Музейлер хараазы
| «Музейлер хараазы» | |
|---|---|
 | |
 | |
| Отрасль | культура, искусство, музей кирее |
| Пастағызын иртірген кӱні | 1997 |
| Удаа иртірілчеткені | чыл сай |
| Халғанҷызын иртірген кӱні | 2025 |
| Тимнепче | РФ Культура министерствозы |
| Статус | иртірілче |
| Сайт | museumnight.culture.ru |
 Медиафайлы на РУВИКИ.Медиа | |
«Музейлер хараазы» (орыс. Ночь музеев) — чоннар аразындағы культура-ӱгредіг чӧрімі, аның хоостыра музейлер орай иирге читіре алай хараа даа тоғынчалар[1]. Сілкер айының 18-ҷі кӱнінде таныхталчатхан Чоннар аразындағы музейлер кӱніне чарыдылча. Чӧрім кибірли сілкер айының ӱзінҷі тынағ кӱннерінде иртірілче. Аның пӧгіні — музей чыындыларынаңар чонға чарыдары, музей паза ӱгредіг тоғызының оңдайларын паза наа формаларын кӧзідері[2]. Пастағызын чӧрім 1997 чылда ирткен[3].
2025 чылда Россияда «Музейлер хараазы» сілкер айының 17-ҷі кӱнінде иртері кӧріл парған. Чӧрім «Матырлар» темаа чарыдылча[4].
Чӧрім тархыны
Пастағы «Музейлернің узун хараазы» (нем. Lange Nacht der Museen)[5] 1997 чылда Берлиннің он ікі музейінде ирткен. Аның мероприятиелер санына хараа тооза ирткен экскурсиялар, лекциялар, театр ойыннары кіргеннер. Музейлерзер чон тикке кірген[1].
1999 чылда ағаа тӧӧй чӧрімні Францияның Культура паза коммуникация министерствозы иртірген[6].
2001 чылда чӧрімге Европаның паза Американың 39 хазназы хозылған[4].
2005 чылда Европа Чӧбі Франция сығарған чоннар аразындағы «Музейлер хараазы» чӧрімні чыл сай иртірердеңер сағысты чарат салған. Чӧрім Чоннар аразындағы музейлер кӱніне иң чағын тынағ кӱннерінде таныхталар тіп чарадығ алылған[7].
2025 чылға, чӧрімнің араласчылары 40 азыра хазнаның 3,5 муң азыра музейі полча[7].
Россияда
Россия чӧрімге 2002 чылның хосхар айының 20-ҷі кӱнінде хозылған[8][9]. Хызылчардағы музей кіні иртірген мероприятиелерде 5 муң азыра кізі пол парыбысхан[6].
2006 чылда «Музейлер хараазы» Санкт-Петербургта паза Казаньда ирткен[4].
2007 чылда чӧрім пастағызын на Москвада паза Екатеринбургта ирткен. Москвада ол «Музейдегі хараа» адалған[7]. кӧп учреждение чӧрім пастыра улуғ-кічіглерге килкім кӧзідіг-экскурсия программаларын тимнеп салған.
2015 чылда «Музейлер хараазы» чӧрімге федеральнай статус пирілген. Ол тустаң сығара чӧрім Россия Федерациязының Культура министерствозының хабазиинаң иртірілче. Анда тиксі хазнаның федеральнай, хазна, муниципальнай, ведомство паза кізі холындағы музейлер араласчалар[2].
Россиядағы «Музейлер хараазы» 2 муң азыра музей пірігізін піріктірче[7]. Чӧрімге кӧзідіг кіннері, театрлар, галереялар, библиотекалар, тынағ кіннері паза пасха учреждениелер хозылчалар[2].
Чыл сай чӧрім пірее темаа чарыдылча.
Хронология
- 2016 чылда чӧрім сілкер айының 21-ҷі кӱнінде ирткен. Ол Россия кинозының чылына чарыдылған. Кӧп музей «Пір экспонаттың тархыны» темаҷа мероприятиелерін иртіргеннер. Санкт-Петербургта, Екатеринбургта паза Калининградта чӧрімде араласхан ачыхтар пірге билетче тоғынғаннар[10]. 130 азыра музей паза онарлап город экскурсиязы, 60 концерт паза 30 кино кӧзідии ирткен. Москвада ВДНХ-да «Кино паза мода. Александр Васильевтің чыындызының саблығ киноактрисаларның кӧгенектері» кӧзідіг ирткен[11].
