Филолог кӱні
| Филолог кӱні | |
|---|---|
 М. В. Ломоносовха хумартхы тас МГУ-ның Ӧӧн зданиезі алнында. 2016 | |
| Тип | Профессия ӱлӱкӱні |
| Тузазы | филологтарның тіл паза культура ис-пайының тилізіне паза аның хайраллирына хозымын таныхтир ӱчӱн |
| Таныхталчатхан орны |
 Россия Белоруссия |
| Кӱні | 25 майда |
| Палғалыстығ | филология |
Филолог кӱні — чуртастарын филологияа чарытхан кізілернің профессия ӱлӱкӱні. Россияда Славян пічиинің паза культуразының кӱні соонда, сілкер айының 25-ҷі кӱнінде, таныхталча.
Ӱлӱкӱн тілҷілерні, литератураведтерні, тіл паза литература ӱгретчілерін паза преподавательлерні, библиотекарьларны, тілбесчі-филологтарны паза филология ӱгредігліг кізілерні піріктірче.
Филология наука (др.-греч. φιλολογία — «сӧске хыныс») — тіл паза литература чайаачызы хоостыра таныхталчатхан чонның культуразын істесчеткен дисциплиналар группазы (лингвистика, литературоведение, текстология паза пасхазы.
Филолог кӱні ідӧк Белоруссияда таныхталча. Пасха хазналарда ӱртӱн айының 8-ҷі кӱнінде ЮНЕСКО тӧстеен Чоннар аразындағы пічік пілгенін таныхтапчалар[1].
Тархын
Филология тархыны
Филология наука чіли XVII чӱс чылда Европада тӧстелген. Аның алнындағы наука тілні, тархынны, культураны, философияны ӱгренген. Пістің эра алнындағы III чӱс чылда Пурунғы Грецияның паза Пурунғы Индияның тексттеріне пастағы чарыдығлар пол килгеннер[2].
.jpg)
Россияда орыс тілі науканың тӧстегҷізі XVIII чӱс чылда М. В. Ломоносов полыбысхан. «Филология» сӧс аның тоғыстарында тоғасча, ідӧк аны В. К. Тредиаковский ӱзӱрче:
…полуденного солнца яснее, что вся вообще филология… самою вещию есть токмо что элоквенция", [которая] управляет, умножает, утверждает… повсюду сияет и объединяет все науки и знания, ибо все они токмо чрез элоквенцию говорят[3].
"Сӧс наукалары" «филология наукалары» тіп XIX чӱс чылның ортызында ла алғым адал сыхханнар. Пастап СПбГУ-ның тархын-филология факультеді адал парған (1850 чылға теере — тархын паза словеснай наукалар факультеді), соонаң, 1853 чылда, К. П. Зеленецкий «Введение в общую филологию» пас салған. «Филология» терминнің тарааны Россиядағы «Филологические записки» тіп пастағы ӧнетін наука журналынаң палғалыстығ. Ол Воронежте 1860 чылдаң сығара редактор А. А. Хованскийнің устаанда чарыхха сыххан[2].
Филология наука чіли оңнағ чыллардаң алызып одырған. Филология чонның культуразын, аның литературазын, тархынын, тілін істесчеткен наукаларның тиксізі чіли оңарыл сыххан. [[Файл:Filološki fakultet, biblioteka kineski japanski 4.jpg|thumb|488x488пкс|Белград университедінің филология факультеді, хыдат паза япон филологиязының библиотеказы
Ӱлӱкӱн тархыны
Филолог кӱні пастағызын на совет тузында М. В. Ломоносовтың адынаң Москвадағы хазна университедінде 1989 чылның сілкер айының 25-ҷі кӱнінде преподавательлер паза студенттер пастаанаң таныхталған. Соонаң ол кибір академиктер аразына тарадылған[1].
1992 чылдаң сығара МГУ-ның филология факультеді, Филогия кӱнін сілкер айының 25-ҷі кӱнінде таныхтабин, хысхының пастағы питі хонығында иртірче, андада 1941 чылның улуғ хырлас айының пастағы кӱннерінде филология факультеді тӧстелген[4].
Таныхтир кибір
Пу кӱнде университеттерде паза культура учреждениелерінде концерттер, тегілек столлар, викториналар иртчелер, орыс тілінеңер паза литератураа чарыдылған докладтар хығырылчалар паза пасхазы[1]
_05.jpg)
Студенттер аразында киртінчелер: Диплом арачыланызы Филолог кӱніне киліс парза, ол маңнаныстығ иртер[1].
Тузазы
Ӱлӱкӱн филологияның наука чіли аарлығ полчатханын кӧзідерге, тіл паза культура ис-пайының тилізіне паза аны хайраллирына хозым иткен ӱчӱн преподавательлерге, учёнайларға паза специалисттерге алғызын читірерге кӧріл парған. Пу кӱн улуғ аудитория аразында тіл паза литература пілістерін тарадарға оңдай пирче[5].
XX чӱс чылның улуғ филологы Д. С. Лихачёв филологияны хоостап «прай палғалыстарның палғалызы» тіп адаан паза пу тузаны иң аарлыға санаан[6]:
Ол тархын источниковедениезін языкознаниенең паза литературоведениенен палғалыстырча. Текст тархынын істезеріне алғым аспект пирче. Литературоведениенең языкознаниені произведение стильін істезерінде палғалыстырча. <…> Филология ӧӧнінең антиформалистичнай, тархын источнигі алай хоос памятнигі даа полза, ол тексттің тузазын орта оңарарға ӱгретче.
Культурада
- Рунетте «Филологическая дева» ӧме пар. Анда филологтарға чарыдылған интернет-мемнер сығарылчалар.
- Тіл нормаларына хатығ тудынчатхан филологтарны граммар-наци адапчалар.
Алған орын
- ↑ 1 2 3 4 Когда отмечают День филолога в 2025 году, РБК Life. Дата обращения: 17 Хосхар айы 2025.
- ↑ 1 2 День филолога 2025: какого числа, история и традиции праздника, Комсомольская правда. Дата обращения: 17 Хосхар айы 2025.
- ↑ Тредиаковский В. К. 1745. — Цит. по ст.: Аннушкин В. И. «Филология — словесность — языкознание в классической русской традиции и современном научно-педагогическом процессе». Дата обращения: 3 Улуғ хырлас айы 2011. Архивировано 3 Орғах айы 2014 года.
- ↑ День филолога собирает друзей. Филологический факультет МГУ имени М. В. Ломоносова. Дата обращения: 18 Хосхар айы 2025.
- ↑ Андреева, 2015, с. 223, 226.
- ↑ Хрулёв, 2019, с. 409.
Литература
- Андреева С. М. Филология как источник национального сознания и национальной культуры // Вестник Белгородского государственного технологического университета им. В. Г. Шухова. — 2015. — № 1. — С. 223—226.
- Хасанова О. О. Образ героя-филолога в современной прозе // Мир науки и мысли. The World of Science and Ideas. — 2023. — № 2. — С. 95—99.
- Хрулёв В. И. Филология в нашей жизни // Вестник Башкирского университета. — 2019. — № 2. — С. 408—413.
Ссылкалар
- Список известных российских филологов // Esaulov.net
- В честь праздника по чашечке эКспрессА: мемы в честь Дня филолога // 12 канал