Сириус (ӱгредіг кіні)
| Сириус (ӱгредіг кіні) | |
|---|---|
| Устағ-пастаа паза чирі хоостыра единица | Краснодарский край, Сириус |
| РУВИКИ.Медиадағы категория | Sirius Educational Centre |
| Хазна | Россия |
| Оңнағның алынҷа кирее | образовательное учреждение |
| Количество подписчиков в соцсети | 36 000±99 |
| Географические координаты | 43°24'1.922"N, 39°57'53.240"E |
 | |
| Дата основания / создания / возникновения | 24 Улуғ хырлас айы 2014 |
| SEO_description | Центр «Сириус» был создан в 2015 году, с целью реализации интенсивных программ обучения для детей имеющих спортивные, художественные, учебные достижения. Сириус расположен в одноименном ПГТ Адлеровского района Сочи |
| Официальный сайт | https://sochisirius.ru |
 | |
| SEO_title | Сириус: расположение образовательного центра, структура, проекты, региональные центры |
 | |
| Sirius Educational Centre | |
43°24'1.922"N, 39°57'53.240"E
«Сириус» — Россияның артых чайалған олғаннарына тимнелген ӱгредіг кіні. 2015 чылда (тӧстелген туста) кін Сочи городтың Адлер аймааның холында полған (Краснодар крайы). 2020 чылда кіннің чирі алынҷа Сириус город типтіг посёлок пол парған. Ол 2020 чылның 22 декабрьында Россияның пастағы федеральнай чирі полыбысхан[1][2].
«Сириус» кінде спортта, хоос чайаачызында, ӱгредіг киреенде чидіглерге читкен ӱгренҷілер (Россия Федерациязының алай СНГ-ның хазналарының кізілері) ӱгренер оңдайлығлар. «Искусство» кӧстегҷе таллағ тузында айланыс паза портфолия кӧрілче, «Спорт» кӧстегҷе ӧменің алай пос рейтингтері паалалчалар, «Наука» кӧстегҷе пӧзік синдегі олимпиада, істезіг паза проект марығларының салтарлары санға алылчалар[3].
Тархын
2013 чылда Россия Федерациязының президенті В. В. Путин Сочидегі хысхы Олимп ойыннары соонаң (2014) Олимп паркының объекттерінің чардығын наа олған спорт кініне пирерге хығырған. 2013 чылның кічіг хырлас айында Россия Федерациязының правительствозы андағ кінні тӧстирінеңер чахығда хол салған. 2014 чылда Россиядағы артых чайалған олғаннарға хабасчаң улуғ проектті тӧстир сағыс тӧреен. 24 декабрьда 2014 чылда «Талант паза маңнаныс» чыынды тӧстелген, аның сыныхтағ чӧбінең Путин устап сыххан[4].
2015 чылда «Талант паза маңнаныс» ӱгредіг чыындызы олимп инфраструктуразының объекттер хойнында «Сириус» кінні тӧстеп алған. Ол кӱстіг программалығ ӱгредіг пірігізі полча, андар пӧзік синдегі ӱгретчілернең ӱгренҷілер хығыртылчалар. «Талант паза маңнаныс» чыындының «Наука» кӧстегҷе устағҷы орынҷызы М. И. Случтың чооғынаң, Владимир Путин ӱгредігні, культураны паза спортты піріктірер пӧгін турғысхан, аннаңар кіннің кӧп профильліг полары кӧріл парған. Ол ӱс кӧстегні піріктірче: науканы (алынҷа хайығ математикаа, физикаа, химияа, биологияа салылча), искусствоны (классика баледі, живопись, академическай музыка, литература чайаачызы) паза спортты (хоккей, фигурнай чылғаны, шахмат)[3][4].
2015 чылда адалған кін ады иң чарых чылтыснаң палғалыстығ. Путиннің чооғынаң, андар «пос киреене хынчатхан олғаннар", чылтыстар кил тураралар[4].
«Сириус» ӱгредіг кіні 1 июньда 2015 чылда пайрамни азылған[4].
2020 чылның хосхар паза сілкер айларында ковид-19 чуғынҷах ағырығ ӱчӱн ӱгренҷілер ӱгредіге килбееннер, че ӱгредіг кіні тоғызын тохтатпаан: кіннің тоғынҷылары хорғыс чох ӱгредіг оңдайларын тимнееннер. 2020 чылның хандых айында кін тоғызын узаратхан, че 157 ле олған килген. Олар фигурнай катание паза хореография кӧстеглерде ӱгренгеннер. От айында, тізең, 450 олған килген, орғах айында — 650[5].
