Сбербанк Онлайн

Рувики тiп сайттаң
Сыныхталған статья
Сбербанк Онлайн
Логотип программы Сбербанк Онлайн
Тип мобильнай банк
Операция системалары веб-версия, Android паза iOS
Интерфейс тіллері орыс тілі
Пастағы сығарыс
  • Хосхар айы 2008 — «Электроннай Сберкасса»
  • Хосхар айы 2009 — «Сбербанк Онлайн»[1]
Халғанҷы версия Android — 14.17.0[2] (23.08.2023[3])
Сайт online.sberbank.ru

К:ПРО:ИТ:Алфавит пастыра статьяларК:ПРО:ИТ:Халғанҷы тӱзедіг: ирткен чылда

Сберба́нк Онла́йн — офистерде иділчеткен прай даа операцияларны кізілерге онлайн оңдайынаң толдырарға полысчатхан Сбербанктың интернет-сервизі[3].

2023 чылға «Сбербанк Онлайн» App Store магазинде «Сбол» атча азых[4].

Тархын

[тӱзедерге | код тӱзедерге]

2008 чылның хосхар айында онлайн-банк пастап ахча чығҷаң кинделернең устир «Электроннай Сберкасса» аттығ сервис чіли кирілген[1].

2009 чылда «Электроннай Сберкасса» пос кабинеді пастыра карталарнаң паза счетнаң устир оңдайлар алған, ідӧк «Сбербанк Онлайн» адал сыххан[1].

2012 чылның кічіг хырлас айында «Сбербанк Онлайн» нааҷылалған, іди Интернетте металл счеттарын азар оңдай табылған, оларға салковайлар орнына аарлығ металлар граммнарҷа кирілчелер[5], ідӧк пір хоныхта ахча ызарын хызырғанынаң айғасчатхан операцияларны санға алар система оой арах иділген[1]. Ідӧк приложениее кірер оңдай алыс парған — амды 5 танығлығ кодты ла кирерге читкіҷе полча[6].

2013 чылда приложениенең пастағызын на 1 млн кізі тузаланған, «Сбербанк Онлайнның» App Store магазиндегі рейтинг 2,4 чылтыстаң 4,5-ға читкен[6].

2015 чылда приложение дизайнына пос алғыстастары паза 4 «тіріг» заставка хозылған, олар хоных пастыра алыс турғаннар. Соонаң система кізее айланар атты кирер, ідӧк заставкаа пос сомын турғызар оңдай табылған. Олох чылда приложениеде адрес киндезін кӧзідер оңдай кирілген. Іди телефон номерінҷе ахчаны ызарға ниик полыбысхан — андағ операциялар саны кинетін ӧс парыбысхан[6].

2017 чылда «Сбербанк Онлайн» пос сервизін харах кӧрбинчеткен кізілерге килістіре ит салған пастағы онлайн-банк пол парған. Аның приложение істінде «диктор» пол килген, ол идіглердеңер чоохтаан[6].

2019 чылда приложениенең 50 миллионҷа кізі тузаланған. Олох чылда ол килкім нааҷылалған. Пурнада дизайны алыс парған:ноған ӧң асхынах арах пол парған, наа заставкалар турғызылғаннар, ол санда чапсых орыннар сомнары. iPhone-да искіріглер алыс парғаннар, ол кізі банктың искіріглерін кӧріп алар ӱчӱн иділген. Функциялар паза сервистер алыс парғаннар: нейросетьтер паза хыйға алгоритмнер кізінің оңдайын ӱгренчелер паза ағаа килістіре тоғынчалар, кізее аймах идіглер идерге чӧп пирчелер. Аннаң пасха, ӧӧн экранда иконкалар пол килгеннер, олар табырах хайынарға полысчалар: кӧзідімге, контактха ахча ызарға[6].

2019 чылның ӱртӱн айына приложениенең кӱнорте тузаланчатханнарның саны 20 млн кізее читкен, айда, тізең, 50 млн азыра кізее[7].

2020 чылға «Сбербанк Онлайн» веб-версиянаң тузаланчатханнар саны 10 млн кізее читкен, ол санда ӧткін 5 млн араласчы[1]. Олох чылда приложениеде 140 азыра сервис тоғынған, анзы кізілерге Сбербанктың офистерінде пирілчеткен прай даа оңдайларнаң онлайн кӧрімінде тузаланарға оңдай пирген[8].

