Россиядағы ӧӧн ставка

Пу статья чахсы пазылған статьялар санына кiрче
Рувики тiп сайттаң
Ӧӧн ставканың алызии
Основное событие: Ахча-кредит политиказы
Ключевая ставка в России.jpg
Кӱн 2025 чылның от айының 25-ҷі кӱні
Орын Россия Банкы
Сылтағ Инфляцияның пір синде турғаны паза экономика соолчатханының танығлары
Араласчылары Россия банкының директор чӧбі
Салтар Ӧӧн ставканың синін тӱзірері
Алнындағы ставка 20%
Наа ставка 18% ↘
Тӱскені 2%
Сайт cbr.ru

Россия Банкының ӧӧн ставказы (орыс. Ключева́я ста́вка Ба́нка Росси́и) — Россия Федерациязының Ӧӧн Банкының (Россия Банкы) ахча-кредит политиказының ӧӧн тирии. Ол экономикадағы проценттер ставказына, инфляцияа паза национальнай валютаның курзына теелче. Национальнай валюта курзы — Россия Банкы коммерческай банктарға кредиттер пирчеткен паза оларнаң депозиттер алчатхан проценттер ставказы. Россияда ӧӧн ставка 2013 чылда кирілген. Аның алнында Россия Банкы ахча-кредит политиказының ӧӧн тирии чіли рефинансирование ставказынаң тузаланған[1]. Россия Банкының директорлар чӧбі чылда ӧӧн ставканың синін 8 хати турғысча[2].

2025 чылның хандых айының 6-ҷы кӱнінде Россия Банкы ӧӧн ставка синін 20 % тӱзірібіскен, анзы 2022 чылның ӱртӱн айынаң сығара ахча-кредит политиказын нымзадыбысханы полған[3]. 2025 чылның от айының 25-ҷі кӱнінде Россия Банкы ӧӧн ставка синің хатап тӱзірібіскен —18 % читіре[4].

Ӧӧн ставкаҷа иртірілчеткен Россия Банкының операциялары

Россия Банкы ахча-кредит политиказының пӧгіні, чылдағы инфляция синің 4 % чағын тудары хоостыра, ӧӧн ставка синінеңер чарадығ алча. Паалар синін тудар ӱчӱн, ӧӧн банк ахча-кредит политиказын хатығлир алай нымзадар оңдайлығ. Банк секторының ликвиднозы  (орыс) (рус. чидіспинчетсе, ӧӧн банк рефинансированиені алғытча паза банктарға ӧӧн ставкаҷа ливкидностьты пирче. Ӧӧн ставка Россия Банкының РЕПО аукционнарындағы иң кічіг проценттіг ставкаға пір неделя тузына тиңнелче. Банк секторының ликвиднозында профицит полза, ӧӧн банк аның артых чардығын алып алча паза банктардаң депозиттерні ӧӧн ставкаҷа тартча, анзы пір неделяа Россия Банкының депозит аукционнарындағы иң пӧзік проценттіг ставкаа тиңнелче. Россия Банкы ахча-кредит политиказының тиріглері хабазиинаң пір кӱнге кӧріл парған процент ставкаларынаң устапча, оларның хоостыра ахча рыногында  (орыс) (рус. банктар удур-тӧдір операциялар иртірчелер. Ахча рыногының ставкаларын РЕПО паза депозиттер ставкалар аразындағы процент коридоры синінде тудып, Россия Банкы оларны ӧӧн ставканың синінең тиңнестірерге кӱстенче, хайзы ахча-кредит политиказының чолын кӧстепче[5].

Ӧӧн ставкаҷа Россия Банкының чарадии

Россия Банкының директорлар чӧбі  (орыс) (рус. ӧӧн ставканың синін чылда сигіс хати турғысча. Чарадығлар алылчалар кварталда пір хати иртірілчеткен прай тӧрт «ӧӧн» паза аразындағы тӧрт чыылығда. Полған на чыылығ салтары хоостыра Россия Банкы ӧӧн ставкадаңар пресс-релиз сығарча. «Ӧӧн» чыылығлар соонда пресс-релизтең пасха, ідӧк «Ахча-кредит политиказынаңар доклад» чарыхха сығарылча паза Россия Банкының Кнезі хабарҷыларнаң чыылығда чоох тутча, алылған чарадығны чарытча паза хабарҷыларның сурығларына нандырча[6].

