Тиксі тилекейдегі тамкы чох кӱн

Рувики тiп сайттаң
Тиксі тилекейдегі тамкы чох кӱн
«Полған на кӱнні Тиксі тилекейдегі тамкы чох кӱн ит». Тиксі тилекейдегі хазых хайраллаҷаң пірігістің постері, 2018.
«Полған на кӱнні Тиксі тилекейдегі тамкы чох кӱн ит». Тиксі тилекейдегі хазых хайраллаҷаң пірігістің постері, 2018.
Тузазы Тамкы тартпинчатханы
Тӧстелген 1989 чылның сілкер айының 17-ҷі кӱнінде WHA42.19 № резолюциянаң
Тӧстегҷі Тиксі тилекейдегі хазых хайраллаҷаң пірігіс
Таныхталчатхан орны Чоннар аразындағы ӱлӱкӱн
Кӱні Сілкер айының 31-ҷі кӱні
Логотип РУВИКИ.Медиа Медиафайлы на РУВИКИ.Медиа

Тиксі тилекейдегі тамкы чох кӱн (орыс. Всемирный день без табака, ООН-ның пасха хазна тіллерінде: англ. World No Tobacco Day, араб. اليوم العالمي للامتناع عن التدخين, ‎исп. Día Mundial Sin Tabaco, хыд. 世界无烟日, фр. Journée mondiale sans tabac ) — 1990 чылдаң сығара чыл сай сілкер айының 31-ҷі кӱнінде таныхталчатхан чоннар аразындағы ӱлӱкӱн.

Тархын

1989 чылның сілкер айының 17-ҷі кӱнінде Тиксі тилекейдегі хазых хайраллаҷаң пірігіс  (орыс) (рус. (ВОЗ) Тиксі тилекейдегі хазых хайраллаҷаң ассамблеязының 42-ҷі сессиязында «Тиксі тилекейдегі тамкы чох кӱнні» тӧстеп алған (WHA42.19 № резолюция)[1].

Ӱлӱкӱн Піріккен Нациялар Пірігізінің (ООН) тиксі тилекейдегі паза чоннар аразындағы кӱннер системазына кирілген.

Таныхтаҷаң кӱнге сілкер айының 31-ҷі кӱні табылған[2].

  • Пу ӱлӱкӱнні тӧстир пӧгін прай тилекейдегі халыхты тамкы тартарынаң тоғыр поларға паза пос хазиинаңар сағыссырирға кӧӧктірері полча[2].

1990 чылның сілкер айының 31-ҷі кӱнінде пастағызын на «Тиксі тилекейдегі тамкы чох кӱн» ӱлӱкӱн таныхталған.

2003 чылның сілкер айында тилекейнің 192 хазназынаң ВОЗ кізілері тамкыдаң тоғыр кӱрезігҷе ВОЗ-тың Рамочнай Конвенциязын алыбысханнар. 2005 чылның азығ айының 27-ҷі кӱнінде Конвенция чуртасха кирілген[1][3].

  • Конвенция халых орыннарда тамкы тартарын, тамкы ниме-нооларын сығарарына паза садарына налогтарны, ідӧк оларға пааларны кӧдірерін чаратпинча. Конвенция хоостыра, тамкы тартханы хазыхха хомай полчатханын таныхтапчатхан сизіндіріглер тамкылығ ниме-нооның упаковказының чарымызында поларға киректер[3].

2006 чылның азығ айының 6-ҷы кӱнінде Женевада тамкыдаң тоғыр кӱресчеткен ВОЗ-тың Рамочнай Конвенциязында араласчатхан хазналарның пастағы тоғазии ирткен, анда тилекейнің 110 хазназы араласхан[1].

2024 чылда Конвенцияда 183 хазна араласхан[2].

Палғалыстығ киректер

  • 1977 чылда США-да Американ онкология пірігізі «Чоннар аразындағы тамкы тартызын тастаҷаң кӱн» ӱлӱкӱнні тӧстеп алған[4].
  • 1984 чылда Великобританияда «Тамкы тартпаҷаң кӱн» тӧстелген.
  • 2001 чылда «Тамкы тартарын хызырардаңар» пастағы федеральнай закон алылған[5].
  • 2013 чылның хандых айының 1-ғы кӱнінде Россияда «Чуртағҷыларның хазиин ибіркі тамкы ызынаң паза тамкы тартханының салтарларынаң хайраллирдаңар» федеральнай закон алылған[6].
Индонезия марказы — 1997 — Colnect 254165 — Тиксі тилекейдегі тамкы тартарынаң тоғыр кӱрезіг кӱні.

