Флаг кӱні (Аргентина)
| Флаг кӱні | |
|---|---|
 Аргентинадағы флаг кӱні | |
| Тип | Хазна ӱлӱкӱні |
| Пасха | Национальнай флаг кӱні |
| Тӧстелген | Президентом Аргентины |
| Таныхталчатхан орны |
 Аргентина |
| Кӱні | 20 июня |
| Палғалыстығ | Флагтың дизайнері Мануэль Хосе Хоакина дель Корасона де Хесуса Бельгранонің ӱреен кӱнінең |
 Медиафайлы на РУВИКИ.Медиа | |
«Флаг кӱні» (исп. Dia de la Bandera) — Аргентинаның национальнай ӱлӱкӱні, хазнаның ӧӧн танығларының пірсі Аргентинаның флагына чарыдылған. «Флаг кӱні» Аргентина Республикада чыл сай, 20 июньда таныхталча[1].
Пу кӱнде 1820 чылда, Мануэль Хосе Хоакин дель Корасон де Хесус Бельграно — Аргентина чонының матыры, адвокат, политик генерал паза ах — ах кöгiлбей флагтың эскизінің авторы ӱреен. 1812 чылдағы флаг эскизі Республиканың таниина алылған (аның флагында тиң чалбахтығ ӱс чолы чатыралар, ӱстӱндегі паза алтындағы чоллар ах кӧгілбей ӧңніглер, ортызындағызы – ах. 1818 чылда флаг ортызына сарығ «майдағы кӱн» кирілген). Пастағызын на ӱлӱкӱн 1938 чылда Аргентина Президенті Роберто Мария Ортистің чахии хоостыра таныхталған.
Пу кӱнде «Флаг кӱнінің» таныхталчатхан кіні хазнаның іскеркі саринда орныхчатхан Санта-Фе провинцияның Росарио городы полыбысча. Мында, пастағызын на Аргентинаның флагы кӧдірілген орында, Аргентина флагының неделязы иртче. Ӱлӱкӱннің Россариодағы ӧӧн орны — Аргентинаның флагына чарыдылған мемориал[2].
Ӱлӱкӱн тузында азых митинг иртче. Анда муниципальнай паза провинция ӱлгӱ органнарының кізілері аралазадыр. Пірееде хазна президенті мероприятиеде араласча. «Флаг кӱнінде» пайрамнығ чӧріс паза парад иртче, анда Аргентинаның Тирігліг кӱстерінің чааҷылары, Фолклендтегі чаа ветераннары, полиция, гражданскай пірігістер паза ассоциациялар араласчалар.
Аргентинада халых ӱлӱкӱннері, закон хоостыра, чағдапчатхан пас кӱнге чылдырылча (узун тынағ кӱннері туризмні тилідерге хабасча тіп), аннаңар ӱлӱкӱн удаа 20 июньда иртірілбин, пасха кӱннерге киліс парча. Пу кӱн областьтағы паза муниципальнай хазна устағ-пастағларының тоғынҷыларына паза школаларға тынағ кӱні саналча.
Алған орын
- ↑ День флага Аргентины — 20 июня. История и особенности праздника в проекте праздники 2010 год
- ↑ [www.calend.ru/holidays/0/0/2333/ День флага в Аргентине — 20 июня. История и особенности праздника в проекте Календарь Праздников 2010]
- Чардыхти Википедиядағы англия паза испан пӧліктерінің материаллары тузаланылған.
Ідӧк кӧр.
 | Пу статьядағы пірее тастындағы ссылкалар спам-листке кирілген сайттарға ағылчалар. |