Инфраструктура
Пастап «Сириустың» чирінде «Азимут» отельнің зданиезі, тулғор паза хараағы клубы турған[5]. «Азимут» олимп кластерінің тӧрт чылтыстығ отельлерінің пірсі полча, андар 720- номер, ікі ресторан, бассейн паза олған спорт кіні кіргеннер. Анаң ол ӱгренҷілернің тынағ-ӱгредіг корпузына килістіре тимнелген[3]. Клуб Чародейство паза Волшебство наука-істезіг институдына айландырылған. Кіннің чирінде школа паза спорт комплекзін пӱдір салғаннар. Ибіркі чирін чазап салғаннар: удаа учурабинчатхан ағастар одыртылғаннар, тулғорзар алтын палыхтар позыдылғаннар, кроссфит зоналары тимнелгеннер[5].
«Сириуста» хоккей паза фигурнай катание спорт кӧрімнеріне хайығ салылча. Оларға ғкі олимп объекті пирілген: «Шайба» пус ӧргезі паза «Льдинка» паза «Снежинка» кічіг тренировка ареналары[3][5].
Кінге бассейннер, спорт ачыхтары, теннис корттары паза «Айсберг» хысхы спорт ӧргезі пирілгеннер[4]. Ідӧк «Сириус» Ӧӧн медиацентрні алып алған, ол ам Наука паза искусство паркы адалча. Аның хойнында лабораториялар, хоос студиялары, хореография заллары паза мастерскойлар тоғынчалар[3][5].
Кіннің тоғызы
Кін чыл тооза тоғынча (полған на наа группа 24 кӱнге килче). Ай сай анда наукада, спортта, искусствода чидіглерге читкен Тиксі Россиядағы 10 частаң 17 часха теере 800-ке чағын олған ӱгренче. Ӱгренҷілернең хада килген ӱгретчілер квалификацияларын кӧдірчелер. Олғаннар чол ӱчӱн тӧлебинчелер паза кіндегі ӱгредіг тикке пирілче. Аны «Талант паза маңнаныс» чыынды тӧлепче[6][7][4].
Ӱгренҷілерге профиль программазын иртібізерге киректелче. «Сириуста» ідӧк школа уроктары апарылчалар. Хоккеисттер школа программазынҷа кӱнде ікі пара ӱгренчелер, литераторлар — пір пара. Музыканттар, теелбекчілер паза фигуристтер ӱгредіг соонаң чайаачы ойыннар кӧзітчелер. Шахмат ойынҷылары кӱннің сай физкультуранаң айғасчалар. Прай ӱгренҷілер спорт, наука паза искусство киреендегі ӧӧн специалисттернің лекцияларына, мастер класстарына чӧрер оңдайлығлар[5].
«Сириуста» тынанҷаң паза хазых хайраллаҷаң орыннар тимнелгеннер. Олғаннар кинотеатрзар, пляжсар чӧрчелер[3][4].
«Сириус» Университет
1 июльда 2019 чылда Россия Президентінің чахиинаң чиит фундаментальнай паза прикладной наукаларындағы істезіглернең айғас полар учёнайларға паза технология пос идінҷектеріне«Сириус» Наука-технологическай университеді тӧстелген[8]. Университеттің тӧрт чыл тоғызына студенттерні кӧстепчеткен учёнайлар ӧмезі тӧстелген[9]. Университеттің тӧстегҷізі «Талант паза маңнаныс» ӱгредіг чыындызы полча[8].
3 июньда 2023 чылда Университет пастағы магистрлерні сығарыбысхан (37 кізі), олар «Финансовай математика паза финансовай технологиялар», «Биоинформатика паза математика биологиязы», «Математика робототехниказы паза искусственнай интеллект», «Генетика паза генетика технологиялары» программаларны ирткеннер[9].
Региондағы кіннер
«Сириус» ӱгредіг кінінің Тиксі Россияда артых чайалған олғаннарға полысчаң 92 регион кіні тоғынча. Ол кӱннер чайалған чииттерні регионнарда таап, оларны ӱгредер программаларны чуртасха кирчелер. Кіннер таланттығ олғаннарға хабазар промышленнай предприятиелернең, наука, ӱгредіг, культура паза спорт пірігістерінең партнерлар палғалызын тилітчелер. Ідӧк артых чайалған олғаннарнаң тоғынчатхан ӱгретчілернің квалификациязын кӧдірчелер[10].