Ӧӧн ставканың тузазы

Банк секторының проценттер ставказына ӧӧн ставканың теелізі ахча-кредит политиказының «проценттер каналы» тіп адалчатхан ниме пастыра чарыдылча. Ӧӧн ставкаҷа чарадығлар прай банк продукттарына теелчелер. Россия Банкының операция пӧгіні ахча рыногының ставказын ӧӧн ставкаа чағын тударға хабазары полча. Россия Банкы RUONIA паза ӧӧн ставканың аразын хызырча. 2013—2014 годах чылларда Инфляция таргетированиезіне  (орыс) (рус. ирткелекте, спред 2 % полған полза, андар ирткен соонда, 2019 чылның соонзар ол 0,5 % теере хызырылған. Спредтің хызырылғаны банк секторының ликвиднозынаң устаан тузазы ӧсчеткенін таныхтапча[7].

Ӧӧн ставканың алысханы банктарның кредит паза депозит ставкаларының динамиказына теелче. Ол толдыра нимес: корпоративнай кредиттернің сегментінде ставкаларға 50 % пасти 80 % теере ӧӧн ставканың алызығлары парыбысча, розница кредиттері паза депозиттер сегментінде — 40 % артых нимес. Банк продукттарынҷа проценттер ставказын тӱзедеріне тус кирек, орайлатханы ікі-ӱс айдаң пір чылға теере чит парча. Проценттер каналының пір тиң нимезі продукттар киреенде ле нимес, ідӧк тузы хоостыра сығысча. Кредит паза депозит рыногының сегменттерінің кӧп сабазында хысхаҷах тусха ставкалар ӱр тусха кӧріл парғаннарнаң ӧӧн ставканың алысханына табырах паза тың арах нандырчалар. Кредит паза депозит рыногының ӧӧн сегменттері ӧӧн ставканың чарадығларына пір тиң нимес хайчалар. Депозиттерҷе ставкалар ӧӧн ставканың тӱскенінең тиңнестірзе, аның ӧзізіне табырах нандырбинчалар, ол туста кредит рыногында ассиметрия саңай пасха. Ӧӧн ставканың проценттер каналының толдыра нимезі паза ассиметричнозы аның тӧбін тузазын таныхтабинча. Ӧӧн банктың проценттер ставказының андағох оңдайлары пасха даа экономикаларда тоғасчалар[8].

Россия Банкының проценттер политиказы макроэкономика динамиказына паза экономика агенттерінің сағаанына кӧнізінең теелбинче. Іди ӧӧн ставканың сағыбаан ӧзізіне промышленнай производствоның индекзінің нандырии хомай паза улуғ пол парча. Нандырығ сӧӧ тартылча паза ӱс чылҷа усча. Ідӧк инвистицияларның сын сині, розница садығларының сині, экспорт паза импорт, сын чал ахчазы хызырылчатханы паза тоғыс чохтарның нормазы кӧдірілчеткені таныхталча. Экономика киреенің аймах кӧрімнерінің істінде ӧӧн ставканың эффекттері тӧӧй ниместер. Экспортха кӧстегліг секторлар Россия Банкының ӧӧн ставказына хайбинчалар, экономика киреенің істіндегі процикл кӧрімнері, пӱдірігні алза, ӧӧн ставканың алызығларынаң тың палғалыстығлар. Ӧӧн ставка тӱзірілзе, андағох эффекттер кӧрілчелер. Проценттер политиказын нымзатханы деловой активностьха чахсы оңдай пирче. Олох туста политиканы нымзатханынаң тиңнестірзе, хатығлаанына макроэкономика динамиказы тың арах хайча[9].

Нейтральнай ӧӧн ставка

Хайдағ даа ӧӧн банктың процент ставказынаң палғалыстығ ӧӧн сурығларның пірсі аның тиң полчатхан тузазы полча. Тиң полчатхан «естественнай» алай «нейтральнай» ахча-кредит политиказының процент ставказын адапчалар, хайзында потенциальнай паза сын ВВП аразында нуль ӱзілгені пол парча, инфляция, тізең, кӧстегліг чол хыринда пол парча. Номинальнай нейтральнай ставка сын нейтральнай ставканың паза сахталчатхан инфляцияның суммазына тиңнелче. Инфляцияның кӧстегліг ориентирлеріне тиңнелчеткен инфляцияны сахтаанында, нейтральнай ставка сині ӧӧн банктың инфляция пӧгінінең тиңнер. Тиң полчатханында Россия Банкының ӱр тусха кӧріл парған тузазы чылда 4 % поларға кирек[10].