2021 чылға приложениенең кӱннің сай 32 миллионға чағын кізі тузаланған, айда, тізең, 65 млн азыра кізі. Ағаа хоза, 8 млн кізі хоза «Сбербанка Онлайн» веб-версиянаң тузаланғаннар. Іди, приложение Россиядағы иң удаа посха кирілчеткен приложениелер санында пол парған[8]. 12 апрельде 2022 чылда «Сбербанк Онлайн» приложение App Store магазиннең чох иділген, 13 апрельде —Google Play магазиннең. Анзы Сбербанк США-ның блоктағы санкциялар изерізіне кирілген сылтаанда пол парған[4].

16 августта 2022 чылда App Store магазинде «Сбол» приложение пол килген[9]. Приложение «Сбербанк Онлайн» приложениенің олох банк операцияларын иртірерге пирче. Приложение тӧстегҷізі Сбер нимес, че ООО «Открытые ИТ-решения» полча. Соонаң ол ідӧк App Store магазиннең чох иділген[10].

10 октябрьда 2022 чылда App Store магазинге «Сбол» приложение айланған, ол полғанына тӧп-тӧӧй, аның тӧстегҷізі «LLC Open Information Solutions» (с англ. — «ООО „Открытые информационные решения“») полча[11]. Че пу даа хати приложение чабылған[4].

2023 чыл пасталарынаң Сбер таныхтаан, ол «Сбол» приложениені турғызар пос программазын тимнеп алған. Офиссер айланып, ол приложениені посха киріп аларға чарир полған[12].

Ӱзінҷі хати приложение App Store магазинде 2023 чылның хосхар айында пол килген. Че ойыннар садығ туразында аны табар оңдай чоғыл — ол Сбербанк кізілерке ысчатхан искіріглерҷе ле турғызылча. Приложениені тӧстегҷізі «Open Digital Solutions» хоостыра табарға чарир[4].

2023 чылның хосхар айында приложениеде топливо ӱчӱн машинадаң тӱспин тӧлир, «Автоны толдырарға» сервис пол килген, ол кізілерге паза корпоратив кізілеріне кӧріл парған[13].

2023 чылның ӱртӱн айына Уралда приложениенең тузаланчатханнар саны 8 млн кізідең ас парыбысхан — олар прай тӧлеглернің 86 % «Сбербанк Онлайн» пастыра итчелер[14].

Функционал

[тӱзедерге | код тӱзедерге]

Приложениее кіріс[тӱзедерге | код тӱзедерге]

Пастап приложениее кірер ӱчӱн логин паза чазыт сӧс киректелген. 2012 чылда кірісті нииктир оңдайынаң 5 танығлығ код кирілген[6].

2014 чылда «Сбербанк Онлайн» салаа хобырии полызиинаң кірерін ит салған, ол Apple Touch ID полызиин кирген соонда тоғын сыххан[6].

2023 чылға приложениее логин (алай телефон номері) паза чазыт сӧзі пастыра кірерге чарир, ідӧк биометрияҷа: салаа хобыриинҷа алай сырайны танып аларынҷа[15]. Ідӧк сервиске QR-кодча кірерге чарир[16][17].

Ӧӧн оңдайлары[тӱзедерге | код тӱзедерге]

Приложениеде кізілерге мындағ функциялар азыхтар:

  • Тоғынчатхан банк продукттарынаңар искіріглер (карталардаңар, счеттардаңар паза пасхазы);
  • Лояльность программазы паза «Алғыс» бонустар;
  • Телефон номерінҷе ахчаны пос карталары паза счеттар аразында ызары, ол санда пасха хан чирі Mastercard паза Visa система карталарына;
  • Палғалыс, ЖКХ паза пасха тоғыс ӱчӱн тӧлеглер;
  • Ахча хоратханының паза ысханының тархыны;
  • Вклад паза картаны азар оңдай (пластик картазы сыхханҷа виртуальнай карта азых полар, аны мобильнай ізепсер хозыбызарға чарир)[18]), проверить баланс на счёте;
  • Офиссер парбин, кредитті алар паза аны тӧлир оңдай[3].

2020 чылда «Сбербанк Онлайнда» интерфейстің харасхы темазы, ідӧк ӧӧн экранның алғыдылған настройкалары пол килген[19].

