Россияның уголовнай тілег тоғынҷыларының кӱні

Знамя МВД

Россияның уголовнай тілег тоғынҷыларының кӱні (орыс. День сотрудников уголовного розыска) — Россия Федерациязының уголовнай тілег тоғынҷыларының профессия ӱлӱкӱні. Россияда чыл сай 5 октябрьда таныхталча.

Тархын

5 октябрьда 1918 чылда РСФСР-ның НКВД-зы Уголовная тілегнің ӧӧн устанызы Центророзыскты тӧстеп алған («Уголовнай тілег пӧлиин тӧстирінеңер Положение» хоостыра^[1]). Аннаңар аны таныхтиры пу кӱнге килісче. Итсе, уголовнай тілег Россия империязындох полған.

Россия Федерациязының Істіндегі киректер министрі Рашид Гумарович Нургалиев 2008 чылда, Россиядағы уголовнай тілеге 90 чыл толчатханына чарыдып, алғыстас сӧстерінде піди чоохтанған:

Уголовнай тілег пістің чон аразында аарласта поларға кирек. Аның тоғынҷылары хаҷан даа сайбағлардаң тоғыр кӱрезігде пастағҷылар полғаннар паза полчалар, иң сидік киректерде, чуртасха хорғыс ағылчатхан туста даа, постың хылииның пик тудынызын кӧзітчелер. Олар хаҷан даа ах сағыстығ, иптіг, чӧпке кірбес полғаннар. Ідӧк полған служба тӧстелгенде, Илбек Ада чаа тузында паза амғы туста^[2].

Сынап таа, Істіндегі киректер министерствозының пӱдізінде иң асхынах паза кирек подразделение уголовнай тілег полча^[3]. Угоровнай тілег тоғынҷыларының кӱні 5 октябрьға килісче.

Пу кӱнде телевидение каналларының кӧп сабазы уголовнай тілег тоғынҷыларының тоғызына чарыдылған фильмнерні кӧзітчелер. Кӧзідімге: Я, следователь, Инспектор уголовного розыска (фильм), Будни уголовного розыска.

Уголовнай тілег тоғынҷыларының кӱні пасха хазналарда

Украина

Уголовнай тілег тоғынҷыларының кӱні 15 апрельде таныхталча. Ол кӱнде 1919 чылда республикада Украина Совнаркомының Декредінең чарғы-уголовнай тілег секциязы тӧстелген.

Алған орын

↑ Уголовному розыску России — 75 лет (неопр.) . Коммерсантъ № 192 (415) (7 Чарыс айы 1993). Дата обращения: 13 Орғах айы 2010. Архивировано 9 Кӧрік айы 2016 года.
↑ Министр внутренних дел Российской Федерации Рашид Гумарович Нургалиев поздравил сотрудников уголовного розыска с 90-летним юбилеем службы (недоступная ссылка)
↑ Уголовному розыску России исполнилось 90 лет. Последние новости Владивостока на PrimaMedia (неопр.) . Дата обращения: 4 Чарыс айы 2009. Архивировано 5 Кӧрік айы 2016 года.

[1] Уголовному розыску России — 75 лет (неопр.) . Коммерсантъ № 192 (415) (7 Чарыс айы 1993). Дата обращения: 13 Орғах айы 2010. Архивировано 9 Кӧрік айы 2016 года.

[2] Министр внутренних дел Российской Федерации Рашид Гумарович Нургалиев поздравил сотрудников уголовного розыска с 90-летним юбилеем службы (недоступная ссылка)

[3] Уголовному розыску России исполнилось 90 лет. Последние новости Владивостока на PrimaMedia (неопр.) . Дата обращения: 4 Чарыс айы 2009. Архивировано 5 Кӧрік айы 2016 года.

[1]

[2]

[3]