Сын нейтральнай ставка экономика пӱдізінең, финанс паза финанс нимес активтерге инвестицияларның хорғыс синінең, ідӧк экономика агенттері ол хорғыстарны апарарға тимдезінең таныхталча. Іди, нейтральнай ставкаа производство факторларының тиксі производительнозы, демография оңдайлары, финанс секторының оңдайы, пасха хазналардағы нейтральнай ставканың тузалары теелче. Нейтральная ставка сыныхталбинчатхан сын, аның паалағлары хап-орта ниместер. Паалағ кӧп нименең палғалыстығ паза нинҷе-де тус пазынаң ол алызып одырча. Нейтральнай ставканың паалии ӧӧн банкха ахча-кредит политиказының чолын табар ӱчӱн кирек. Ӧӧн ставканы нейтральнай ставка синінең кӧдіре турғысчатса, Россия Банкы хатығ политика апар сыхча. Нейтральнай ставканың синінең тӧбін полза, аның политиказы стимул пирчеткен полча. Нейтральнай ӧӧн ставканың паалии ідӧк экономика агенттеріне —домохозяйстволарға паза фирмаларға — потребительлер паза инвестициялар чарадығларын аларға кирек[11].

Россияда ӧӧн ставканың алысханы

Россия Банкының ӧӧн ставказының нейтральнай тузазының эксперт танығлары 1 паза 3 % аразындалар. Россия Банкы 2016 чылдағы істезіглерде аның аразын ӱр тусха 1 % паза хысхаҷах тусха 3 % аразында паалаан[12]. Нейтральнай ставканың пос алынҷа паалағлары ортымахти олох синде, алай тӧбіннер. Чоннар аразындағы валюта чыындызы 2018 чылның соонзар аны 1 паза 3 % аразында кӧрген, паалағларның кӧп сабазы 2 % ибіре полған[13]. «ВТБ Капитал» экономисттерінің кӧрізінең, нейральнай ставка 1,5 паза 2,5 % аразында турча[14]. 2020 чылға Россия Банкы ӱр тусха кӧріл парған сын нейтральнай ставканы 2—3 % паалапча. 4 % инфляцияның кӧстегліг чолында номинальнай нейтральнай ӧӧн ставка сині 6-даң 7 % поларға кирек[10].

2024 чылның азығ айының 16-ҷы кӱнінде Россия Банкының директор чӧбі ӧӧн ставканы 16 % синде артыс салған[15].

2024 чылның хосхар айының 26-ҷы кӱнінде ӧӧн сценарийінде Россия Банкы 2024 паза 2025 чылларда ортымах ӧӧн ставканың синін 15,0-16,0 % паза 10,0-12,0 % теере килістіре ӧскірібіскен. «Дезинфляция процезі тохтадылза, ӧӧн ставка кӧдірілерге айабас» тіп искірген хосхар айының 26-ҷы кӱнінде РФ ЦБ-ның пазы Эльвира Набиуллина. Ӧӧн банк ставканы пӧзік синде анҷа тудар, «нинҷе тус инфляцияның кӧстегліг 4 процент синін айландырарға кирек полар». Россия Банкы кӧстегліг 4 % синіне пазағы чылда айланарын кӧрче. 2024 чылға инфляция хоостыра Россия Банкының алнызар кӧрчеткен сині 4-4,5 % сығара 4,3-4,8 % ӧскірілген[16].

2024 чылның чайғызында Россияның банктарының пастары Герман Грефтің  (орыс) (рус. паза Андрей Костиннің искіриинең, ӧӧн ставка 4-5 % теере тӱс парза, чахсы салтарлар сағыбинчалар. Греф андағ гипотеза чарадиин «прай банктарға, прай экономикаа сағба» тіп адаан, «Ӧӧн банк адалчатхан халғанҷы чахсы сағынчатхан институт хайдағ-да хатығ сайбағ пирген» теен[17].

2024 чылның от айының 26-ҷы кӱнінде Россия Банкы 2023 чылның улуғ хырлас айынаң сығара пастағызын ӧӧн ставканы 16 % сығара 18 % теере ӧскірібіскен. Орғах айында Россия Банкы от айында ирткен чыылығда ставканы 19-20 % теере ӧскірҷең танығларны чарыт пирген. Оларның санында — 4 % азыра пӧгіндегі инфляция синін ӱр арах тудары паза производительлер ӧзізінің ондайларын читіре тоозары[18].

2024 чылның орғах айының соонзар Россия Банкы ӧӧн ставканың экономикаа хайчатхан сині тӱсчеткенінең чарасхан, анзы алнындағы чуртаста регулятордаң улуғ арах алызиин кирексир тіп искірген Ӧӧн банктың кнес орынҷызы Алексей Заботкин. Ӧӧн ставканың амғы синнері рекордтығларға чағдапчатханынаң чарасхан, че регуляторның политиказы сағам иртіре хатығ тирге орта нимес тіп искірген[19].

