Тыва Республика кӱні
| Тыва Республика кӱні | |
|---|---|
 Азия кіні хумартхы тас, Кызыл, 2015 | |
| Тип | Хазна ӱлӱкӱні |
| Закон хоостыра | хак. Тыва Республика кӱні, тыва Тыва Республика хүнү |
| Тузазы | Пу кӱн Туваның пос алынҷа полыбысханын таныхтапча |
| Тӧстелген | сувереннай Тува Чон Республиказы хазна тӧстелгеніне чарыдылча (1921—1944) |
| Таныхталчатхан орны |
 Тыва Республика |
| Кӱні | 15 августта |
Тыва Республика кӱні (тыва Тыва Республика хүнү) — Тыва Республиканың хазна ӱлӱкӱні. 1991 чылдаң сығара чыл сай 15 августта таныхталча[1]. Республикада пу кӱн тынағ кӱні полча[2].
Тархын
1921 чылда орғах айының 14—16 кӱннерінде Суғ Пазы чирде Тиксі Тувадағы пастағы чыылығ ирткен. Анда Туваның прай хожууннарының кізілері араласханнар. 15 августта Конституция алылған, Тува Чон Республиказы наа сувереннай хазнаның устаныс органнары тӧстелгеннер[3].
13 октябрьда 1944 чылда РСФСР-ның Ӧӧркі Чӧбінің Президиумы Тува Чон Республиказын автоном облазы чіли РСФСР-ға кирчеткенінеңер Чахығны алған[4].
Тыва Республика кӱні 1991 чылда Тува АССР-ның (Автоном Социалистическай Советскай Республика) суверенитеді айландырылған соонда тӧстелген. Ол Туваның пос алынҷа полчатханын таныхтапча. Тыва Рсепубликаның культура, тархын паза нация чидии полча[5].
Таныхтиры
Пу кӱнде Тыва Республикада аймах культура, спорт мероприятиелері иртчелер. Монгуш Буяна-Бадыргының хумартхы тазына хайди даа чахайахтар салылча. Ол Тува хазнаның тӧстегҷілерінің пірсі полча[6].
Чыл сай Национальнай музыка-драма театрында Тыва Республиканың кӱніне чарыдылған пайрамнығ иир иртче. Анда хазна сыйыхтары читірілчелер. Ідӧк пу кӱнде Туваның тархынына паза культуразына, чидіглеріне чарыдылған конференциялар, форумнар, кӧзідіглер паза лекциялар иртірілчелер.
Кибірли охчаа атарынҷа, ат чарызынҷа, «кӱресче» марығлар иртчелер.
Ідӧк кӧріңер
• Тыва Республиканың Конституция кӱні
• Тыва Республиканың хазна флагының кӱні
Алған орын
- ↑ В Республике Тыва сегодня выходной день – День республики
- ↑ Закон Республики Тыва О праздничных днях Республики Тыва от 12 февраля 1999 года № 143
- ↑ 15 августа — день Республики Тыва
- ↑ К 75-летию вхождения ТНР в состав СССР
- ↑ День Республики Тува в 2024 году: когда празднуют, какого числа отмечается
- ↑ В Туве утвердили план праздничных мероприятий, посвященных празднованию Дня Республики Тыва
Ссылкалар
• 15 августа — день Республики Тыва
• Закон Республики Тыва О праздничных днях Республики Тыва от 12 февраля 1999 года № 143