Тиксі тилекейдегі рис кӱні
| Тиксі тилекейдегі рис кӱні | |
|---|---|
 Риснең тимнелген ас-тамах. Индия марказы 2007 чылдаң сығара | |
| Тузазы | ристің тузазына хайығ айландырары |
| Тӧстелген | ООН-ның продовольствие паза аал хонии пірігізінің (ФАО) паза Чоннар аразындағы рис істезіглері институдының пастаанаң (IRRI) |
| Таныхталчатхан орны | тиксі тилекейде |
| Кӱні | 20 сентябрьда |
| Кибiрлер | конференциялар, фестивальлар |
| Палғалыстығ | рис культуразынаң |
Тиксі тилекейдегі рис кӱні (орыс. Всемирный день риса) — чоннар аразындағы чыл сай 20 сентябрьда таныхталчатхан пайрам. Ол тиксі тилекейдегі миллиардтар чонның ӧӧн производство культуразы полчатханына хайығ тартчатхан кӱн полча. Ідӧк ӧзӧгістең паза чуға чуртастаң тоғыр кӱрезігде ристің хозымын таныхтапча[1].
Рис тузазы
Рис тилекейдегі иң кирек продовольствие культуразының пірсі полча. Чир ӱстӱндегі чонның чарымызының чиизіне кірче. ООН-ның продовольствие паза аал хонии пірігізінің (ФАО) танығларынаң, тилекейде тиксі калорийлернің 20% риске килісче. Азия, Африка паза Латин Америка хазналарының ӧӧн тамағы полча. Анда ол кирек ас-тамах паза парыс идер ниме полча[2].
Ӱлӱкӱннің тархыны паза пӧгіні
Тиксі тилекейдегі рис кӱні 2004 чылда ООН-ның продовольствие паза аал хонии пірігізінің (ФАО) паза Чоннар аразындағы рис істезіглері институдының (IRRI) пастаанаң кирілген. Аның пӧгіні ристің киректелчеткенін чонға тарадары, фермерлерге хабазарын алғыдары, производство синін ӧскірері, ристі ӧскірчеткен аал хонии сидіксіністеріне хайығны айландырары полча[2].
Ристің тузазы улуғ полза даа, аның ӧскірері сидіксіністернең тоғасча. Климат алызии, суғ чидіспинчеткені, чирнің майыхханы – прай пу ниме рис ӧскірізіне хорғыс ағылча. Рис чахсы сыххан ӱчӱн, наа технологияларны кирерге паза оарны тилідерге кирек. Ідӧк чир-чайаанға хорғыс ағылбас иде тоғынарға кирек.
ФАО паза пасха чоннар аразындағы пірігістер пу сурығларны пӧгерінҷе тоғыс апарчалар. [3]
Тиксі тилекейдегі рис кӱніне чарыдылған чӧрімнер
Чыл сай 20 сентябрьда риске чарыдылған наука конференциялары, ӱгредіг программалары паза фестивальлар иртірілчелер. Олар рис ӧскірерінҷе наа оңдайларны кирерге, фермерлерге полызарға кӧріл парғаннар[4].
Алған орын
- ↑ Всемирный день риса. Какой сегодня праздник.рф.
- ↑ 1 2 Всемирный день риса. ФБУЗ «Центр гигиены и эпидемиологии в Рязанской области».
- ↑ Проблемы и перспективы рисоводства на примере Краснодарского края и Республики Адыгея. Научный журнал «Фундаментальные исследования» Выпуск журнала № 4 за 2019 год. ISSN 1812-7339.
- ↑ Всемирный день риса. Куда сходить в Московской области..