2024 чылның ӱртӱн айының 13-ҷі кӱнінде Ӧӧн банк ӧӧн ставканы 18 % сығара 19 % теере ӧскірібіскен[20], пазағы чылда инфляция  (орыс) (рус. 8 % чағдаза, ӧӧн ставка 23 % кӧдірелерге айабас тіп искірген ВТБ устааның кнезінің пастағы орынҷызы Дмитрий Пьянов[21]. Чарыс айында ВТБ пазы Андрей Костин  (орыс) (рус. 2024 чылда Ӧӧн банктың ставказы 21 % теере дее ӧс парар теен[22].

2024 чылның чарыс айының 25-ҷі кӱнінде Россия Банкы ӧӧн ставканы 19 % сығара 21 % теере ӧскірібіскен. Ол Россияның Ӧӧн банкының ӧӧн ставказының ӱс хати изере кӧдіргені полған, 21 %, тізең, прай тархынға иң пӧзік тузазы. Алнындағы иң пӧзік таниина — 20 % — 2022 чылның азығ айында, чаа операциязы  (орыс) (рус. пасталған соонда паза ЦБ-ның хырығ озаринда алтын валюта резерві туйухтал парған соонда читкен[23]. Ӧӧн банктың хатығ ахча-кредит политиказы — олаңай ла таллағ нимес, ол экономикада полчатхан киректерге нандырығ тіп таныхтаан Хазна Думазының финанс рыногынҷа комитеттің чыылиинда ЦБ-ның кнезі Эльвира Набиуллина. Аның сӧстерінең, ЦБ-ның хатығ ахча-кредит политиказы «чал ахчазын, пенсияларны, пособиелерні паза пос чыып алған ахчаны паалар ӧзізінең хайраллапча», пӧзік инфляция, тізең, тузалығ ол ла бизнеске, хайзының товарларын кізілер хайди даа аларлар[24].

2025 чылның азығ айының 14-ҷі кӱнінде Россияның банктары Ӧӧн банктаң алған ахча синін илееде, 1,79 трлн салковайға теере, хызырыбысханнар. Анзы 2024 чылның хандых айының халғанҷы кӱннерінең сығара иң тӧбін син полча. 43,4 % тӱскені пазағы чыылығда банктар ӧӧн ставка синінің кӧдірілерін сахтабинчатханын киречілеен[25], соонаң Россия Банкы чыылығда ӧӧн ставканы алызығ чох, 21 % синде, артыс салғаны пілдістіг пол парған[26].

2025 чылның кӧрік айының 21-ҷі кӱнінде Россия Банкы ӱс хати изере ӧӧн ставканы 21 % синде артыс салған. Неделядағы инфляция сині тӱскен дее полза, ідӧк чонның паза предприятиелернің инфляциязы сахталғаны хоостыра андағ чарадығ алылған[27].

2025 чылның хосхар айының 25-ҷі кӱнінде Россия Банкының Директорлар чӧбі ӧӧн ставканы 21 % чинде артыс саларға чарадығ алған. Пу ставка синін алызығ чох артысхан тӧрт хати изере чыылығ полған[28].

2025 чылның хандых айының 6-ҷы кӱнінде Россия Банкы 2022 чылның ӱртӱн айынаң сығара пастағызын на ӧӧн ставка синін 20 % теере хызырыбысхан[3].

2025 чылның от айының 25-ҷі кӱнінде Ӧӧн банк хатап ставка синін тӱзірібіскен — 18 % читіре[4].

Кӧрістер паза азынада сананыстар

2024 чылның кічіг хырлас айында Россия ЦБ-ның пазы Эльвира Набиуллина пастағызын на килер чылларға ӧӧн ставканың процент синінеңер паза инфляция синінеңер азынада сананыстарынаң ӱлескен, оларның тӱзерін сахталчатханын таныхтаан. Хазна Думазында чоох тудып, Россия банкының азынада сананыстарынаң таныстырған, оларның хоостыра 2025 чылда ӧӧн ставка сині 17 % сығара 20 % теере чидер (амғы сині — 21 %), инфляция — 4,5-5 %. Соонаң 4 % аразында полары кӧрілче, 2027 чылға ӧӧн ставка 7,5-8,5 % тӱс парар. Набиуллинаның сӧстерінең, экономика алызығлығ туста турча, килер айларда корпоративнай кредит портфельінің ӧзізі сала ағырин парар, анзы сурыныстың тиксі ӧзізіне аның хозым синін тӱзірер, амғы инфляцияны амырадар. Аның танығларынаң, анзы ахча-кредит политиказы кирек синіне читкенін киречілирге кирек[29].

