Анора
| Анора | |
|---|---|
| англ. Anora | |
 | |
| Режиссёр | Шон Бейкер |
| Продюсерлер |
|
| Сценарий авторы |
Шон Бейкер |
| Ӧӧн рольларда |
Майки Мэдисон Марк Эйдельштейн Карен Карагулян Юра Борисов |
| Оператор | |
| Хоосчы-постановщик | Стивен Фелпс |
| Кино компаниязы | FilmNation Entertainment |
| Дистрибьютор | Neon |
| Хазна |
 США |
| Тіл | англия тілі[d] |
| Чыл | 2024 |
| IMDb | ID 28607951 |
«Ано́ра» (англ. Anora) — американ режиссёр Шон Бейкернің хоос фильмі. Ӧӧн рольларда суурынчалар Майки Мэдисон, Марком Эйдельштейн, Карен Карагулян паза Юра Борисов[1].
Тилекей синінде фильм 2024 чылның сілкер айының 21-ҷі кӱнінде кӧзіділген. Олох чылда сілкер айының 25-ҷі кӱнінде 77-ҷі Канн кинофестивальында «Алтын пальма салаазы» сыйыхха турысхан[2][3]. Юрий Борисов «Ікінҷі пландағы иң артых актёр» категорияда «Алтын глобус» американ сыйиина, ідӧк «Оскар» сыйыхха адалған[4][5].
Россияда фильм 2024 чылның чарыс айының 17-ҷі кӱнінде кӧзіділ сыххан[6].
Фильм полтазы
Анора, алай Ани, — Нью-Йорктың Брайтон-Бич районында чурттығ 23 частығ узбек стриптизёр хыс. Орыс тілін чахсы пілчеткенде, удаа орыс тілліг кізілерге тоғынча. Оларның пірсі 21 частығ Ваня полча. Ол орыс пайның оолғы. Хыс аның кӧңніне кір парча. Позының улуғ чуртынзар кӧс парыбызып, аның хызы полыбысса, ол ағаа 15 муң доллар пирер полча[7]. Анора анынаң чарасча, аның нанҷыларынаң хада полча, соонаң теестегі кӱлет тузында олар Лас-Вегаста пол парчалар. Анда хыс чиит оолның ипчізі полыбызарға чаратча.
Москвада чуртапчатхан Ваняның іҷе-пабазы, тойдаңар социальнай сетьтер пастыра піліп алчалар. Нью-Йорктағы Ваняның кірестеен пабазы Торосха, олар Америказар пазағы кӱнде килгенҷе, сурығны пӧгібізерге чахығ пирчелер. Торос прай нимені піліп алар ӱчӱн, полысчылары Гарниктнең Игорьны Ваняның чуртынзар ызыбысча; тудыс-хабыс аразында Ваня тизібісче, Анины пу чирге кӱснең айландырып алчалар. Тӱрчедең Торос чиде тӱсче, ол хоных хонғанын ӱзібізерге кӱстепче, Ани ынабинча: олар Ванянаң хада хынысчалар тіп чоохтапча. Ваняны хыс тілирге тимде, че пастап ол Ванянаң хада чоохтазып аларға кирек. Ідӧк Торос ағаа улуғ ахча пирерге сӧс пирче.
Ани, Торос, Гарник паза Игорь, Ваняны тілеп, хараа тооза даа Нью-Йоркты ибіргеннер. Аны Ани тоғынған стрип-клубта таап алчалар. Пазағы иртен Анинаң Ваняны чарғызар ағылчалар, че анда олар піліп алчалар: Невадада хоных тӧстеен ӱчӱн, Нью-Йоркта оларның хоных хонғаны чох иділбес.
Ваняның іҷе-пабазын удурлирға тіп, прайзы аэропортсар парча. Ваня іҷе-пабазының сурынызын (ӧӧнінде іҷезінің) толдырарға чаратча. Ани иирінің андағ хылынызын сахтабаан, аның кӧңні тӱс парча. Прайзы Лас-Вегассар парчалар, анда хайди-полза, хоных хонған пічіктер чох иділчелер[8].