Ӏстезіглер

ВОЗ-тың 2013 чылдағы танығлары хоостыра, тамкы тартчатхан ӱчӱн 25 азыра ағырығның иртчеткені хомайлалча тіп искірілче (чӱрек-тамыр, ӧкпе паза онкология)[7].

Британиядағы British Doctors Study учёнайларының кӧп чыллар апарылған істезіглері тамкы тартханы ӧкпедегі рак ағыриинаң паза миокард инфарктынаң ағырар хорғысты ӧскірчеткенін киречілепче, аның ӱчӱн тилекейде чыл сай 6 млн-ҷа кізі ӱреп парча, ол санда тамкы тӱдӱнін чыстапчатханнары[7].

Азахтағы тамырлар паза пасха даа артериялар аар ағырчатхан, пір ле нимес коронарнай шунтирование иттірген, че тамкыны тастап полбаан кізілерні пілчем, итсе-де, олар сидіксіністі оңарчалар, че аны идерге сағынчалар. Имнер кӧбізінде полысчалар, че оларның хоза салтарлары пар, пірееде олар посха хол салыныбызарға айабастар. Уламох анзы чӱрек-тамыр ағырығлығ кізілерге теелче, паза пір хомай салтар чӱрек-тамыр улғаадыстарының провокациязы полча, " — интервьюда чоохтанған РФ-ның Хазых хайраллаҷаң министерствозының профилактика медициназынҷа специализі С. А. Бойцов  (орыс) (рус.[7].

Темалар

Чыл сай пу кӱнні таныхтаҷаң тема таллалча[8]:

  • 1990 — «Тамкы чох олған паза чиит тус»[9];
  • 1991 — «Халых орыннары паза транспорт: тамкыдаң пос полғаны артых ла»[10];
  • 1992 — «Тамкыдаң пос тоғыс орыннары: хорғыс чох паза хазых ла»[9];
  • 1993 — «Хазых хайраллаҷаң хабазығлар: пістің тамкыдаң пос чирзер кӧзенеебіс»;
  • 1994 — «Халых искіріг оңдайлары паза тамкы: хазыхтаңар искірігні тарадары»;
  • 1995 — «Тамкы сірер сағынчатханнаң аарлығ турча»[11];
  • 1996 — «Спорт паза искусство тамкы чох»[12];
  • 1997 — «Тамкыдаң пос амыр чуртас ӱчӱн пірігіп»[13];
  • 1998 — «Тамкы чох улуғланыс»[13];
  • 1999 — «Пачканы соонда артыс сал»[14];
  • 2000 — «Тамкы ӧдірче, позыңны алаахтырарға пирбе»[15];
  • 2001 — «Тамкы ызын чыстааны ӧдірче — киині арығлабызааңар»[16];
  • 2002 — «Тамкы чох спорт»[17];
  • 2003 — «Тамкынаң пос кинонаң мода»[18];
  • 2004 — «Тамкы паза чох-чоос чуртас: тоозылбас ниме»[19];
  • 2005 — «Хазых хайраллаҷан специалисттер паза тамкыдаң тоғыр кӱрезіг»[20];
  • 2006 — «Тамкы хайдағ даа кӧрімінде паза аймаанда ӧлімге ағылча»[21];
  • 2007 — «Кізілернің тамкы ызы чох полчатхан орыннары»[20];
  • 2008 — «Чииттер тамкы чох»[20];
  • 2009 — «Тамкының хазыхха ӱрег ағылчатханнаңар сизіндіріглер»[20];
  • 2010 — «Гендер факторы паза тамкы: ипчілерге маркетингке алынҷа хайығ»[20];
  • 2011 — «Тамкыдаң тоғыр кӱрезігҷе ВОЗ-тың Рамочнай Конвенциязы»[20];
  • 2012 — «Тамкы промышленнозының тоғырланызы»[20];
  • 2013 — «Тамкы компанияларының рекламазын, садыға кӧӧктіргенін паза спонсорствозын чаратпааны»[20];
  • 2015 — «Тамкы ниме-нооларының закон чох садиин тохтадарға»[20];
  • 2016 — «Олаңай упаковкаа тимненерге»[20];
  • 2017 — «Тамкы — тиліске хорғыс»[20];
  • 2018 — «Тамкы паза чӱрек ағырығлары»[6];
  • 2019 — «Тамкы паза ӧкпе хазии»[8];
  • 2020 — «Тамкы паза наа тӧл»[22];
  • 2021 — «Тамкыны хыйа идерге чарадығ алыңар»[23];
  • 2022 — «Тамкы — ибіркі чир-чайааныбысха хорғыс»[24];
  • 2023 — «Тамкы тартарға нимес, чииске урожайны ӧскіріңер»[25];
  • 2024 — «Чииттер кирекнең айғасча паза сӧс алча»[2];
  • 2025 — «Манипуляторларның сӱмелерін ілезіне сығарарбыс!»[26].
«Тиксі тилекейдегі тамкы чох кӱн», Тюмень, 2017 чыл

Мероприятиелер

«Тиксі тилекейдегі тамкы чох кӱнде» хазна синінде паза халых аразында мероприятиелер иртірілче:

  • Чарыдығлығ чӧрімнер;
  • Конференциялар, семинарлар, лекциялар;
  • Наука кӧзідіглері;
  • Спорт марығлары, чӱгӱрістер, чӧрістер, флешмобтар.

