Россия МВД-ның штаб подразделениелерінің тӧстелген кӱні
Россия МВД-ның штаб подразделениелерінің тӧстелген кӱні (орыс. День образования штабных подразделений МВД России) — Россия МВД-ның штабтарының тоғынҷыларының паза служащайларының профессия ӱлӱкӱні. Чыл сай 7 октябрьда таныхталча[1].
Тархын
Пу кӱнде, 7 октябрьда, 1918 чылда НКВД-ның Тоғысчы-кресен милициязының Ӧӧн устанызы хойнында Инструкторлар паза Искіріг пӧліктері тӧстелгеннер. Соонаң арах ол подразделениелер Инструкторлар паза инспекторлар пӧліктеріне піріктірілгеннер, хайзылары совет Россиязында 1919 чыл тоозылчатханда тӧстелген Милицияның Ӧӧн устанызы инспекциязына кіргеннер. 1934 чылда СССР-ның Істіндегі киректерҷе чон комиссариады тӧстелген соонда, НКВД-ның Ӧӧн инспекциязы тӧстелген. Ол 23 чыл тоғынған, 1957 чылда чох иділген. 1960 чыллар тоозылғаннаң 1980 чыллар пасталғанына теере штаб службазы тың алыс парған:1968-1969 чылларда организация-инспекторлар подразделениелері прай чирде полғаннар, 1971—1972 чылларда олар штабтарға айландырылғаннар. 1982 чыл тоозылчатханда, штаб подразделениелері істіндегі киректернің прай министерстволарында паза устаныстарында тоғынғаннар[2].
Пу кӱнде штаб подразделениелерінің иң артых тоғынҷыларына хазна сыйыхтары пирілче[3].
Алған орын
- ↑ [www.calend.ru/holidays/0/0/1898/ День образования штабных подразделений МВД России — 7 октября. История и особенности праздника в проекте Календарь Праздников 2010]
- ↑ День штабных подразделений МВД России — 7 октября. История и особенности праздника в проекте праздники 2010 год
- ↑ Штабным подразделениям в системе МВД России исполняется 89 лет / ГУВД Красноярского края — официальный сайт Главного управления внутренних дел Красноярского края: новости, руковод … (недоступная ссылка)