Виртуальнай ассистенттер[тӱзедерге | код тӱзедерге]

2020 чылда приложениее «Салют» сӧбіренің Сбер, Афина паза Джой виртуальнай ассистенттері кирілгеннер[8]. Олар табырах паза хорғыс чох ахча ызарға, иң чағын банкоматты табарға полысчалар, валюта курзынаңар чоохтапчалар, кізіні сілігленҷең салонзар пас салар, кафеде азынада стол чахып салар оңдайлығлар[3]. Ідӧк олар кізілернің ӱнніг чахығларын толдыр полчалар[8].

Ассистенттер аймах оңдайнаң чоох алысчалар, полған на кізі аны пос таллапча:

  • Сбер — тоғыс хоостыра паза чалахай оңдайнаң чоох алысча, ізестіг арғыс;
  • Афина — хайдағ даа чахығны толдырҷаң ассистент;
  • Джой — ниик чоох алысча, пӧзік кӧңніліг полча[3].

Тархын[тӱзедерге | код тӱзедерге]

2018 чылның чарыс айында приложениенің ӧӧн экранында «сториз», алай «тархын» пол килген, — ол улуғ нимес тексттернің формады, анынаң хада сомнар паза видеолар, олар кізее кирек искіріглер табарға паза ӱтертірерге полысчалар[20].

2020 чылда контентті кізінің кирексіністері хоостыра идер оңдай пол килген[19].

Диалогтар паза чат[тӱзедерге | код тӱзедерге]

2018 чылда приложениеде «Диалоги» паза чат пол килген — амды ахчаны паза искіріглерні ызарға чарир. Аннаң пасха, чатта ахча чыырға паза стикер алай открытка ызарға чарир[6].

2019 чылда чайғыда «Диалогтарда» каналлар пол килген — темалар хоостыра чаттар, анда полған сай кізілерге кирек искіріглер сығарылча:кӧзідімге, туралар, ахча алай экология хоостыра хабарлар. Кізілер каналға пазынып, наа нимелер піліп алар оңдайлығлар[20].

2020 чылға приложениедегі каналның кізілер саны 1 млн азыра полған[20].

Хорғыс чох полары[тӱзедерге | код тӱзедерге]

2020 чылның от айында приложениеде «Компьютерлернің хорғыс чох полары кабинет» пол килген, анда ӱгредіг материаллары кӧзіділген: кӧзідімге, кӱчӱрлердең арачыланар искіріглер. Ол материалларны ӱгренген соонда, кізілерге улуғ нимес сыныхтағ иртерге чарир[20].

2020 чылның пис айы аразына 1,3 млн азыра хати кӱчӱрлернің хайынғаны сылтаанда, анзы, тізең, 2019 чылның олох тузы аразына 2,5 хати кӧп, пу сервисті кирердеңер чарадығ алылған[20].

2023 чылға приложениенің ӧӧн экранында «Хорғыс чох» пӧлікті таап аларға чарир, мында сығдыратчатхан кізілерні сыныхтаҷаң оңдайны киріп, кӱчӱрлерге кізідеңер искіріглер кір парбазын тіп хайығда тударға чарир[3].

Кӱчӱрлердең арачыланыс[тӱзедерге | код тӱзедерге]

2021 чылның кӱрген айынаң сығара «Сбербанк Онлайн» кӱчӱрлерні ілезіне сығарар наа система кирген, ол искусственнай интеллектке тӧстенче, анзы кізее килістіре нимес паттерннерні сизініп, аның прай идіглерін тохтатча. Система кӱчӱрлернің сағызын толдырарға пирбинче[6].

2021 чылға пу система пір хоныхта 370 миллионҷа операциянаң тоғынған, сах андох чігленістіглерні пиктеп[6].

2024 чылның хосхар айында App Store садығ туразында Сбербанктың «Сбер: Онлайн Банк» тіп кӱчӱр приложениезі пол килген. Сбербанкта приложение кӱчӱрлернің полчатханын, аны посха киріп алған кізілер постаңар искіріглер чох халарын киречілееннер[21].

Ахча тӧлир оңдайлар[тӱзедерге | код тӱзедерге]

«Сбербанк Онлайн» приложениеде ахча тӧлир нинҷе-нинҷе оңдайны таллап аларға чарир: QR-кодча, реквизиттерҷе алай сырай биометриязынҷа[15]. Хаталчатхан тӧлеглерні ӧӧн экрандағы шаблонзар хозыбызарға чарир, анзы соонаң ахча тӧлирін табырах идер[14].

QR-кодча тӧленібізер ӱчӱн андар телефон камеразынаң кӧстебізіп, тӧлегдеңер искірігні сыныхтап, аны тӧлебізерге кирек[14].