- 2017 чылда чӧрім сілкер айының 20 кӱнінең 21-ҷі хараазына ирткен. Аның ӧӧн темазы — 1917 чылдағы Революция[12]. Чӧрімде онар культура ачығы араласхан. Оларның санында Третьяковтар галереязы, Царицыно, ВДНХ, Москвадағы зоопарк, Амғы тустағы искусство музейі «Гараж» паза пасхазы полғаннар. Анын хоостыра лекциялар, экскурсиялар, искусствоведтернең, историктернең, сомҷыларнаң тоғазығлар, мастер-класстар иртірілгеннер[13].
- 2018 чылда чӧрім сілкер айының 19-ҷы кӱнінде ирткен. Аның ӧӧн темазы «Запасниктердегі шедеврлер» полған[14]. Чӧрімде музейлер, театрлар, галереялар, арт-кіннер паза искусство школалары араласханнар. Музейлерде удаа тоғаспинчатхан ниме-ноолар кӧзідіге сығарылғаннар, аның алнында олар чабых чыындыларда алай реставрацияда полғаннар. Москвада 800 азыра мероприятиеде 500 муң кізі пол парыбысхан.
- 2019 чылда чӧрім сілкер айының 18-ҷі кӱнінде ирткен. Ӧӧн тема — «Элементтер»[15]. Пу кӱнде 100 музей орайға теере тоғынған: экскурсиялар, лекциялар, перфоманстар паза концерттер иртірілгеннер. «Гараж» музей Павел Пепперштейннің «Человек как рамка для ландшафта» паза «Рашид Араин. Ретроспектива» кӧзідіглерін тикке апарған. Бахрушиннің музейінде «Театр от Софокла до Мейерхольда» театр ойыны ирткен, чӧрім араласчылары анда пос кӧңніне кірчеткен читі «эпоханың» хайзын даа таллап алар оңдайлығ полғаннар. «Солянка» галереяның аалҷылары хоосчыларны тоғыс тузында кӧріп алғаннар. Ӧӧн ачых Москваның музейі полыбысхан, анда чоннар аразындағы Drumsfest Russia 2019 фестиваль араласчыларының барабан ойыны ирткен[16].
- 2020 чылда «Музейлер хараазы» чӧрімнің ӧӧн темазы «Танығлар» полған[17]. Covid-19 чуғынҷах ағырығның пандемиязы ӱчӱн прай мероприятелер сілкер айының 16-17 кӱннерінде онлайн ирткеннер. Чӧрімде Москваның 50 азыра музей-галереязы араласхан. Онлайн чӧрімнер пірігістернің сайттарында паза социальнай сетьтерде ирткеннер. Прай мероприятелерні 800 муң азыра кізі араласхан[18].
- 2021 чылда чӧрім сілкер айының 15-ҷі кӱнінде ирткен. Анын ӧӧн темазы — «Больше чем музей»[19]. Кӧзідіглер, экскурсиялар, мастер-класстар, квесттер, марығлар, викториналар, лекторийлер иртірілгеннер. Хазна тархын музейінің аалҷылары арам тоғасчатхан экспонаттарның реставрациязынаң паза рукопись памятниктерінең танысханнар. Тиксі Россиядағы декоративнай искусство музейінің тоғынҷылары олғаннарға программа тимнеп салғаннар, сызырнаң фигуралар идерге ӱгреткеннер[20].
- 2022 чылда чӧрім сілкер айының 21-ҷі кӱнінде ирткен. Аның темазы — «Точка отсчёта»[21]. Чӧрім араласчылары эскурсияларда, концерттерде, мастер-класстарда араласханнар. Лекциялар, азых тигір алтындағы кӧзідіглер паза кино кӧзідіглері иртірілгеннер[22]. Чӧрімде 300 муң азыра кізі араласхан.
- 2023 чылда чӧрім сілкер айының 21-ҷі кӱнінде ирткен. Аның ӧӧн темазы — «Тархын паза тархыннар»[23]. Кӧзідіглер, мастер-класстар, концерттер, экскурсиялар ирткеннер. Чӧрімде Индия, Саудовскай Аравич, Венесуэла, Катар, Ливан, Камбоджа, Монголия хазналарының дипломатия миссияларының кізілері араласханнар. А. С. Пушкиннің адынаң хазна хоос искусствозының музейінде «Хайди пейзаж ойнапча» программа тимнелген: чӧрім араласчылары, телефоннығ паза наушниктіг музей залынҷа иртіп, музыканаң паза живописьнең танысханнар. ВДНХ-дағы Восток музейі аалҷыларға «музыка маршрудын» тимнеп салған[24]. Акция хоостыра 1300 азыра мероприятие ирткен, анда ікі миллион азыра кізі араласхан[25].
