Тиксі тилекейдегі алыныстаң тоғыр кӱресчең кӱн
Тиксі тилекейдегі алыныстаң тоғыр кӱресчең кӱн (орыс. Всемирный день борьбы против бешенства, англ. World Rabies Day) —2007 чылдаң сығара чыл сай 28 сентябрьда таныхталчатхан кӱн. ООН-ның чоннар аразындағы кӱннері санына кірче. Алынысты хайығда тутчатхан глобальнай альянстың (Global Alliance for Rabies Control) пастаанаң тӧстелген. Альянс парыс итпинчеткен пірігіс полча, аның штаб-квартиразы США-да орныхча[1].
Тиксі тилекейдегі алыныстаң тоғыр кӱресчең кӱн чыл сай 28 сентябрьда таныхталча. Ол тилекейде алыныстаң тоғыр вакцинаны пастағызын на идіп алған француз микробиолог Луи Пастернің ӱреен кӱнінең палғалыстығ[2].
Алыныс ― хорғыстығ, ӧлімге ағылчатхан инфекция ағырии полча. Аны Rabies virus тіп алыныс вирузы ағылча. Алынысты вакциналар хабазиинаң хыйыстырарға чарир. Ол 150 азыра хазна паза чирде учурапчатхан ағырығ. ВОЗ танығларынаң, алыныстаң ӱреен кізілернің кӧп сабазы ағырығны адайларнаң чухтырып алғаннар. Адайларның кізілерні чухтырғанына 99% килісче[3].
Танығлығ кӱннің пӧгіні — ағырығ ағылчатхан салтарларға хайығны тартары, ағырығны хыйыстырар профилактика оңдайларынаңар паза анынаң кӱресчең маңнаныстың кӧзідімнердеңер искірері.
Алған орын
- ↑ Our Story | Global Alliance for Rabies Control. rabiesalliance.org. Дата обращения: 6 Улуғ хырлас айы 2018. Архивировано 18 Улуғ хырлас айы 2019 года.
- ↑ ВОЗ | Всемирный день борьбы с бешенством. WHO. Дата обращения: 6 Улуғ хырлас айы 2018. Архивировано 29 Кічіг хырлас айы 2018 года.
- ↑ Бешенство. www.who.int. Дата обращения: 6 Улуғ хырлас айы 2018. Архивировано 10 Улуғ хырлас айы 2019 года.