2025 чылның азығ айының 25-ҷі кӱнінде ВТБ-да ӧӧн ставка чыл тооза 21 % синде поларын азынада санабысханнар. Банктың устааның кнезінің пастағы орынҷызы Дмитрий Пьянов 2025 чылны «кредит манёврының чылы» тіп таныхтабысхан, ол олаңай кізілерге кредиттер пирерін хызырары административнай оңдайларнаң нимес, че потребительскай кредиттер хызырарынҷа иділер тіп искірген[30].

2025 чылның азығ айының 28-ҷі кӱнінде ВТБ пазы Андрей Костин ЦБ-ның ӧӧн ставказы 2025 чылның ікінҷі чардығында 19 % теере тӱзерін азынада кӧр салған. «России 24» эфирінде ол инфляция амырирын сахталчатханын искірген. Хатығ кредит политиказы апарылза даа, паза ЦБ-ның 19-22 % азынада санап салған ставказына кӧре, Костин ставка сині чылның соонзар тӱзер тіп ізенізін искірген. Топ-менеджернің паалиинаң, 2025 чылда банктарның парызы 15-20 % теере дее син парарға айабас[31].

2025 чылның хосхар айының 3-ҷі кӱнінде Россияның Банкының пазы Эльвира Набиуллина 2025 чылда ортымах ӧӧн ставка, ЦБ-ның азынада сананыстарынаң, 19-22 % сахталчатханын, ол туста регулятор ол диапазонны алтындағы хырына чағын кӧрчеткенін искірген[32].

2025 чылның хосхар айының 9-ҷы кӱнінде Эльвира Набиуллина, Хазна Думазында чоох тудып, Ӧӧн банк ӧӧн ставка синін тӱзірерінде сизіктіг тудынар тіп искірген. Ирткен чылда инфляция, чыл пасталғаннаң амыраан соонда, хатап табырах пар сыхханын, аннаңар Ӧӧн банк сизіктіг поларын хаттабысхан[33]. Регулятор пазы таныхтаан:

Ставканы тӱзірерінде сизіктіг тудынарбыс. Инфляция амырааны пик орных парғанын чахсы піліп аларға кирек. Мында паза пір наа хорғыс пар — тилекейдегі садығда тектоническай тибірілістер. Садығ чаалары пістің кӧзібіске парчалар, ам пілдістіг нимес нимее олар тилекей экономиказын ағыларлар паза Россияа хайди теелерлер[34].

2025 чылның хосхар айының 21-ҷі кӱнінде РБК-ның сурастырығларын ирткен аналитиктер Россия Банкы хосхар айының 25-ҷі кӱнінде иртер чыылығда ӧӧн ставканы тӧрт хати изере 21 % синде артыс салар тіп азынада санап салғаннар. Эксперттернің кӧп сабазы ставка алыспас тіп сағынғаннар, че піреезі ахча-кредит политиказы хосхар айдох нымзадыл сығар паза ставка сині тӱзірілер дее тіп сағыстығ полғаннар. Ставка олох синде артызылар кӧрістің сылтағларында адалғаннар инфляция амырааны, олох туста чонның паза бизнестің сахталчатхан пӧзік инфляциязы, ідӧк геополитика тыығаны паза садығ чааларының эскалациязынаң хорғызы. Олох туста нинҷе-де эксперт экономиканың соопчатханын, кредитованиенің ағырин парчатханын паза м2 ахча массазының синчеткенін таныхтаан, анзы ставка синін тӱзірҷең сылтағ пол парарға айабас[35].

2025 чылның хосхар айының 25-ҷі кӱнінде ВТБ кнезінің пастағы орынҷызы Дмитрий Пьянов  (орыс) (рус. Россия Банкының пӧзік ӧӧн ставказын сынағ иртчеткен антибиотиктең тиңнестірген, аны ӱр артысчаң кирексінізін таныхтаан. Аның кӧрізінең, ахча-кредит политиказын ирте нымзадыбысханы имнерні іспин сыхханы чіли андағох ӱрег ағылар. Пьяновтың танығларынаң, Россияның экономиказы 2022 чылның соонда уғаа пасхаҷыл ниме полча, Ӧӧн банк ол «антибиотиктің» ісчең тузын хап-орта ухаанҷылап полбас[36].

