Тиксі тилекейдегі пала кӱні
| Тиксі тилекейдегі пала кӱні | |
|---|---|
 | |
| Кӱні | Кiчiг хырлас айының 20-ҷі кӱні |
Тиксі тилекейдегі пала кӱні (орыс. Всеми́рный день ребёнка, англ. Universal Children's Day, исп. Día Universal del Niño , фр. Journée mondiale de l'enfance) — ӱлӱкӱн. Аны 1954 чылда ООН-ның Генеральнай Ассамблеязы (836 № (IX) резолюция) прай хазналарға 1956 чылдаң сығара таныхтирға хығырған. Пӱ кӱн палалар чуртазын чахсыландырарға, ООН палалар ӱчӱн апарчатхан тоғысты пиктирге кӧріл парған.
Піріктірілген Нациялар Пірігізінің танығларынаң, Тиксі тилекейдегі пала кӱні 20 ноябрьда таныхталча. Пу кӱнде 1959 чылда «Пала праволарының декларациязы» алылған, 1989 чылда — «Пала праволарының конвенциязы»[1].
Аймах пірігістер паза фирмалар пу кӱнде полызығ пирҷең чӧрімнер, чӧріглер паза флешмобтар иртірчелер.
Россияда
Пу кӱнде аймах пала правозына чарыдылған аймах ӱгредіг мероприятиелері иртчелер. Чонға полызығ пирҷең пірігістер кӧп палалыг сӧбірелерге, ағырығ палаларны имнирге хабазар чӧрімнер апарчалар[1].
Пасха хазналарда
- Парагвайда Пала кӱні 16 августта таныхталча. Пу кӱнде 1869 чылда Акоста-Ньюдағы чаалазығ тузында 9—15 частығ 3500 — 4000 пала Ада чир-суун Бразилияның паза Аргентинаның азымахтанызынаң арачылап алар ӱчӱн чааласхан. Пу чаалазығда олғаннарның прайзы чат халған.
- Панамада от айының ӱзінҷі позырағында таныхталча[2]
Алған орын
- ↑ 1 2 Всемирный день ребенка в 2024 году:история и традиции
- ↑ день ребёнка в Панаме. Дата обращения: 18 От айы 2020. Архивировано 18 От айы 2020 года.