- 2024 чылда чӧрім сілкер айының 18-ҷі кӱнінде ирткен. Ӧӧн тема — «Тӧлдең тӧлге. Сӧбіре реликвиялары»[26]. Москваның культура ачыхтары 500 азыра мероприятие иртірібіскеннер. Оларның аразында: литература ойыннары, мастер-класстар, квесттер, викториналар, классика паза амғы музыканың ойыннары. Федеральнай ачыхтарда 300 муң азыра кізі аалҷы пол парыбысхан.
- 2025 чылда «Музейлер хараазы» чӧрім сілкер айының 17-ҷі кӱнінде иртче. Аның ӧӧн темазы — «Матырлар»[27]. Ада чир-суғ арачылағҷызының чылында программа тархын хумартхызын хайраллирына, пос хазназы паза аның чидіглері ӱчӱн поғдархасты ӧскіреріне чарыдылча. Чӧрім хоостыра, экскурсиялар, кӧзідіглер, лекциялар, мастер-класстар, концерттер полары кӧріл парған[28].
Россия Федерациязының культура министрі Ольга Любимова таныхтаан[29]:
Илбек Чиңістің пайрамнығ чылында піс посты айабин хазнаның пос чуртазы ӱчӱн чааласхан паза фашизмні чиңіп алған матырларны сағысха кирчебіс. Полған на регионның пос матырлары паза Илбек Ада чааның паза хазнаның пасха танығлығ киректерінің тархын страницалары парлар, аннаңар «Матырлар» тема Россияның полған на пулиинда ӱндезіг табар. Піс хатап ирткен тустың матыр страницаларына айланчабыс, аймах тустағы чоныбыстың сабланыстығ махачызын сағысха кирербіс, матырлардаңар паза постары чоохтаан матырлар тархынын истіп аларбыс. Ол туста наа тус наа матырларға ағылча, пирілген тема музейлерге тархын тӧстеене сылтанарға, ідӧк ол нимее амғы тустағы кӧрісті таап, пӱӱнгі матырлардаңар чоохтап пирерге оңдай пирер.
Палғалыстығ кӱннер
- Тиксі тилекейдегі экскурсовод кӱні (азығ айының 21-ҷі кӱні)
- Культура тоғынҷызының кӱні (Кӧрік айының 25-ҷі кӱні)
- Чоннар аразындағы хумартхы тастарның паза тархын орыннарының кӱні (Хосхар айының 18-ҷі кӱні)
- Чоннар аразындағы музейлер кӱні (Сілкер айының 18-ҷі кӱні)
- Кино хараазы (полған на чылда кӱні алысча)
Алған орын
- ↑ 1 2 Что известно о всероссийской акции "Ночь музеев", TACC (17 Сілкер айы 2024). Дата обращения: 27 Хосхар айы 2025.
- ↑ 1 2 3 Всероссийская акция "Ночь музеев", РИА Новости (18 Сілкер айы 2024). Дата обращения: 27 Хосхар айы 2025.
- ↑ Денис Сидоров. Музей подготовился к грядущей ночи, Победа РФ | Новости, история, патриотизм (15 Сілкер айы 2021). Дата обращения: 27 Хосхар айы 2025.
- ↑ 1 2 3 Когда пройдет «Ночь музеев» в 2025 году?, AiF (5 Азығ айы 2025). Дата обращения: 27 Хосхар айы 2025.
- ↑ Всероссийская акция «Ночь музеев» 2024, Аскинский район — дата и место проведения, программа мероприятия., Культура.РФ. Дата обращения: 27 Хосхар айы 2025.
- ↑ 1 2 История акции "Ночь музеев", TACC. Дата обращения: 14 Сілкер айы 2025.
- ↑ 1 2 3 4 История акции. Ночь музеев. Дата обращения: 27 Хосхар айы 2025.
- ↑ «Ночь в храме», возможно, пройдет в Москве // Православие и мир. — 22.09.2015.
- ↑ Красноярский музейный центр. Дата обращения: 10 Хосхар айы 2010. Архивировано из оригинала 20 Сілкер айы 2010 года.
