Марий Эл Республика кӱні

Рувики тiп сайттаң
Марий Эл Республика кӱні
День республики РМЭ.jpg
Тип Марий Эл Республиканың национальнай ӱлӱкӱні
Закон хоостыра Марий Эл Республика кӱні
Кӱні Кiчiг хырлас айының 4-ҷі кӱні

Марий Эл Республика кӱні (орыс. День Респу́блики Ма́рий Эл) — Марий Эл Республиканың  (орыс) (рус. хазна ӱлӱкӱні. Чыл сай кічіг хырлас айының 4-ҷі кӱнінде таныхталча.

Тархын

1920 чылда хысхыда Казаньда Наркомнац-тың мари Ӧӧн пӧлии пастаанда Тиксі Россиядағы ӧткін марий тоғынҷыларының чыылии ирткен. Аның араласчылары марийлер пір орында чуртапчатхан чирлерні тапханнар. Анзы устағ-пастағ единицаларын таныхтирға киректелген. Ол тусха Татар-Башкир Совет республиказы паза Башкир АССР-зы полғаннар, пасха даа чоннар национальнай чӧрімнерге пірігіп, пос автономияларынаңар сағын сыхханнар[1][2].

1920 чылда чайғыда марий ӧткіннері Тиксі Россиядағы мари-коммунисттер конференциязында чыылысханнар. Анда В. А. Мухиннің  (орыс) (рус. докладына тӧстеніп, пазағы хаалағлар табылғаннар. Наркомнац-тың мари ӧӧн пӧлиинің устағҷызы С. А. Черняков чыылығда Совнаркомға пічіктер проектін тимнеп салған[1][2].

1920 чылның кічіг хырлас айының 4-ҷі кӱнінде Совнарком паза ВЦИК «Марий чонының автономнай облазын тӧстирінеңер» декретті алғаннар. Пічік чирні, аның хырығларын, устағ-пастағ кінін, устаныс органнарын таныхтабаан, аннаңар олох чылда кічіг хырлас айының 25-ҷі кӱнінде хоза декрет сығарылған. Ол прай чир-устағ сурығларын пӧгібіскен. Пічік хоостыра, автоном облазына Казань губерниязына кірген Краснококшайскай паза Козьмодемьян уездтері, Вятскай губернияның Уржум паза Яранск уездтерің чардыхтары, ідӧк Нижний Новгород губерниязының Васильсурск уезді кіргеннер. Столицаа Краснококшайск табылған[1][2].

Пічік хоостыра, Марий автоном облазының тӧстелгенін революция комитеді 1921 чылның кӧрік айының 1-ғы кӱнінде чарлабысхан, аннаңар 1921—1930 чылларда ӱлӱкӱн часхының пастағы кӱнінде таныхталҷаң[3][1].

1921 чылның хандых айының 21-24-ҷі кӱннерінде областьтағы пастағы Советтер Чыылии ирткен. Анда облисполкомның — региондағы устағ органының — араласчыларын тапханнар. Аның пастағы кнезі халых паза политика деятельі И. П. Петров  (орыс) (рус. полыбысхан[2].

1929 чылның от айының 15-ҷі кӱнінде Марий облазы хатап тӧстелген Нижний Новгород (Горьков) крайының чардығы полыбысхан. 1936 чылның улуғ хырлас айының 5-ҷі кӱнінде чир единицазы чох иділген. Ағаа кірген Марий автоном облазы Марий АССР адал сыххан[1][4].

1931 чылдаң 1959 чылға теере Марий автоном облазының тӧстелген кӱні хандых айының 21-ҷі кӱнінде таныхталған. Пу кӱнде 1921 чылдағы областьтағы пастағы Советтер Чыылии азылған, революция комитеді полномочиелерін облисполкомға пирібіскен[3].

1960 чылдаң сығара республиканың ӱлӱкӱні кічіг хырлас айының 4-ҷі кӱнінде таныхталча. Пу кӱнде Владимир Ленин паза Михаил Калинин  (орыс) (рус. «Марий чонының автоном облазын тӧстирінеңер» декретте хол салғаннар[5][3].

1990 чылның чарыс айының 22-ҷі кӱнінең сығара Хазна суверенитедінеңер декларацияҷа республика Марий ССР-зы адал сыххан, амғы Марий Эл Республика адын 1992 чылның улуғ хырлас айының 9-ҷы кӱнінде алған[4].

Амғы тус

Марий Эл Республика кӱні кічіг хырлас айының 4-ҷі кӱнінде таныхталча. Пу кӱнде аймах мероприятиелер — концерттер, кӧзідіглер, тоғазығлар — иртчелер. Республикада тӱзімніг істенген кізілерні аарластығ пічіктернең сыйыхтапчалар. Ӱлӱкӱн алнынҷа республиканың ӱгредіг заведениелінде Ада чирінің тархыны пілістерінҷе марығлар иртчелер[5][6][7][8].

Пу кӱнге наа алай нааҷылалған объекттерні асчаң кибір пар. 2006 чылда Республика кӱніне Марий Эл Республика правительствозының наа туразы пайрамни азылған, 2009 чылда — Царевококшайск кремльінің чиріндегі архитектура-тархын комплекзі, 2011 чылда — «12 апостол» наа чазы, 2015 чылда — Олған тузы музейі, 2016 чылда — Православие тархыны музейі[9].

Алған орын

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (3 Кічіг хырлас айы 2022). Дата обращения: 25 Чарыс айы 2024.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Дата обращения: 25 Чарыс айы 2024.
  3. ↑ 1 2 3 В. Г. Востриков. 100 лет Марий Эл. Три даты в календаре – три вехи в становлении Марийской автономии. Национальная библиотека имени С.Г. Чавайна Республики Марий Эл (4 Кічіг хырлас айы 2021). Дата обращения: 25 Чарыс айы 2024.
  4. ↑ 1 2 Дата образования Республики Марий Эл. ВДПО. Дата обращения: 25 Чарыс айы 2024.
  5. ↑ 1 2 День государственности Республики Марий Эл, Кидшер (30 Чарыс айы 2023). Дата обращения: 25 Чарыс айы 2024.
  6. ↑ День образования Республики Марий Эл 2024. Марий Эл и Йошкар-Ола. Дата обращения: 25 Чарыс айы 2024.
  7. ↑ Т. Ю. Смирнова. "Знаешь ли ты свой край?". Межпоселенческая центральная библиотека Советского района Республики Марий Эл (3 Кічіг хырлас айы 2023). Дата обращения: 25 Чарыс айы 2024.
  8. ↑ Лилиана Гарифуллина. День Республики Марий Эл 2022, что будет на День народного единства в Йошкар-Оле со 2 по 5 ноября, куда сходить, самая полная программа мероприятий на каждый день, концерты, выставки, конкурсы, музеи, kazan.kp.ru (3 Кічіг хырлас айы 2022). Дата обращения: 25 Чарыс айы 2024.
  9. ↑ 4 ноября – как это было 2006, 2007... 2020 годы, МариМедиа (04.11.2020). Дата обращения: 25 Чарыс айы 2024.

Литература

  • Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
  • Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
  • Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
  • От автономии к суверенитету. — Йошкар-Ола: Марийское книжное издательство, 1991. — 64 с.
  • Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
  • Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
  • Хлебников, А. В. Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
  • Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
  • Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Ссылкалар

Алған орны - https://kjh.ruwiki.ru/w/index.php?title=Марий_Эл_Республика_кӱні&oldid=144699