Алған нимені тӧлебізер ӱчӱн паза ахча операцияларын идер ӱчӱн приложениеде функция кирерге кирек: «Сбербанк Онлайнға» кірчетсе, кирек картаны таллап, «Настройкалар» пӧліксер кіріп, «Пір кӧрістең тӧлебізерге» фунцияны пазарға[15].

Android тееп парған соондох тӧлебізер оңдайлығ: телефонны пиктегдең азып, аны терминалға чағын идібізерге ле киректелче. Аның ӱчӱн SberPay сервисті кирібізерге кирек[22].

Ахча анализі[тӱзедерге | код тӱзедерге]

2014 чылда приложениеде кізілернің ахча хоратчатханын хайығда тудар оңдай табылған. Ідӧк «Пӧгіннер» аттығ сервис пол килген, ол парыс паза хоратхан ахчаны істезіп, клиент ахча чыып алзын тіп иділген. Кирек синнең кӧп хоратпас ӱчӱн кізілер пу сервиснең «конверт» оңдайынаң тузалан сыхханнар[6].

Соонаң кирек хорадығларға лимит турғызары, айға паза кӱнге кирек ахчаны саниры, хорадығлар категорияларынҷа тӧлеглерні істезері кирілген[6].

Сыйыхтар

[тӱзедерге | код тӱзедерге]
  • 2014 чылда Global Finance журнал «Сбербанк Онлайнны» Россиядағы иң артых розница интернет-банкы тіп таныхтаан. Сервис ідӧк 3 номинацияда — «Центральнай паза Іскеркі Европадағы иң артых мобильнай банкинг», «Центральнай паза Іскеркі Европадағы иң артых SMS-банкинг» паза «Центральнай паза Іскеркі Европадағы мобильнай телефоннарның иң артых банк приложениезі» — чиңісчі полыбысхан[23];
  • 2016 чылдағы Рунет Премиязының [24] паза 2019 чылдағы «Мобильнай приложениелер» номинация чиңісчізі[25], 2020 чылның «Финанстар паза Бизнес» паза «Бренд приложениезі» премиялар номинацияларының лауреады [19];

2019 чылда сервис Россияның иң удаа киректелчеткен 5 мобильнай приложениелері санына кірген, Россияның иң артых он компания аразында App Annie компанияның рейтингіне кірген чалғыс ахча приложениезі пол парған[26];

  • 2020 чылда Go Banking версиязынҷа«Сбербанк Онлайн» иң артых мобильнай банкха саналған: приложениені турғысханнарның саны 31,1 млн читкен[27];
  • 2020 чылда приложение ӱгредіг пастағлары ӱчӱн чоннар аразындағы Red Dot премияның сыйиин алған[20];
  • 2021 чылда «Сбербанк Онлайн» «Алтын приложение» марығның «Банк паза ахча сервизі» номинациязында чиңісчі полыбысхан паза «Потребительге иң артых приложение (B2C)» номинацияда 3-ҷі орынға турысхан[8].


