Тоғысха иртіре кӱлӱктің кӱні
| Тоғысха иртіре кӱлӱктің кӱні | |
|---|---|
| Файл:Трудоголик.webp | |
| Тип | Нхазна синіндегі нимес |
| Таныхталчатхан орны | чыл сай |
| Кӱні | От айының 5-ҷі кӱні |
Тоғысха иртіре кӱлӱктің кӱні (орыс. День трудого́лика, англ. Workaholics Day) — тоғыснаң на чуртапчатхан, пос профессиязы ӱчӱн кӧп нимені хыйа итчеткен кізілернің ӱлӱкӱні. Чыл сай кӧп хазналарда от айының 5-ҷі кӱнінде таныхталча.
Пу хазналар синінде пічікке кирілбеен ӱлӱкӱн иртіре кӧп тоғынчатханы хомайға ағылчатханын кӧзідерге паза тоғысха иртіре кӱлӱктерні пасха чуртирға кӧӧктірерге тӧстелген. Иртіре кӧп тоғынчатхан кізілернің девизі: «Піс чуртир ӱчӱн тоғынчабыс»[1].
Тархын
Пічікке кирілбеен Workaholics Day США-да тӧстелген, соонаң пасха хазналарда таныхтал сыххан, ол санда Россияда. Пу ӱлӱкӱн сӧбіре, арғыстар, хынған кізілері орнына тоғысча ӧскенін таллап алған улусха чарыдылча. Андағ кізілер «тоғыста чуртирға хынадырлар».
«Трудоголизм» термин 1971 чылда Америкадағы психолог паза киртініс кізізі Уэйн Эдвард Оутстың «Исповедь трудоголика» киндезінің сығарызы соонаң пол килген. Ол сӧснең ол кізінің хазиина хорғыс ағылчатхан иртіре кӧп тоғынар кӧңнін таныхтаан.
Тоғысха иртіре кӱлӱктер:
- тоғысты пастағы орынға турғысчалар;
- кӧп сағыссырапчалар;
- оларның пос чуртазы чоғыл;
- иртіре кӧп тоғынчатханынаң чараспинчалар[2].
Оутс иртіре коп тоғынчатханын іске тартылғанынаң паза химияның паза психологияның изі чох оңдайларынаң тиңнестірген. Иртіре кӧп тоғынчатханы — сын чуртастаң тискені полча, мында тоғыста кӧп істенчеткенінең палғалыстығ[3]. Иртіре кӧп тоғыс, уйғу-чадын чох хараалар, тынағ чох кӱннер аймах неврозтарға ағылча. Кізі кӧп нимені сизін полбинча, нерв системазы сайбал сыхча, ағырығлар сығысча. Тоғыс туза ағылбин сыхча. Психологтар иртіре кӧп тоғынчатханының ӱс ӧӧн сарин таныхтапчалар:
- кӧп тоғынар пӧгін істінең сыхча,
- тынағ тузында тоғыстаңар тӧреміл сағыстар,
- чуртаста тоғысха иртіре кӧп тус парча.
Пу кӱн кізілерні тынанарға, чағыннарнаң хада поларға кӧӧктірче.
Кибірлер
Тоғысха иртіре кӱлӱктернің кӱнінде посты паза хада тоғынчатханнарны профессия чидіглері паза пос ӧзізі ӱчӱн махтирға кӧріл парған[4].
Пу кӱнде тынанып, тоғысха кӱс чағын кізідең хости полып, аны таныхтирға чарир.
Чапсых танығлар
Иртіре кӧп тоғынғанының сылтағлары — перфекционизм, посты тӧбін паалиры, кізінің уйатчыл оңдайы, сын чуртастаң тискені, чидігні сӱріскені. Тоғысха кӱс кізілер хынып істенчелер, тоғыс оларға чуртастың чардығы ла полча, посха паза сӧбірее парыс идіп алар оңдай полча. Тоғысха иртіре кӱлӱктер тынағ чох істенчелер, олар чуртастың татхынын пілбинчелер, сағыссыраста чуртапчалар[3].
Иртіре кӧп тоғынғанының чахсы сари пар: тоғысха иртіре кӱлӱктер пасхазының хыринда табырах пӧзік чидіглерге читчелер, оларны нандырығлығ, хайдағ даа сурығны пӧк полчатхан тоғынчыларға санапчалар[4].
Алған орын
- ↑ День трудоголиков. Государственное казенное учреждение г.Москвы "Энергетика" (5 От айы 2021). Дата обращения: 23 Сілкер айы 2024.
- ↑ Всемирный день бикини, День трудоголика, Евсеев день: Какие праздники и приметы 5 июля. Life.ru (5 От айы 2023). Дата обращения: 23 Сілкер айы 2024.
- ↑ 3,0 3,1 Колпакова М. А. Трудоголизм как аддикция // Бюллетень медицинских интернет-конференций : журнал. — 2014. — № 11.
- ↑ 4,0 4,1 Юлия Козлова. День трудоголика в 2024 году: история и традиции праздника. Комсомольская правда. Дата обращения: 23 Сілкер айы 2024.
Литература
Лукьянов Олег Валерьевич, Щеглова Элеонора Анатольевна, Неяскина Юлия Юрьевна. Современный психологический образ трудоголика человека, извращённо представляющего место и роль труда в его жизни // Вестник Томского государственного университета. — 2013. — № 376.
Рядинская Евгения Николаевна, Волобуев Вахтанг Вячеславович. Социально-психологические и личностные особенности проявления трудоголизма // Известия Саратовского университета. Новая серия. Серия Философия. Психология. Педагогика. — 2023. — № 1.
Колпакова М. А. Трудоголизм как аддикция // Бюллетень медицинских интернет-конференций. — 2014. — № 11.