Ани Нью-Йорксар Игорьнаң хада айланча. Олар Ваняның туразында хончалар. Пазағы кӱнде ахча пирер пӧгіннең, Игорь аны банксар апарча. Анымҷохтазып, Игорь Аниға Торос палызып алған чӱстӱкті айландыр пирче. Игорь Анины охсанарға итчеткенде, анзы аны сабарға итче, че аның киліспинче. Игорь холларын пик тутча. Ани харахтарынзар кӧріп, Игорьның кӧксіне мӧкейіп, ылғап сыхча. Игорь аны хуҷахтап сыхча.
Тӧстегҷілер
Режиссёр — Шон Бейкер[9].
Сценарист — Шон Бейкер.
Хоосчы — Стивен Фелпс.
Оператор — Дрю Дэниэлс.
Продюсерлер — Шон Бэйкер, Алекс Коко, Саманта Кван, Оливия Кавана, Кен Мейер, Глен Баснер, Элисон Коэн, Клэй Пекорин, Милан Поупелка.
Сығарған: Cre Film Film, Nation Entertainment.
Фильм 2023 чылда Бруклинде, Нью-Йоркта суурылған[10].
Рольларда
- Майки Мэдисон — Ани (Анора)
- Марк Эйдельштейн — Иван Захаров
- Карен Карагулян — Торос
- Юра Борисов — Игорь
- Дарья Екамасова — Галина, Иванның іҷезі
- Алексей Серебряков — Николай, иванның пабазы
- Ваче Товмасян — Гарник;
- Росс Бродар — секьюрити
- Чарлтон Ламар — чарғыдағы охранник
- Линдсей Нормингтон — Даймонд
- Пол Вайсман — Ник
- Эмили Вейдер — Никки
- Иви Волк — Кристэл
- Луна София Миранда — Лулу
- Алёна Гуревич — Клара
- Маша Жак — Татьяна[11][12].
Релиз паза фильмні паалааны
Тилекей синінде фильм 2024 чылның сілкер айының 21-ҷі кӱнінде кӧзіділген. Критиктер «Анора» фильмні чылның ӧӧн фестиваль кӧзідіглері санына кир салғаннар[1]. 2024 чылның сілкер айының 25-ҷі кӱнінде фильм 77-ҷі Канн кинофестивальында «Алтын пальма салаазы» сыйыхха турысхан[2].
2024 чылның улуғ хырлас айында Юрий Борисов «Ікінҷі пландағы иң артых актёр» категорияда Игорьның рольы ӱчӱн «Алтын глобус» американ сыйиина адалған[4].
Rolling Stone журнал кӧрізінҷе, «Анора» 2024 чылның 20 артых фильмнер аразында тӧртінҷі орынға турысхан[13].
2025 чылның кӱрген айында Юрий Борисов «Анора» фильмдегі роль ӱчӱн США-ның киноактёрлар гильдиязының сыйиина адалған[14].
2025 чылның кӱрген айында Борисов «Ікінҷі пландағы иң артых актёр» категорияда BAFTA британ сыйиина адалған. Фильм читі номинация алған, ол санда иң артых фильм паза иң артых ипчі кізі рольы (Майки Мэдисон) категорияларда[15].
«Анора» фильм Ванкувердегі кинокритиктернің кружогының сыйиина иң кӧп номинация алған: «Иң артых фильм», «Иң артых сценарий», «Иң артых режиссёр», «Иң артых ипчі кізі рольы» (Майки Мэдисон), «Ікінҷі пландағы иң артых актёр» (Юрий Борисов)[16].
2025 чылның кӱрген айының 23-ҷі кӱнінде американ киноакадемиязы Юра Борисовты «Анора» фильмде ікінҷі пландағы иң артых роль ӱчӱн «Оскар» сыйиина адабысхан[5][17].