Ӱлӱкӱн аймах СМИ-да алғым чарыдылча. Кӧзідімге, социальнай сетьтерде пу кӱнде мындағ хештегтерде иртче: #тамкычохкӱн, #Россиятамкытартпинча[27].

2008 чылда Тиксі тилекейдегі хазых хайраллаҷаң пірігіс ВОЗ-тың Рамочнай Конвенциязының положениелерінің алғыдылған тоғызына оңдайлар комплекзін кирген[6]:

  • Тамкы тузаланызының мониторингі;
  • Кізілерні тамкы ызынаң арачылиры;
  • Тамкыны тузаланарын тохтадар пӧгіннең полызығ пирері;
  • Тамкынаң палғалыстығ хорғыстардаңар сизіндіріг;
  • Тамкы ниме-нооларына рекламаны, садыға кӧӧктірерін паза спонсор поларын чарадылбинчатханын толдырары;
  • Тамкы ниме-нооларына налогтарны ӧскірері.

2019 чылда Россияда 2035 чылға теере тимнелген «Тамкы тузаланызына тоғырланар концепция» алылған[2][28].

2019 чылдаң сығара Россияның аймах городтарында «Теелбек сал, тын, тартпа!» чӧрім иртче[25].

2023 чылда Елецте «Лучковский» модельнай олған библиотеказы «Піс тамкы тартарына тіпчебіс — ЧОХ!» чӧрім ирткен[29].

2024 чылда ВОЗ прай тилекейнің аймах-пасха городтарында хайдағ-да дистанцияа чӧріс иртірген[30].

Россияда Тамкыдаң тоғыр неделя ирткен (сілкер айының 27-ҷі кӱнінең сығара хандых айының 2-ҷі кӱніне теере)[2].

Челябинскте «Палаларны тамкы промышленнозының аралазиинаң арачылирбыс!» тіп девизтіг «Чойланарын тохтадыңар» кампания ирткен, ол чииттерні тамкы тартарынаң арачылирға паза тамкы корпорацияларының хазых хайраллаҷаң паза чон сағызының политиказына теелізін хызырарға хығыртылған[31].

Песчанокопскай аймахтың  (орыс) (рус. библиотекаларында «Чииттер орта таллағ ӱчӱн» проект хоостыра «Тамкы ызы чох чуртасты таллап ал» хазых чазы иртірілген[32].

2025 чылда Москвадағы «Никулинский» культура туразында «Тамкы чох кӱн» искіріг чӧрімі ирткен[33].

Доброе аалдағы модельнай библиотекада (6 № филиалы) Хазых чуртас оңдайы, «Арығ кии» чӧрім, ирткен[34].

«Тиксі тилекейдегі тамкы чох кӱн»

