Артист кӱні
| Артист кӱні | |
|---|---|
 | |
| Тип | Профессиональнай |
| Тӧстегҷі | Россия Федерациязының Правительствозы |
| Таныхталчатхан орны | чыл сай |
| Кӱні | кӱрген айының 17-ҷі кӱні |
Артист кӱні (орыс. День арти́ста) — 2025 чылның от айында тӧстелген Россиядағы профессиональнай ӱлӱкӱн. Россия Федерациязының Театр деятельлері пірігізінің кнезі Владимир Машковтың пастаанаң тӧстелген. Ӱлӱкӱннің таныхтаҷаң кӱні актёр узы системазының тӧстегҷізі Константин Станиславскийнің тӧреен кӱніне чарыдылған[1]. Ӱлӱкӱн музыканттарның, ырҷыларның, кино, театр паза цирк артисттерінің профессиональнай кӱні полча[2].
Россия Федерациязының Культура министерствозы пу чарадығны пиктепчеткен ведомствоның норма актын чарыхха сығарыбызарға кирек[3].
Тархын
1917 чылда Россияда пастағызын на Орыс театрының кӱні ирткен. Аны Орыс театр пірігізі театр тилізіне хабасчаң пӧгіннең паза полызығ кирексіпчеткен актёрларға иртірген[4].
2024 чылның улуғ хырлас айының пастағы кӱннерінде Владимир Машков Россия Федерациязының Театр деятельлері пірігізінің секретариадының улуғ чыылиинда Артист кӱнін тӧстебізерге чӧпнең сыххан. Аның чооғынаң: «театр кізілеріне пу кӱн танығлығ полыбызар. Аның ады олаңай ла таллалбаан: ол чон паза саблығ артист званиелер аттарынаң парча, хайзыларын театр, музыка, цирк, эстрада паза кино искусствозы киреендегі улуғ киректер ӱчӱн пирчелер»[5].
Машков РФ-ның Театр деятельлерінің пірігізі андағ оңдайнаң Мария Гавриловна Савинаның паза Театр пірігізінің тархын пастаан айландырарға сағынчатханын, хаҷан Актёр кӱнінде чылда пір хати артисттер ойын ойнап, аның ахчазын Санкт-Петербургтағы пастағы Сцена ветераннарының туразының пӱдіриине ысчаңнар тіп таныхтаан[5].
Актёрларнын пасха ӱлӱкӱннері
Орғах айының 26-ҷы кӱнінде тиксі тилекейде, ол санда Россияда, Чоннар аразындағы актёр кӱні таныхталча. Ол пістің эраның III чӱс чылында чуртаан пурунғы Римдегі актёр Римдегі Генезийнің хумартхызына чарыдылып тӧстелген. Актёр сценада христианнарның омазын чайап, андада наа киртініске тың кір парып, позы даа христианин полыбысхан, аннаңар ол кӧрігҷілерге чарлабысхан, анаң ӧлімге чарғылатырып ӱреен. Соонаң ол актёрларның, музыканттарның паза эпилептиктернің полысчызы полыбысхан[6][7].
Алған орын
- ↑ В России 17 января будет отмечаться День артиста, Interfax.ru (3 Орғах айы 2025). Дата обращения: 15 Орғах айы 2025.
- ↑ В России 17 января будут отмечать новый праздник — День артиста, Коммерсантъ (3 Орғах айы 2025). Дата обращения: 15 Орғах айы 2025.
- ↑ В России будет отмечаться День артиста. government.ru (3 Орғах айы 2025). Дата обращения: 21 Орғах айы 2025.
- ↑ День русского актера. Проект 1917. project1917.ru. Дата обращения: 15 Орғах айы 2025.
- ↑ 1 2 Машков предложил учредить День артиста, TACC. Дата обращения: 15 Орғах айы 2025.
- ↑ Генесий Мим. www.pravenc.ru. Дата обращения: 15 Орғах айы 2025.
- ↑ Catholic Encyclopedia: Genesius (англ.). www.newadvent.org. Дата обращения: 21 Орғах айы 2025.