Терроризм сылтаанда ирееленген кізілерні хумартхылаҷаң чоннар аразындағы кӱн
| Терроризм сылтаанда ирееленген кізілерні хумартхылаҷаң чоннар аразындағы кӱн | |
|---|---|
 | |
| Закон хоостыра | International Day of Remembrance of and Tribute to the Victims of Terrorism |
| Тузазы | Терроризм сылтаанда ирееленген кізілерні паза оларның сӧбірелерін арачылиры, терроризмнең тоғыр кӱресте чоннар аразындағы пик палғалысты тудары полча. |
| Тӧстелген | 2017 чылда |
| Тӧстегҷі | ООН-ның Генеральнай ассамблеязы |
| Кӱні | 21 августта |
Терроризм сылтаанда ирееленген кізілерні хумартхылаҷаң чоннар аразындағы кӱн (орыс. Международный день памяти и поминовения жертв терроризма, англ. International Day of Remembrance of and Tribute to the Victims of Terrorism) Піріктірілген Нациялар Пірігізінің Генеральнай Ассамблеязының резолюциязы хоостыра 2017 чылның улуғ хырлас айында тӧстелген[1].
Терроризм сылтаанда ирееленген кізілерні хумартхылаҷаң чоннар аразындағы кӱн чыл сай 21 августта таныхталча.
Ӱлӱкӱннің ӧӧн пӧгіні — ӱрееннерні сағысха кирері паза хазых халғаннарның праволарын арачылап, оларны олаңай чуртасха айландырары.
Австралиядағы Экономика паза тилекей институдының танығлары хоостыра, 2022 чылда Чир ӱстӱнде 3,9 муң азыра теракт иділген, анда 6,7 муң кізі ӱреп парған[1].
История
Генеральнай Ассамблея 21 августты Терроризм сылтаанда ирееленген кізілерні хумартхылаҷаң чоннар аразындағы кӱн чіли чарлабысхан. 2017 чылда ла прай ӧлімнернің ӱзінҷі чардығы терроризм киректері ӱчӱн пис хазнада пол парған: Афганистанда, Иракта, Нигерияда, Сомалиде паза СириядаООН-ның искіриинең, пу кӱн терроризмнің сылтаанда ирееленіс кӧрген кізілерге полызығ аларға паза пос праволарын арачылирға хабазар[3].
Терроризм чоннар аразында хомайлалза даа, терроризмнің сылтаанда ирееленген кізілер удаа пос правозы ӱчӱн кӱресчелер. Андағ улустың кӧп сабазы хазна хабазиинаң чуртасха айланча.
Терроризм сылтаанда ирееленген кізілерні хумартхылаҷаң чоннар аразындағы кӱн 2023 чылда — мероприятиелер
21 августта тиксі тилекейде терроризмнең тоғыр лекциялар, семинарлар, тегілек столлар иртірілчелер. Анда ол хорғысты кӧрген кізілерге полызар сурығлар кӧдірілчелер. Ӱлгӱ кізілері пу кӧстегҷе тоғынғанынҷа сан-пиріс итчелер.
Россияда
Россияда терроризм сылтаанда ирееленген кізілерге полызығ пирілче. Оларның праволары «Терроризмнең тоғыр кӱрезерінеңер» федеральнай законҷа арачылалча. Теракт пол парып, ӱрег алған кізілерге закон хоостыра ахчалығ полызығ кӧріл парған. Ол сайбағҷының паза аның туған-чағыннарының ис-пайынаң алылча. Ол полызығны аларға хаҷан даа чарадылча. Террорист киреен тохтатхан туста иділген ӱрегні хазна тӧлепче.
Ідӧк кӧріңер
- 1914-1918 чыллардағы Пастағы тилекей чаада чат халған Россия чааҷыларын хумартхылаҷаң кӱн
- ООН-ның чоннар аразындағы кӱні
Алған орын
- ↑ 1,0 1,1 21 августа — Международный день памяти и поминовения жертв терроризма: история и значение, Известия (20 Орғах айы 2023). Дата обращения: 10 Хосхар айы 2024.
- ↑ UN to mark International Day of Remembrance for victims of terror on Tuesday
- ↑ International Day of Remembrance and Tribute to the Victims of Terrorism, 21 August