Критика
«Анора» Канндағы фестивальның Алтын пальма салаазына турысхан соонда, кинокритиктер «Культура отменазы» чох полчатханынаңар чоохтан сыхханнар. Хабарҷы Арина Холина телеграм-каналында пас салған:
Піс прайзы сизінчебіс: фильм не кирек нимес, мында суум-саам тӱзірбин, тӧрт орыс актёр орыс пайдаңар американ кинозында суурынып, Канндағы чолыҷахта пол парыбызып, лауреатха турысчатхан фильмде таныхтал парыбысханы ӧӧні полча. Отмена культуразы чох иділчеткеніне тӧӧй.
— Арины Холинаның Телеграм-каналы
Алған орын
- ↑ 1 2 Шредер, Бейкер, Вирасетакул: 10 самых ожидаемых фестивальных фильмов 2024 года
- ↑ 1 2 «Анора» с Юрой Борисовым взял главный приз Каннского кинофестиваля. Джордж Лукас получил почетную «Золотую пальмовую ветвь». РБК (25 Сілкер айы 2024). Дата обращения: 25 Сілкер айы 2024.
- ↑ Фильм "Анора" получил главную награду 77-го Каннского кинофестиваля. ТАСС (25 Сілкер айы 2024). Дата обращения: 26 Сілкер айы 2024.
- ↑ 1 2 Юрия Борисова номинировали на премию «Золотой глобус», РБК. Дата обращения: 9 Улуғ хырлас айы 2024.
- ↑ 1 2 Юру Борисова номинировали на «Оскар», РБК. Дата обращения: 23 Кӱрген айы 2025.
- ↑ Победивший в Каннах фильм "Анора" выйдет в прокат в РФ в октябре, TACC (12 От айы 2024). Дата обращения: 15 От айы 2024.
- ↑ Фильм Анора получил главную награду 77-го Каннского кинофестиваля. ТАСС (25 Сілкер айы 2024). Дата обращения: 25 Сілкер айы 2024.
- ↑ Фильм «Анора» (2024): о чем идет речь в ленте с Марком Эйдельштейном и Юрой Борисовым, собравшей овации на Каннском фестивале. Комсомольская правда. Дата обращения: 26 Сілкер айы 2024.
- ↑ Анора (2024). kinopoisk.ru. Дата обращения: 26 Сілкер айы 2024.
- ↑ Lang, Brent 'Red Rocket' Director Sean Baker and FilmNation Entertainment Reteam on 'Anora' With Mikey Madison Starring (EXCLUSIVE) (амер. англ.). Variety (25 Чарыс айы 2023). Дата обращения: 25 Чарыс айы 2023.
- ↑ Анора (2024). Дата обращения: 26 Сілкер айы 2024.
- ↑ Актёры и роли. kino-teatr.ru. Дата обращения: 7 Кічіг хырлас айы 2024.
- ↑ «Анора» вошла в топ фильмов года по версии Rolling Stone, Афиша. Дата обращения: 10 Улуғ хырлас айы 2024.
- ↑ Юру Борисова номинировали на премию Гильдии киноактеров США. РБК (8 Кӱрген айы 2025). Дата обращения: 9 Кӱрген айы 2025.
- ↑ Юру Борисова номинировали на BAFTA за роль в «Аноре», РБК (15 Кӱрген айы 2025). Дата обращения: 15 Кӱрген айы 2025.
- ↑ Etan Vlessing. ‘Anora’ Leads Vancouver Film Critics Circle Nominations With Five Nods, The Hollywood Reporter (21 Кӱрген айы 2025). Дата обращения: 21 Кӱрген айы 2025.
- ↑ Юра Борисов номинирован на «Оскар» за роль в фильме «Анора», BFM.ru (23 Кӱрген айы 2025). Дата обращения: 24 Кӱрген айы 2025.
 |
|---|
