Тиксі тилекейдегі пневмониядаң тоғыр кӱресчең кӱн

Рувики тiп сайттаң
Ідӧк кӧр.: Пневмония
Тиксі тилекейдегі пневмониядаң тоғыр кӱресчең кӱн
Файл:B4787a4a5d6711adf08fa27fc1cba139 XL.jpg
Закон хоостыра англ. World Pneumonia Day
Тӧстелген 2009 год
Кӱні каждый год 12 ноября

Тиксі тилекейдегі пневмониядаң тоғыр кӱресчең кӱн (орыс. Всемирный день борьбы с пневмонией; англ. World Pneumonia Day; фр. Journée mondiale de la pneumonie; исп. Día Mundial contra la Neumonía) чыл сай 12 ноябрьда таныхталча. Ол пневмония ағылчатхан хорғыстаңар пілістерні таратчаң пӧгіннең кирілген кӱн паза ағырығдаң хайраллаҷаң паза аны хыйыстырҷаң тоғысты апарарға кӧріл парған.

Пу кӱнде имҷілер паза доброволецтер пневмониядаңар искірчелер паза ағырығны хыйыстырҷаң оңдайларны чон аразына таратчалар. Хазых хайраллаҷаң учреждениелерде имнег сыныхтағларын иртірчелер.

Тиксі тилекейдегі пневмониядаң тоғыр кӱресчең кӱннің пӧгіні

2009 чылда тиксі тилекейдегі 100 азыра пірігіс «Олған пневмониязынаң тоғыр глобальнай коалицияа» піріккеннер (англ. Global coalition Against Child Pneumonia).

Тиксі тилекейдегі пневмониядаң тоғыр кӱресчең кӱннің пӧгіннері:

  • Ағырығдаңар пілістерні чонға тарадары. Пис часха читкелек палаларға улуғ хорғыс ағылчатхан ӧкпе ағырии полча;
  • Ағырығнаң хайралланҷаң, аны хыйыстырҷаң паза имнеҷең тоғысты апарары;
  • Пневмониядаң тоғыр оңдайларны табары.

Пневмония – тиксі тилекейде кӧп паланың ӧліміне ағылчатхан чуғынҷахха саналча. 2019 чылда ағырыға хаптырған 5 часха читіре 740 180 пала ӱреен, ол син частығлар аразындағы палалар ӧлімінің ол 14%, 1-5 частығлар аразында прай ӱрееннернің 22% килісче[1].

Чыл сай 450 миллионҷа кізі ағырча, оларның 7 миллион кізізі ӱреп парча[2].

Россияда

Пневмониядаң тоғыр имҷі-пульмонологтар кӱресчелер. Олар профессия кӱнін 17 майда таныхтапчалар[3]. Россияда чыл сай 1 миллион азыра ағырыға хаптырған кізі санға алылча. Имнег тураларында имненчеткеннернің 60% чардығының хоолға-ӧкпезі ағырча[4].

Чӧрімнер

Россия Федерациязында пневмонияҷа, аны хайыстырҷаң темаларҷа чарыдығлығ лекциялар иртірілчелер, оларда имҷілер, фельдшерлер араласчалар[5].

Алған орын

  1. ↑ Pneumonia in children (англ.). ВОЗ (11 Кічіг хырлас айы 2022). Дата обращения: 7 Кічіг хырлас айы 2023.
  2. ↑ Всемирный день борьбы с пневмонией отмечается 12 ноября. Парламентская Газета (12 Кічіг хырлас айы 2023). Дата обращения: 12 Кічіг хырлас айы 2023.
  3. ↑ 17 мая - День пульмонолога. Сеченовский университет (16 Сілкер айы 2023). Дата обращения: 13 Кічіг хырлас айы 2023.
  4. ↑ Во Всемирный день борьбы с пневмонией магаданский врач рассказала об опасном заболевании. Магаданская правда (12 Кічіг хырлас айы 2023). Дата обращения: 13 Кічіг хырлас айы 2023.
  5. ↑ Всемирный день борьбы с пневмонией 2024, Татышлинский район — дата и место проведения, программа мероприятия., Культура.РФ. Дата обращения: 11 Кічіг хырлас айы 2024.
Алған орны - https://kjh.ruwiki.ru/w/index.php?title=Тиксі_тилекейдегі_пневмониядаң_тоғыр_кӱресчең_кӱн&oldid=126664