Россиядағы донорның национальнай кӱні

Рувики тiп сайттаң
Россиядағы донорның национальнай кӱні
Донор сдаёт кровь.jpg
Тӧстелген 20 февральда 2007 чылда
Таныхталчатхан орны  Россия
Кӱні 20 апрельде
Таныхталчатхан тузы чыл сай
Кибiрлер сыйыхтастар, конференциялар
Палғалыстығ Россия империязындағы пастағы маңнаныстығ гемотрансфузиянаң

Россиядағы донорның национальнай кӱні — чыл сай хосхар айының 20-ҷі кӱнінде таныхталчатхан Россиядағы ӱлӱкӱн. Істеніс кодекзінҷе тынағ кӱніне саналбинча. Ол 1832 чылның хосхар айының 20-ҷі кӱнінде иртірілген Россия империязындағы пастағы маңнаныстығ гемотрансфузиянаң палғалыстығ.

Тархын

[тӱзедерге | код тӱзедерге]

1832 чылның хосхар айының 20-ҷі кӱнінде Петербургтағы акушер Андрей Вольф[ru] ханы тохтабин аххан пала тӧріткен ипчее пастағызын на маңнаныстығ хан урыбысхан[ru][1]. Ол аның алнында, 1818 чылның ӱртӱн айының 25-ҷі кӱнінде, Лондонда маңнаныстығ трансфузия иткен Джеймс Бланделлнің аппарадынаң паза методиказынаң тузаланған[2]. Анаң Вольф паза алты хати хан урған, соонаң аны пір ле хати нимес орыс имҷі паза хирургия профессоры Сергей Коломнин иртірген.

2007 чылның азығ айының 20-ҷі кӱнінде Россия Федерациязының Хазна думазы хан пирерінҷе паза хан службазының сидік сурығларынҷа чыылығда Донорның национальнай кӱнін тӧстебіскен[3]. 2008 чылдаң сығара РФ-ның Хазых хайраллаҷаң министерствозы паза Россияның Федеральнай имнег-биология агенствозы (ФМБА) ханны паза аның чардыхтарын халыхтаң пос кӧңнінең пирҷең чӧрімнің улуғ тиліс программазын чуртасха кир сыххан[4]. 2024 чылның танығларынҷа, Хан службазына 487 пірігіс, 100 муңҷа пӧзік квалификациялығ имнег тоғынҷылары кірче[5].

Тархын кибірі

[тӱзедерге | код тӱзедерге]

Россиядағы донорның национальнай кӱнінде имнег киреендегі тоғынҷыларның хабарҷыларнаң тоғазығлары, конференциялары, темаҷа кӧзідіглері иртчелер. Имнег кіннері паза станциялары хан аларынҷа хоза чӧрімнер иртірчелер[6]. Пу кӱнде ханны паза аның чардыхтарын пирчеткен кізілер сыйыхтатчалар[7]. Россияның аарластығ донорларына ханны паза аның чардыхтарын 40 хати алай плазманы 60 хати пирген кізілер саналчалар. Кӧксіндегі танығдаң пасха Россия чуртағҷыларына хоза льготалар кӧріл парғаннар, ол санда халых транспортында тикке чӧрер право пирілче[8].

Хоза искіріг

[тӱзедерге | код тӱзедерге]
  • 2005 чылда тиксі тилекейдегі хан донорының кӱні тӧстелген. Аны хандых айының 14-ҷі кӱнінде таныхтапчалар. Ӱлӱкӱн кізі ханының группаларын асхан ӱчӱн физиологияҷа паза имнег киреенҷе Нобель сыйиина турысхан Карл Ландштейнернің тӧреен кӱніне килістіре кирілген[9].
  • Федеральнай имнег-биология агенствозының (ФМБА) танығларынҷа, 2024 чылда Россияда алнындағы чылдағызынаң хан 6 % кӧп тимнелген, аның сині 2,6 миллион литрге читкен, 458 муң азыра донор федеральнай регистрге кірген[6].
Илбек Адалығ чаа чылларындағы лабораториядағы тоғыс тузы
  • Илбек Адалығ чаа тузында донорлар саны 5,5 млн кізее читкен, ол тустағы армияа 1,7 млн азыра литр консервированнай хан пирілген. Ол хан 7 миллион хати урылған. Чаа тузында «СССР-ның аарластығ доноры» кӧксіндегі танығнаң 15 000 кізі сыйыхтатхан[10].

Саблығ кізілер аразындағы донорлар

[тӱзедерге | код тӱзедерге]
  • Джеки Чан — ханны сыбыра пирче, 2002 чылда «Смокинг» фильмні суурған туста Канаданың хан службазының доноры полыбысхан.
Джеки Чан Ада чир-суу Гонконгта ханны сыбыра пирче
  • Криштиану Роналду — 2008 чылда «Хызыл кірес сананызы» компанияның кізізі полыбысхан, ӧзім чілиинің доноры полча.
  • Джессика Альба — олған госпитальына ханын пирче.
  • Екатерина Стриженова — студент чылларындох ханын пир сыххан[4].
Татьяна Навка ханын пирче
  • Татьяна Навка — 2011 чылда донор киреен тилідерінде LG компанияның хачызы полыбысхан[11].

Алған орын

[тӱзедерге | код тӱзедерге]
  1. ↑ Национальный день донора в России. gkdc1.ru. Дата обращения: 17 Хосхар айы 2025.
  2. ↑ Есть повод гордиться. Медицинская газета (17 Хосхар айы 2007). Дата обращения: 17 Хосхар айы 2025.
  3. ↑ Национальный День донора крови в России, РИА Новости (11 Хосхар айы 2025). Дата обращения: 17 Хосхар айы 2025.
  4. ↑ 1 2 Навка сдаёт кровь168#id1887947 Звездная кровь, Коммерсантъ (20 Хосхар айы 2022). Дата обращения: 18 Хосхар айы 2025.
  5. ↑ Вероника Скворцова: В России донорство является не только почетной и благородной миссией, но и важнейшей государственной задачей. bloodfmba.ru (11 Хандых айы 2024). Дата обращения: 18 Хосхар айы 2025.
  6. ↑ 1 2 «Единая Россия» организует по всей стране мероприятия к Национальному дню донора крови. er.ru (16 Хосхар айы 2025). Дата обращения: 17 Хосхар айы 2025.
  7. ↑ 14 июня — Всемирный день донора крови: традиции, тема и мероприятия 2024 года, Известия (13 Хандых айы 2024). Дата обращения: 17 Хосхар айы 2025.
  8. ↑ Национальный день донора в России. pnp.ru (20 Хосхар айы 2020). Дата обращения: 17 Хосхар айы 2025.
  9. ↑ Всемирный день донора крови, РИА Новости (14 Хандых айы 2024). Дата обращения: 17 Хосхар айы 2025.
  10. ↑ Любопытные факты. yadonor.ru. Дата обращения: 17 Хосхар айы 0202.
  11. ↑ Татьяна Навка стала послом донорства. sport-express.ru (20 Хосхар айы 2011). Дата обращения: 18 Хосхар айы 2025.

Ссылкалар

[тӱзедерге | код тӱзедерге]
© Пу материал «РУВИКИ» интернет-энциклопедия» АНО холында.
Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир.
Алған орны - https://kjh.ruwiki.ru/w/index.php?title=Россиядағы_донорның_национальнай_кӱні&oldid=92796