- ↑ Акция "Ночь музеев", посвященная Году кино, стартует по всей России, РИА Новости (21 Сілкер айы 2016). Дата обращения: 27 Хосхар айы 2025.
- ↑ Волкова, С.. «Ночь музеев» - 2016: Хотите увидеть редкие коллекции, торопитесь зарегистрироваться, msk.kp.ru (13 Сілкер айы 2016). Дата обращения: 14 Сілкер айы 2025.
- ↑ «Ночь музеев»-2017 посвятили русской революции, Известия (19 Сілкер айы 2017). Дата обращения: 27 Хосхар айы 2025.
- ↑ "Ночь в музее" в Москве: Куда пойти, что посмотреть, и как добраться, Metro Москва. Дата обращения: 14 Сілкер айы 2025.
- ↑ «Шедевры из запасников» станут главной темой «Ночи музеев-2018», Известия (7 Сілкер айы 2018). Дата обращения: 27 Хосхар айы 2025.
- ↑ Когда проведут "Ночь музеев" в 2019 году? Тема акции была объявлена в конце мая прошлого года | Санкт-Петербург Центр. peterburg.center (11 Азығ айы 2019). Дата обращения: 27 Хосхар айы 2025.
- ↑ «Ночь музеев» в Москве 2019: куда идти и что смотреть, BURO.. Дата обращения: 14 Сілкер айы 2025.
- ↑ Участие в «Ночи музеев — 2020». www.artnight.ru. Дата обращения: 27 Хосхар айы 2025.
- ↑ Онлайн-мероприятия акции "Ночь в музее – 2020" посетили более 800 тыс. человек, TACC. Дата обращения: 14 Сілкер айы 2025.
- ↑ Анонс пресс-конференции «Ночи музеев — 2021». old.artnight.ru. Дата обращения: 27 Хосхар айы 2025.
- ↑ Ночь музеев - 2021. nazaccent.ru. Дата обращения: 14 Сілкер айы 2025.
- ↑ Как пройдет акция "Ночь музеев" в России в 2022 году, РЕН ТВ (20 Сілкер айы 2022). Дата обращения: 27 Хосхар айы 2025.
- ↑ Что и где посмотреть в Москве в «Ночь музеев-2022»?, AiF. Дата обращения: 14 Сілкер айы 2025.
- ↑ Ночь музеев: когда будет в 2023 году, участники акции, программа, РИА Новости (5 Сілкер айы 2023). Дата обращения: 27 Хосхар айы 2025.
- ↑ Экскурсия по бункеру, рок-концерт и закулисье театра: куда пойти на «Ночь музеев» в Москве, Global City. Дата обращения: 14 Сілкер айы 2025.
- ↑ Министр культуры рассказала о рекордах "Ночи музеев" в России. Вести.ру (25 Сілкер айы 2023). Дата обращения: 14 Сілкер айы 2025.
- ↑ Объявлены дата и тема «Ночи музеев» 2024 года - Год Литературы, Год Литературы (13 Кӧрік айы 2024). Дата обращения: 27 Хосхар айы 2025.
- ↑ «Ночь музеев» пройдет по всей России 17 мая. Публикации СМИ. Первый канал, 1tv.ru (5 Азығ айы 2025). Дата обращения: 27 Хосхар айы 2025.
- ↑ Ночь музеев — 2025. Официальный сайт акции. museumnight.culture.ru. Дата обращения: 14 Сілкер айы 2025.
- ↑ Ольга Любимова: Всероссийская акция «Ночь музеев» в 2025 году будет посвящена теме «Герои». Министерство культуры РФ (17 Кӱрген айы 2025). Дата обращения: 14 Сілкер айы 2025.
Литература
- Казакова, О., Кошелева, С. Ночь музеев во Франции как пример современной международной кооперации и общественно-государственного партнёрства // Вестник Кемеровского государственного университета культуры и искусств. — 2023. — № 63.
- Малафий, А. Туризм впечатлений : ресурсы и перспективы развития в Тульской области // Современные проблемы сервиса и туризма. — 2019. — № 2.
- Петрунина, Л. Два лица одного музея. "Ночь музеев" в Третьяковской галерее // Телескоп: журнал социологических и маркетинговых исследований. — 2012. — № 6.
- Черткова, М. А., Аксенова, Л. В., Каримова, Э. Т. Международная акция «Ночь музеев» в Учебном ботаническом саду им А.Г. Генкеля ПГНИУ // Ботанические сады в современном мире. — 2024. — № 6. — doi:10.24412/cl-36595-2024-6-169-171.