Алған орын

[тӱзедерге | код тӱзедерге]
  1. ↑ 1 2 3 4 5 Эльяс Касми. Сбербанк радикально обновил свой онлайн-банк. CNews (10 Сілкер айы 2020). Дата обращения: 11 Ӱртӱн айы 2023.
  2. ↑ Приложение СберБанк Онлайн для Android. Сбер. Дата обращения: 11 Ӱртӱн айы 2023.
  3. ↑ 1 2 3 4 5 6 СберБанк Онлайн – с Салютом. Каталог приложений Сбера. Дата обращения: 11 Ӱртӱн айы 2023.
  4. ↑ 1 2 3 4 Джамиль Махмутов. В App Store в третий раз появилось приложение «Сбербанк Онлайн». Теперь оно называется SBOL. DTF (19 Хосхар айы 2023). Дата обращения: 11 Ӱртӱн айы 2023.
  5. ↑ Откройте металлический счёт. Сбербанк. Дата обращения: 11 Ӱртӱн айы 2023.
  6. ↑ 1 2 3 4 5 6 7 8 9 10 11 12 Сбер. СберБанк Онлайн 10 лет: как менялось самое популярное банковское приложение. Vc.ru (4 Кӧрік айы 2021). Дата обращения: 11 Ӱртӱн айы 2023.
  7. ↑ Сбербанк раскрыл количество пользователей своего мобильного приложения. Sostav (18 Ӱртӱн айы 2019). Дата обращения: 11 Ӱртӱн айы 2023.
  8. ↑ 1 2 3 4 5 СберБанк Онлайн победил в конкурсе «Золотое приложение». Новая газета (13 Азығ айы 2021). Дата обращения: 11 Ӱртӱн айы 2023.
  9. ↑ Евгения Евсеева. В App Store появились приложения СБОЛ и «Инвстр» — копии «Сбербанк Онлайн» и «СберИнвестора». Vc.ru (16 Орғах айы 2022). Дата обращения: 11 Ӱртӱн айы 2023.
  10. ↑ Маскировка Сбербанка не удалась: Apple удалила «СБОЛ» и «Инвестр» из App Store. iXBT.com (23 Орғах айы 2022). Дата обращения: 11 Ӱртӱн айы 2023.
  11. ↑ Евгений Черкесов. Сбербанк обманул систему. Его новое приложение вопреки санкциям прорвалось в магазин ПО для iPhone. CNews (10 Чарыс айы 2022). Дата обращения: 11 Ӱртӱн айы 2023.
  12. ↑ Анастасия Курашева, Екатерина Кинякина. «Сбер» разработал софт для установки приложения СБОЛ на iPhone. Ведомости (12 Кӱрген айы 2023). Дата обращения: 11 Ӱртӱн айы 2023.
  13. ↑ Ал\на Шаповалова. В «Сбербанк Онлайн» добавили сервис по заправке машин. Lenta.ru (5 Хосхар айы 2023). Дата обращения: 11 Ӱртӱн айы 2023.
  14. ↑ 1 2 3 Приложением СберБанк Онлайн на Урале активно пользуются более 8 млн человек. u24.ru (11 Ӱртӱн айы 2023). Дата обращения: 11 Ӱртӱн айы 2023.
  15. ↑ 1 2 3 Биометрия в СберБанке. Сбербанк. Дата обращения: 11 Ӱртӱн айы 2023.
  16. ↑ Сбербанк Онлайн. Сбербанк. Дата обращения: 11 Ӱртӱн айы 2023.
  17. ↑ Сбер ID. Сбербанк. Дата обращения: 11 Ӱртӱн айы 2023.
  18. ↑ Антонина Самсонова. Разбор Банки.ру. Мобильное приложение «Сбербанк Онлайн»: основные функции, возможности и ограничения. Bankir.ru. Банкир.ру (18 Улуғ хырлас айы 2019). Дата обращения: 6 Сілкер айы 2020. Архивировано 14 Кӧрік айы 2022 года.
  19. ↑ 1 2 3 Сбербанк Онлайн — лучшее приложение Рунета для ваших финансов. Сбербанк (1 Чарыс айы 2020). Дата обращения: 11 Ӱртӱн айы 2023.
  20. ↑ 1 2 3 4 5 6 «Сбербанк Онлайн» стал лауреатом международной премии Red Dot. AdIndex (3 Орғах айы 2020). Дата обращения: 11 Ӱртӱн айы 2023.
  21. ↑ Фейковое приложение Сбера появилось в App Store, TACC (15 Хосхар айы 2024). Дата обращения: 15 Хосхар айы 2024.
  22. ↑ Система платёжных сервисов SberPay. Сбербанк. Дата обращения: 11 Ӱртӱн айы 2023.
  23. ↑ Журнал Global Finance признал Сбербанк Онлайн лучшим розничным интернет-банком в России. Сбербанк (25 От айы 2014). Дата обращения: 11 Ӱртӱн айы 2023.
  24. ↑ Андрей Фролов. Организаторы «Премии рунета» назвали победителей 2016 года. Vc.ru (22 Кічіг хырлас айы 2016). Дата обращения: 11 Ӱртӱн айы 2023.
  25. ↑ Юлия Кривошапко, Михаил Синицын. В Москве вручили Премию Рунета-2019. Российская газета (12 Улуғ хырлас айы 2019). Дата обращения: 11 Ӱртӱн айы 2023.
  26. ↑ Сбербанк Онлайн вошел в топ-5 самых востребованных мобильных приложений России. Сбербанк (6 Кӧрік айы 2019). Дата обращения: 11 Ӱртӱн айы 2023.
  27. ↑ СберБанк Онлайн выиграл премию Go Banking 2020. Сбер Про (2 Улуғ хырлас айы 2020). Дата обращения: 11 Ӱртӱн айы 2023.
Алған орны - https://kjh.ruwiki.ru/w/index.php?title=Сбербанк_Онлайн&oldid=46828