2025 чылның хандых айының 2-ҷі кӱнінде аналитиктернің ӱзінҷі чардығы хандых айының 6-ҷы кӱнінде иртер чыылығда Россия Банкы ӧӧн ставканың сині тӱзерін сахтапчатханы пілдістіг пол парған. Азынада сананыстың 30 араласчы аразында пірдеезі ставка сині 19 % тӱзерін тіп сағынмаан, олох туста кӧбізі (30 кізідең 20-зі) ол 21 % синде, че нымзах арах сағбалығ халар тіп сағынған. Ставка синін тӱзірҷең сылтағларға инфляция сингені полған, че инфляция сахталчатханы пӧзік синде полған. Россия Банкының кнес орынҷызы Филипп Габуния полар чыылығда аймах варианттар кӧрілер тіп искірген. Финанстар министрі [[Силуанов, Антон Германович|Антон Силуанов], инфляцияның часхы динамиказына сылтанып, ідӧк ставка сині тӱс парарға айабас тіп сағысты чағын иткен. Кӧп эксперттер, тізең, хандых айында ставка синін тӱзірерге харығ полар істеніс рыногынаң, инфляциянаң паза бюджет политиказынаң палғалыстығ хорғыстарны таныхтааннар[37].

2025 чылның хандых айының 6-ҷы кӱнінде Россия Банкы ӧӧн ставканы 21 % сығара 20 % теере тӱзірібіскен, анзы 2022 чылның ӱртӱн айынаң сығара ахча-кредит политиказын пастағызын нымзатханы полған. Аналитиктернің кӧп сабазы ставка 21 % синінде поларын сахтаан даа ползалар, финанстар паза экономика тилізі министрлері аны тӱзірер сағыстарынаң ӱлескеннер. Танығлар хоостыра, Россияда инфляция амырап сыххан, хосхар айында 10,23 % полған, хандых айының пастағы кӱннерінде 9,66 %. Салковайның тыыпчатханы ідӧк пааларны тӱзірерге оңдай пирген. Аналитиктер 2025 чылда мыннаң андар ӧӧн ставка тӱзерін сағыпчалар, азынада сананыстарҷа, чылның соонзар 14-15 %[38].

2025 чылның хандых айының 27-ҷі кӱнінде Россияның премьер-министрі полған Сергей Степашин  (орыс) (рус. Ӧӧн банктың 20 % тиңнелчеткен амғы ӧӧн ставка сині промышленностьха иртіре пӧзік, ол 1999 чылдағы киректең тиңнестірген, андада ставка сині 60 % читкен. Аның сӧстерінең, 1999 чылда инфляция 36,5 % чағын полған, экономика оңдайлары пасхалалған. 2025 чылның хандых айында Ӧӧн банк 2022 чылның ӱртӱн айынаң сығара пастағызын на ставканы 21 % сығара 20 % теере тӱзірібіскен, чыл соонзар инфляция 7-8 % сахталча[39].

2025 чылның от айынын 2-ҷі кӱнінде Россия Банкының Финанс конгрезінде ЦБ пазы Эльвира Набиуллинаның танығларынаң, регулятор, сахталчатханынаң тиңнестірзе, инфляцияның амырапчатханын кӧрче, че сағам ол пӧгіннең пӧзік арах; инфляцияның амырааны пӧгіннең тӧбін полза, анзы ӧӧн ставка синін табырах тӱзірчең оңдай пирер[40].

Россиядағы ӧӧн ставканың тузалар тархыны

Ӧӧн ставканың статистиказы (азылчатхан таблица):

Первоисточник: сайт Банка России. cbr.ru. — база данных.