Алған орын

  1. ↑ 1 2 3 Деятельность ООН в области здравоохранения (рус.). un.org. Дата обращения: 27 Сілкер айы 2026.
  2. ↑ 1 2 3 4 5 6 Всемирный день без табака, РИА Новости (20240531T0051). Дата обращения: 27 Сілкер айы 2026.
  3. ↑ 1 2 Рамочная конвенция Всемирной организации здравоохранения по борьбе против табака. docs.yandex.ru. Дата обращения: 27 Сілкер айы 2026.
  4. ↑ Международный день отказа от курения. viza-usa.ru. Дата обращения: 27 Сілкер айы 2026.
  5. ↑ Всемирный день без табака 2025: какого числа, история и традиции праздника. Дата обращения: 27 Сілкер айы 2026.
  6. ↑ 1 2 3 Всемирный день без табака, РИА Новости (20180531T1033). Дата обращения: 27 Сілкер айы 2026.
  7. ↑ 1 2 3 Всемирный день без табака отмечается в пятницу, РИА Новости (20130531T0102). Дата обращения: 27 Сілкер айы 2026.
  8. ↑ 1 2 31 мая — Всемирный день без табака | ФБУН «Ростовский научно-исследовательский институт микробиологии и паразитологии» Роспотребнадзора. rniimp.ru. Дата обращения: 27 Сілкер айы 2026.
  9. ↑ 1 2 World No-Tobacco Day, 1992. cdc.gov. Дата обращения: 27 Сілкер айы 2026.
  10. ↑ Perspectives in Disease Prevention and Health Promotion World No-Tobacco Day, 1991. cdc.gov. Дата обращения: 27 Сілкер айы 2026.
  11. ↑ World No-Tobacco Day, 1995. cdc.gov. Дата обращения: 27 Сілкер айы 2026.
  12. ↑ World No-Tobacco Day -- May 31, 1996. cdc.gov. Дата обращения: 27 Сілкер айы 2026.
  13. ↑ 1 2 [https://contacttobinfo.narod.ru/wntd/1998/002.htm Cтратегии успешного проведения всемирного дня без табака 31 мая 1998 года]. contacttobinfo.narod.ru. Дата обращения: 27 Сілкер айы 2026.
  14. ↑ World No-Tobacco Day -- May 31, 1999. cdc.gov. Дата обращения: 27 Сілкер айы 2026.
  15. ↑ Тема. contacttobinfo.narod.ru. Дата обращения: 27 Сілкер айы 2026.
  16. ↑ World No-Tobacco Day --- May 31, 2001. cdc.gov. Дата обращения: 27 Сілкер айы 2026.
  17. ↑ В пятницу в столице прошла акция, посвященная Всемирному дню без табака, РИА Новости (20020531T1359). Дата обращения: 27 Сілкер айы 2026.
  18. ↑ 31 мая – Всемирный день без табачного дыма.
    В 2003 году Всемирный день без табака (31 мая) будет проводиться под девизом «Свободны...     medicin.cap.ru (30 Сілкер айы 2003). Дата обращения: 27 Сілкер айы 2026.
  19. ↑ Валерия Иванова. Табак и бедность. sovetskaya-adygeya.ru (1 Хандых айы 2015). Дата обращения: 27 Сілкер айы 2026.
  20. ↑ 1 2 3 4 5 6 7 8 9 10 11 31 мая - Всемирный день без табака. Дата обращения: 27 Сілкер айы 2026.
  21. ↑ 09:10 Табак опасен в любой разновидности. medicin.cap.ru (31 Сілкер айы 2006). Дата обращения: 27 Сілкер айы 2026.
  22. ↑ «Камышловские известия». Вредно, но… kam-news.ru. Дата обращения: 27 Сілкер айы 2026.
  23. ↑ Всемирный день без табака, РИА Новости (20210531T0038). Дата обращения: 27 Сілкер айы 2026.
  24. ↑ author. Табак – угроза нашей окружающей среде!, Каменск-Уральский - официальный портал города (25 Сілкер айы 2022). Дата обращения: 27 Сілкер айы 2026.
  25. ↑ 1 2 Всемирный день без табака. niioz.ru (31 Сілкер айы 2023). Дата обращения: 27 Сілкер айы 2026.
  26. ↑ Всемирный день без табака 2025 г.: разоблачим уловки манипуляторов! who.int. Дата обращения: 27 Сілкер айы 2026.
  27. ↑ 31 мая - Всемирный день без табака. farmacia-rm.ru. Дата обращения: 27 Сілкер айы 2026.
  28. ↑ Распоряжение Правительства Российской Федерации от 18.11.2019 № 2732-р ∙ Официальное опубликование правовых актов. publication.pravo.gov.ru. Дата обращения: 27 Сілкер айы 2026.
  29. ↑ «Скажем курению – НЕТ!»: мероприятия библиотек к Всемирному дню без табака – ЦБСЕ. cbse.ru. Дата обращения: 27 Сілкер айы 2026.
  30. ↑ World No Tobacco Day walk event. who.int. Дата обращения: 27 Сілкер айы 2026.
  31. ↑ Всемирный день без табака – 2024. fbuz-74.ru (27 мая 2024). Дата обращения: 27 Сілкер айы 2026.
  32. ↑ Мероприятия, посвященные Всемирному дню без табака, прошли в библиотеках района - Новости Песчанокопского района - газета Колос, Новости Песчанокопского района - газета Колос - (3 Хандых айы 2024). Дата обращения: 27 Сілкер айы 2026.
  33. ↑ Информационная акция «День без табака» 2025, Московская область — дата и место проведения, программа мероприятия., Культура.РФ. Дата обращения: 27 Сілкер айы 2026.
  34. ↑ ЗОЖ — акция «Чистый воздух» к Всемирному дню без табака 2025, Грайворонский район — дата и место проведения, программа мероприятия., Культура.РФ. Дата обращения: 27 Сілкер айы 2026.

Ссылкалар

Алған орны - https://kjh.ruwiki.ru/w/index.php?title=Тиксі_тилекейдегі_тамкы_чох_кӱн&oldid=153577