сай 21 сентябрьда ООН-да аймах мероприятиелер иртчелер. Кибірли Амыр чуртас саңы хыринда пасталчалар. ООН-ның Генеральнай хачызы айланызы соонаң, саңны саапча. Тапсабас пағат соонаң, ООН-ның Хорғысты хайыстырар чӧбінің кнезі чонзар айланча. Пу кӱнде пічікке кирілбеен чаа тиріглері пос кӧңнінең пирілчелер, ағастар одыртылчалар, хазых хайраллапчатхан паза спорт чӧрімнері иртірілчелер.

Кӱннің темазы

2022 чыл — «Разизмні тохтадарға. Амыр чуртас пӱдірерге».
2021 чыл — «Полғанынаң артых» сағыс хоостыра чахсыны айландырары".
2020 чыл — «Амыр чуртасха хада».
2019 чыл — «Климат идіглері амыр чуртас ӱчӱн».
2018 чыл — «Амыр чуртасха право: Кізі праволарының тиксі декларациязының 70 чыл соонаң».
2017 чыл — «Хада амыр хоных ӱчӱн: прайзына аарлас, хорғыс чох чуртас, чеес».
2016 чыл — «Пик тилістегі пӧгіннер: амыр хоныхтың кирек чардыхтары».
2015 чыл — «Амыр хоных ӱчӱн палғалыс — полғанының на турыстығ кирее».
2014 чыл — «Чоннарның амыр чуртасха правозы».
2013 чыл — «Амыр чуртас кӧстеенҷе ӱгредіг».
2012 чыл — «Пик амыр чуртас алнындағы пик хоных ӱчӱн».
2011 чыл — «Амыр чуртас паза демократия: сағызыңнаң ӱлес пир».
2010 чыл — «Чииттер амыр хоных паза тиліс ӱчӱн».
2009 чыл — «Чаа тиріглерінің чох иділгені паза тарадылбааны».
2008 чыл — «Кізі правозын паза амыр чуртасты тыыдары».
2007 чыл — «Амыр чуртас — Піріктірілген Нациялар Пірігізінің ӧӧн кирее».

Ссылкалар

Шаблон:Антивоенное движение