Тиксі тилекейдегі каша кӱні
| Тиксі тилекейдегі каша кӱні | |
|---|---|
 Каша кӱні Шотландияда, 2023 чыл | |
| Закон хоостыра | World Porridge Day |
| Тӧстелген | 2009 чылда |
| Кӱні | 10 октябрьда |
| Таныхталчатханы | чонға полызығ пирҷең чӧрімнер, «каша иирлері» |
| Кибiрлер | «Mary's Meals» чонға полызығ пирҷең пірігіске ахча чыыры |
Тиксі тилекейдегі каша кӱні (орыс. Всемирный день каши) (англ. World Porridge Day) — ӧӧн ас-тамахтың пірсі кашаа чарыдылған чоннар аразындағы ӱлӱкӱн. Чыл сай 10 октябрьда таныхталча.
Тархын
Пу кӱнні 2009 чылда тилекейдегі иң уйан чуртапчатхан хазналардағы палаларға ізіг чииснең хабасчатхан «Mary's Meals» полызығ пирчеткен пірігіс тӧстеп алған. Каша, ол санда суланаң пызырылғаны школада пирілчеткен ӧӧн ас-тамах полча. Ол тосхымнығ, палалар даа школаа чахсы чӧрчелер паза ӱгренчелер. «Mary's Meals» 19 хазнада тоғынча, ол санда Малавиде, Гаитиде, Индияда паза Кенияда. Ол 1,6 миллион азыра палаа полысча. Пу чӧрім Шотландиядағы Аргайллда орныхчатхан чуға чуртапчатханнарға полысчатхан «Mary's Meals» пірігізіне ахча чыыр пӧгіннең иртірілче. Ол пірігіс тиліпчеткен хазналардағы ӧзӧкчеткен палаларға чииснең хабасча.
Пу кӱннің ӧӧн пӧгіннернің пірсі — ӧзӧкчеткен палаларға чонның хайиин тартары паза школада тикке азыранар ӱчӱн ахча чыыры. Олғаннар азыранар ӱчӱн, уроктарны иртірбин, школаа чӧрчелер. Іди ӱгредіг сурии пӧгілче[1][2].
Мероприятиелер
Тиксі тилекейдегі каша кӱнінің чӧрімнері:
- Чонға полызар чӧрімнер иртірчелер: «каша иирлерінде» араласхан кізілер Mary's Meals пірігіске ахчанаң хабас пирер оңдайлығлар.
- Палаларның ӧзӧкчеткенін чон аразында тарадар пӧгіннең паза чуға чуртапчатхан олғаннарға хабазардаңар искірігліг кампаниялар иртірчелер.
- Уйан чуртапчатхан кізілерге чиис пызырҷаң чӧрімнерде араласчалар. Оларнын санында кашаны паза суланаң иділген ас-тамахты тимнепчелер.
Каша хазыхха тузалығ чиис полча, андар витаминнер, минераллар паза антиоксиданттар кірче. Ол клетчаткаа пай, хайзы хурсах тоғызы системазына кирек[3].
Алған орын
- ↑ World Porridge Day. Mary's Meals. Дата обращения: 30 Ӱртӱн айы 2016. Архивировано 10 Ӱртӱн айы 2016 года.
- ↑ Best porridge title scooped by US, BBC News, BBC (11 October 2009).
- ↑ World Porridge Day. Days of the Years.
Ссылкалар
. Федеральное бюджетное учреждения здравоохранения «Центр гигиены и эпидемиологии в Камчатском крае».