Тиксі тилекейдегі азых-тӱлӱк кӱні
| Тиксі тилекейдегі азых-тӱлӱк кӱні | |
|---|---|
| Файл:Word food day poster FAO.gif | |
| Тип | ООН-ның чоннар аразындағы кӱні |
| Закон хоостыра | ООН-ның пасха хазна тіллерінде: англ. World Food Day, араб. يوم الأغذية العالمي, исп. Día Mundial de la Alimentación, кит. 世界粮食日, фр. la Journée mondiale de l'alimentation |
| Тузазы | Азых-тӱлӱк паза аал хонии пірігізінің тӧстелген кӱні (FAO) |
| Тӧстелген | 1979 чыл |
| Таныхталчатхан орны |
 ООН |
| Кӱні | 16 октябрьда |
 Медиафайлы на РУВИКИ.Медиа | |
Тиксі тилекейдегі азых-тӱлӱк кӱні ( ООН-ның пасха хазна тіллерінде: англ. World Food Day, араб. يوم الأغذية العالمي, исп. Día Mundial de la Alimentación, кит. 世界粮食日, фр. la Journée mondiale de l'alimentation ) — чыл сай 16 октябрьда таныхталчатхан ООН-ның чоннар аразындағы кӱні.
Танығлығ кӱн 1979 чылда Піріккен Нациялар Пірігізінің Азых-тӱлӱк паза аал хонии пірігізінің (FAO) конференциязында чарлалған. Танығлығ кӱннің пӧгіні — чир ӱстӱндегі азых-тӱлӱк суриин чонға чарыдары, ӧзӧккенінең, читіре чібин чӧргенінең паза чуға чуртастаң тоғыр кӱрезігні тыыдары. Пу кӱн 1945 чылда FAO тӧстелгенінең танығлығ полча.
1980 чылда ООН-ның Генеральнай Ассамблеязы ӧнетін резолюцияда (A/RES/35/70 №) Азых-тӱлӱк кӱнін чыл сай иртірерге чаратхан.
ООН-ның Генеральнай хачызының 2005 чылда ирткен Тиксі тилекейдегі азых-тӱлӱк кӱніне чарыдылған чахиинда чоохталча: ас-тамах кирек синде полза даа, тилекейде 850 000 000 азыра кізі читіре чібин чӧрче. Ол Муң чылның декларациязының пастағы пӧгінін, ӧзӧкчеткен паза чуға чуртапчатхан чонның санын ікі хати хызырарынҷа тоғысты ікі хати ӧскірібізерге хығырған.
Чоннар аразындағы кӱннің чыллар пастыра темалары
- 1999 — «Чииттер ӧзӧгістең тоғырлар»
- 2000 — «Ӧзӧгістең позыдығ муң чылы»
- 2001 — «Хызыхханын хызырар ӱчӱн ӧзӧгістең тоғыр кӱрезіг»
- 2002 — «Суғ:азых-тӱлӱктің хорғыс чох поларының тӧстее»
- 2003 — «Чоннар аразындағы альянс ӧзӧгістең тоғыр тоғыр»
- 2004 — «Биология аймағы азых-тӱлӱк читкіҷе поларына»
- 2005 — «Аал хонии паза культуралар аразында тіл алысханы»
- 2006 — «Азых-тӱлӱк хорғызын чох идер ӱчӱн аал хониина инвестиция идері»
- 2007 — «Азых-тӱлӱкке право»
- 2008 — «Тиксі тилекейдегі азых-тӱлӱк хорғызын хыйыстары: климат алызииның паза биоэнергия сурығлары»
- 2009 — «Кризис тузында азых-тӱлӱк суриин пӧгері»
- 2010 — «Ӧзӧгістең тоғыр кӱрезігде пір чӧптіг полары»
- 2011 — «Азых-тӱлӱкке паалар — кризистең пик поларына теере»
- 2012 — «Аал хонии кооперативтері тилекейні азырапчалар»
- 2013 — «Пик азых-тӱлӱк системалары азых-тӱлӱктің хорғыс чох поларынҷа тиріг»
- 2014 — «Сӧбірелернің ферма хоныхтары: тилекейні азырирға —планетаны хайраллар халарға»
- 2015 — «Социальнай арачыланыс паза аал хонии: аалдағы чуға чуртастың ӱзілбес оңдайын чох идерге»
- 2016 — «Климат алысча, анынаң хада азых-тӱлӱк паза аал хонии алысча»
- 2017 — «миграция потоктарының алнындағы чуртазын алыстыраалар. Азых-тӱлӱктің хорғыс чох полары паза аал тилізі ӱчӱн инвестиция идеелер»