Тоғынған тузы % чылда Алысханы
17.09.2013 — 02.03.2014 5,5 —
03.03.2014 — 27.04.2014 7,0 ↗ 1,5
28.04.2014 — 27.07.2014 7,5 ↗ 0,5
28.07.2014 — 04.11.2014 8,0 ↗ 0,5
05.11.2014 — 11.12.2014 9,5 ↗ 1,5
12.12.2014 — 15.12.2014 10,5 ↗ 1,0
16.12.2014 — 01.02.2015 17,0 ↗ 6,5
02.02.2015 — 15.03.2015 15,0 ↘ 2,0
16.03.2015 — 04.05.2015 14,0 ↘ 1,0
05.05.2015 — 15.06.2015 12,5 ↘ 1,5
16.06.2015 — 02.08.2015 11,5 ↘ 1,0
03.08.2015 — 13.06.2016 11,0 ↘ 0,5
14.06.2016 — 18.09.2016 10,5 ↘ 0,5
19.09.2016 — 26.03.2017 10,0 ↘ 0,5
27.03.2017 — 01.05.2017 9,75 ↘ 0,25
02.05.2017 — 18.06.2017 9,25 ↘ 0,5
19.06.2017 — 17.09.2017 9,0 ↘ 0,25
18.09.2017 — 29.10.2017 8,5 ↘ 0,5
30.10.2017 — 17.12.2017 8,25 ↘ 0,25
18.12.2017 — 11.02.2018 7,75 ↘ 0,5
12.02.2018 — 25.03.2018 7,5 ↘ 0,25
26.03.2018 — 16.09.2018 7,25 ↘ 0,25
17.09.2018 — 16.12.2018 7,5 ↗ 0,25
17.12.2018 — 16.06.2019 7,75 ↗ 0,25
17.06.2019 — 28.07.2019 7,5 ↘ 0,25
29.07.2019 — 08.09.2019 7,25 ↘ 0,25
09.09.2019 — 27.10.2019 7,0 ↘ 0,25
28.10.2019 — 15.12.2019 6,5 ↘ 0,5
16.12.2019 — 09.02.2020 6,25 ↘ 0,25
10.02.2020 — 26.04.2020 6,0 ↘ 0,25
27.04.2020 — 21.06.2020 5,5 ↘ 0,5
22.06.2020 — 26.07.2020 4,5 ↘ 1,0
27.07.2020 — 21.03.2021 4,25 ↘ 0,25
22.03.2021 — 25.04.2021 4,5 ↗ 0,25
26.04.2021 — 14.06.2021 5,0 ↗ 0,5
15.06.2021 — 25.07.2021 5,5 ↗ 0,5
26.07.2021 — 12.09.2021 6,5 ↗ 1,0
13.09.2021 — 24.10.2021 6,75 ↗ 0,25
25.10.2021 — 19.12.2021 7,5 ↗ 0,75
20.12.2021 — 13.02.2022 8,5 ↗ 1,0
14.02.2022 — 27.02.2022 9,5 ↗ 1,0
28.02.2022 — 10.04.2022 20,0 ↗ 10,5
11.04.2022 — 03.05.2022 17,0 ↘ 3,0
04.05.2022 — 26.05.2022 14,0 ↘ 3,0
27.05.2022 — 13.06.2022 11,0 ↘ 3,0
14.06.2022 — 24.07.2022 9,5 ↘ 1,5
25.07.2022 — 18.09.2022 8,0 ↘ 1,5
19.09.2022 — 23.07.2023 7,5 ↘ 0,5
24.07.2023 — 14.08.2023 8,5 ↗ 1,0
15.08.2023 — 26.10.2023 12,0 ↗ 3,5
27.10.2023 — 15.12.2023 15,0 ↗ 3,0
15.12.2023 — 25.07.2024 16,0 ↗ 1,0
27.07.2024 — 13.09.2024 18,0 ↗ 2,0
13.09.2024 — 25.10.2024 19,0 ↗ 1,0
25.10.2024 — 06.06.2025 21,0 ↗ 2,0
06.06.2025 — 25.07.2025 20,0 ↘ 1,0
25.07.2025 — н. в. 18,0 ↘ 2,0