Региондағы полған на кін Россия Федерациязының субъектінің пазының чахиинаң пос алынҷа единица чіли тӧстелче паза «Талант паза маңнаныс» чыындының опыдын санға алча[10].
«Талант паза маңңаныс»
«Талант паза маңңаныс» ӱгредіг чыындызы 22 декабрьда 2014 чылда кізілер хабазиинаң тӧстелген. 2015 чылның кӱрген айынаң сығара аның устағҷызы Елена Шмелёва полча[11]. Чыындының попечительлер чӧбінің пазы — Владимир Путин. Чыындының тӧстегҷілері Россияның наука, искусство паза спорт деятельлері полчалар[4]:
- математиктер Станислав Смирнов паза Иван Ященко,
- балерина Светлана Захарова (Россияның чон артизі, «Единая Россия» партиядаң Хазна думазында полған депутат),
- виолончелист Сергей Ролдугин,
- дирижёр Юрий Темирканов,
- фигурист Александр Горшков,
- хоккеист Валерий Каменский (Москва облазындағы хоккей федерациязының кнезі)[12][13].
Чыындыға полысханнар Россиядағы мындағ пос идінҷектер:Олег Дерипаска, Вагит Алекперов, Владимир Потанин, Роман Абрамович паза пасхалары[4].
«Талант паза маңнаныс» чыынды чиит чайалған чииттерні ӱгретче паза оларға чыл сай пирілчеткен ахчанаң паза проекттер марығларынаң хабасча[14].
Алған орын
- ↑ Путин подписал закон о федеральной территории «Сириус». Дата обращения: 28 Кічіг хырлас айы 2023. Архивировано 22 Улуғ хырлас айы 2020 года.
- ↑ Федеральный закон от 22.12.2020 № 437-ФЗ «О федеральной территории „Сириус“». Дата обращения: 28 Кічіг хырлас айы 2023. Архивировано из оригинала 12 Сілкер айы 2021 года.
- ↑ 1 2 3 4 5 6 Николаева Д. О. «Сириус» — уникальная площадка для работы с одарёнными детьми. Вестник образования России. Дата обращения: 28 Кічіг хырлас айы 2023.
- ↑ 1 2 3 4 5 6 7 8 9 Всероссийский образовательный центр для одаренных детей «Сириус». Досье. ТАСС (20 Орғах айы 2017). Дата обращения: 28 Кічіг хырлас айы 2023.
- ↑ 1 2 3 4 5 6 Таратин И. Не только звезда: история «Сириуса», самого яркого образовательного центра страны. Альманах: литературный сборник молодых авторов (Чарыс айы 2022). Дата обращения: 28 Кічіг хырлас айы 2023.
- ↑ «Сириус»: Общая информация. Дата обращения: 28 Кічіг хырлас айы 2023. Архивировано 24 Кічіг хырлас айы 2020 года.
- ↑ Образовательный центр «Сириус». Дата обращения: 28 Кічіг хырлас айы 2023. Архивировано 27 Кічіг хырлас айы 2020 года.
- ↑ 1 2 Об университете. Образовательный центр Сириус. Дата обращения: 28 Кічіг хырлас айы 2023.
- ↑ 1 2 Университет «Сириус» выпустил первых магистров. Официальный сайт федеральной территории «Сириус» (3 От айы 2023). Дата обращения: 28 Кічіг хырлас айы 2023.
- ↑ 1 2 Региональные центры выявления и поддержки одаренных детей (общие сведения)). Образовательный центр Сириус. Дата обращения: 28 Кічіг хырлас айы 2023.
- ↑ «Я не похожа на героиню «Карточного домика»: Шмелёва о работе штаба Путина, американских хакерах и способности мечтать. RT на русском. Дата обращения: 28 Кічіг хырлас айы 2023. Архивировано 3 Орғах айы 2021 года.
- ↑ Сведения об образовательной организации. Образовательный центр Сириус. Дата обращения: 28 Кічіг хырлас айы 2023. Архивировано 24 Чарыс айы 2020 года.
- ↑ Аналог сочинского образовательного центра «Сириус» появится в Подмосковье. Дата обращения: 28 Кічіг хырлас айы 2023. Архивировано 14 Кічіг хырлас айы 2020 года.
- ↑ Гранты, конкурсы, премии: как «Сириус» поддерживал своих выпускников, студентов и молодых учёных в 2019 году. Образовательный центр Сириус. Дата обращения: 28 Кічіг хырлас айы 2023.
 |
|---|