Алған орын

  1. ↑ Введение ключевой ставки ЦБ России и ее изменения, РИА Новости. Дата обращения: 8 Орғах айы 2025.
  2. ↑ Ключевая ставка - что это простыми словами - Российская газета, Российская газета (19 Улуғ хырлас айы 2024). Дата обращения: 8 Орғах айы 2025.
  3. ↑ 1 2 Банк России снизил ключевую ставку впервые с 2022 года. www.forbes.ru. Дата обращения: 8 Орғах айы 2025.
  4. ↑ 1 2 Центробанк снизил ключевую ставку второй раз подряд, РБК. Дата обращения: 8 Орғах айы 2025.
  5. ↑ Система инструментов денежно-кредитной политики. Банк России (2019). Дата обращения: 20 Орғах айы 2019. Архивировано 20 Орғах айы 2019 года.
  6. ↑ Решение Банка России по ключевой ставке: процесс подготовки и коммуникация. Банк России (2019). Дата обращения: 20 Орғах айы 2019. Архивировано 20 Орғах айы 2019 года.
  7. ↑ Станик и Крайнюков, 2020, с. 23.
  8. ↑ Егоров и Борзых, 2018, с. 115.
  9. ↑ Пестова и др., 2019, с. 65.
  10. ↑ 1 2 Евдокимова, Жирнов, 2020, с. 11.
  11. ↑ Банк России, 2019, с. 16.
  12. ↑ Крепцев и др., 2016, с. 33.
  13. ↑ IMF, 2019, p. 14.
  14. ↑ Isakov A., Latypov R. The Ibsen Manoeuvre: Yet Another R* Estimate (англ.) // VTB Capital Research Alert (Very) Technical Brief Series. — 2019. — 15 July.
  15. ↑ Жестко стелет: почему ЦБ сохранил ключевую ставку на уровне 16 процентов. Профиль (16 Азығ айы 2024). Дата обращения: 8 Орғах айы 2025.
  16. ↑ Ставка может быть больше. Журнал "Эксперт" (26 Хосхар айы 2024). Дата обращения: 8 Орғах айы 2025.
  17. ↑ Костин и Греф назвали «ужасом» и «сбоем» снижение ставки до 4–5%, РБК (24 От айы 2024). Дата обращения: 8 Орғах айы 2025.
  18. ↑ В ЦБ раскрыли детали обсуждения роста ставки до 19–20%, РБК (24 Орғах айы 2024). Дата обращения: 8 Орғах айы 2025.
  19. ↑ ЦБ признал снижение чувствительности экономики к ключевой ставке, РБК (29 Орғах айы 2024). Дата обращения: 8 Орғах айы 2025.
  20. ↑ Центробанк повысил ключевую ставку до 19% годовых, РБК (13 Ӱртӱн айы 2024). Дата обращения: 8 Орғах айы 2025.
  21. ↑ В ВТБ описали сценарий с ростом ключевой ставки до 23%, РБК (27 Ӱртӱн айы 2024). Дата обращения: 27 Ӱртӱн айы 2024.
  22. ↑ Глава ВТБ допустил повышение ключевой ставки ЦБ до 21% в 2024 году, Interfax.ru (16 Чарыс айы 2024). Дата обращения: 8 Орғах айы 2025.
  23. ↑ ЦБ поднял ставку выше кризисного уровня 2022 года, РБК (25 Чарыс айы 2024). Дата обращения: 8 Орғах айы 2025.
  24. ↑ Набиуллина объяснила, почему ЦБ повышает ключевую ставку, РБК (31 Чарыс айы 2024). Дата обращения: 8 Орғах айы 2025.
  25. ↑ Банки не заложили новое повышение ставки ЦБ в феврале, РБК (14 Азығ айы 2025). Дата обращения: 8 Орғах айы 2025.
  26. ↑ Банк России сохранил ключевую ставку на уровне 21% годовых, РБК (14 Азығ айы 2025). Дата обращения: 8 Орғах айы 2025.
  27. ↑ ЦБ в третий раз подряд сохранил ключевую ставку 21%, РБК (21 Кӧрік айы 2025). Дата обращения: 8 Орғах айы 2025.
  28. ↑ ЦБ сохранил ключевую ставку 21% в четвертый раз подряд, РБК (25 Хосхар айы 2025). Дата обращения: 8 Орғах айы 2025.
  29. ↑ В ЦБ представили «план Набиуллиной» по снижению ключевой ставки, Life.ru (19 Кічіг хырлас айы 2024). Дата обращения: 8 Орғах айы 2025.
  30. ↑ В ВТБ предсказали ключевую ставку на 2025 год, Lenta.RU (25 Азығ айы 2025). Дата обращения: 8 Орғах айы 2025.
  31. ↑ Глава ВТБ спрогнозировал снижение ключевой ставки в 2025 году, РБК (28 Азығ айы 2025). Дата обращения: 8 Орғах айы 2025.
  32. ↑ Набиуллина дала прогноз по средней ключевой ставке на 2025 год, РБК Инвестиции (3 Хосхар айы 2025). Дата обращения: 8 Орғах айы 2025.
  33. ↑ ЦБ будет аккуратно подходить к вопросу снижения ключевой ставки, TACC (9 Хосхар айы 2025). Дата обращения: 8 Орғах айы 2025.
  34. ↑ Банк России будет учитывать в решении по ключевой ставке новый риск, РБК Инвестиции (9 Хосхар айы 2025). Дата обращения: 8 Орғах айы 2025.
  35. ↑ Эксперты предсказали сохранение ставки ЦБ 21% четвертый раз подряд, РБК (21 Хосхар айы 2025). Дата обращения: 8 Орғах айы 2025.
  36. ↑ В ВТБ сравнили высокую ключевую ставку с «экспериментальным антибиотиком», РБК (25 Хосхар айы 2025). Дата обращения: 8 Орғах айы 2025.
  37. ↑ Треть аналитиков поставили на снижение ключевой ставки уже в июне, РБК (2 Хандых айы 2025). Дата обращения: 8 Орғах айы 2025.
  38. ↑ Банк России снизил ключевую ставку впервые за три года, РБК (6 Хандых айы 2025). Дата обращения: 8 Орғах айы 2025.
  39. ↑ Степашин сравнил ситуацию с ключевой ставкой сейчас и в 1999 году, РБК (27 Хандых айы 2025). Дата обращения: 8 Орғах айы 2025.
  40. ↑ На Финансовом конгрессе Банка России обсуждали замедление экономики и снижение ставки, BFM.ru (2 От айы 2025). Дата обращения: 8 Орғах айы 2025.

Литература

Ссылкалар

Алған орны - https://kjh.ruwiki.ru/w/index.php?title=Россиядағы_ӧӧн_ставка&oldid=154183