Садығҷы Василий Кубриннің туразы

Дом купца Василия Кубрина
	Здание
Дом купца Василия Кубрина
	каз. Көпес Василий Кубриннің үйі
	51°09′55″ с. ш. 71°25′28″ в. д.GЯO
Хазна	Казахстан
Орныхханы	Астана, Кенесары ор., 41
Статус	Орындағы синде тузалығ тархын паза культура памятнигі

Сыныхталған статья

Садығҷы Василий Кубриннің туразы — XX чӱс чылның пасталғанының архитектура памятнигі. Астана городтың орындағы синде тузалығ тархын паза культура памятниктері изерізіне кірче^[1].

Тархын

Василий Матвеевич Кубрин — XIX —ХХ чӱс чылның пастағы чардығында чуртаан Акмолинсктегі улуғ садығҷы, «Матвей Кубрин с сыновьями и К^о» садығ туразының тӧстегҷізі Матвей Константинович Кубриннің оолғы. Сибирьдегі садығ-промышленнай ежегодник М. К. Кубриннің предприятиезі «аптека, мануфактура, галантерея, ювелир, пасчаң чазын паза канцелярия товарларын, ідӧк кип-азахты, ӧдікті, частарны, чейні паза сахарны сатхан» тіп искірігні чарыхха сығарған. 1915 чыл соонаң М. К. Кубрин, Акмолинсктегі садығ туразын Василий оолғына артызып, позының представительствозын Москвада азып алған^[2]^[3]. В. М. Кубрин, коммерцияда чидіглерге чидіп, пабазының киреен узаратхан. Город управазының искіриинең, 1912 чылның 19 июньына садығ туразынаң устап парчатхан Василий Кубриннің адына 5 тура, ідӧк садығ туралары паза складтар пазылых полған^[4].

Василия Кубриннің усадьбазы городтағы купецтернің аразында иң улуғ усадьба полған. Москвадағы архитектор устаанынаң 1910—1912 чылларда пӱдірілген. Андар кірген пір чарым этажтығ тура, подваллығ флигель, каретниктіг ат хазаалары паза оралығ тас аңмары. Тура тастында Англия стильінде сад иділген. Флигель чир алтынҷа хазылған інҷе (соонаң чабылған) 1905—1907 чылларда пӱдірілген Кубриннің садығ туразынаң піріктірілік полған^[2]^[4].

Город кип-чооғы пар, аның хоостыра Санкт-Петербургсар парған тоғыс чорығы тузында Василий Кубрин Мариинскай театрзар партыр, анда чиит балеринанаң танызып алтыр (пасха версияҷа — актрисанаң). Кӧӧленібіскен садығҷы ирге парарға хығыртыр. Че хыс аның ӱчӱн таныс балеринаның Мойка суғ хазындағы осхас тура пӱдір пирерге сурынтыр. Ол пу тоғыс иділбес тіп сағынтыр, че соонаң ікӧлең Акмолинсктегі иң улуғ усадьбада чуртап сыхханнар^[2]^[4].

Садығҷы Кубриннің туразы Октябрь революциязы соонаң национализацияа кірген. Пу турада тоғысчы-кресеннернің клубы паза библиотеказы орныхханнар. Соонаң – городтағы уезд исполкомы, революция исполкомы. Октябрь революциязының ӱс чылына чарыдып, тураны Советтернің Пастағы Туразы тіп адап салғаннар. Пу зданиеде городтың, уездтің паза аймахтың ОГПУ, НКВД, милиция учреждениелері тоғынғаннар. XX чӱс чылның ортызында мында городтың ӱгредіг пӧлии паза Пионерлер туразы полған. Областьтағы тархын паза чир-суғ ӱгренҷең музей зданиеде 1960 чылларның ортызында орных сыххан^[2]^[4].

Алған орын

↑ Об утверждении Государственного списка памятников истории и культуры местного значения города Астаны (неопр.) .
↑ ^2,0 ^2,1 ^2,2 ^2,3 Тайны усадьбы Кубрина раскрыли в Госархиве Астаны (неопр.) .
↑ 5 зданий, которые помогут понять столицу (неопр.) .
↑ ^4,0 ^4,1 ^4,2 ^4,3 Тайны усадьбы Кубрина, или Самая романтичная история Астаны (неопр.) . ru.sputniknews.kz (3 Азығ айы 2018). Дата обращения: 28 Хандых айы 2020. Архивировано 30 Хандых айы 2020 года.

[Об_утверждении_Государственного_списка_памятников_истории_и_культуры_местного_значения_города_Астаны-1] Об утверждении Государственного списка памятников истории и культуры местного значения города Астаны (неопр.) .

[Тайны_усадьбы_Кубрина_раскрыли_в_Госархиве_Астаны-2] 2,0 ^2,1 ^2,2 ^2,3 Тайны усадьбы Кубрина раскрыли в Госархиве Астаны (неопр.) .

[5_зданий,_которые_помогут_понять_столицу-3] 5 зданий, которые помогут понять столицу (неопр.) .

[sputnik-4] 4,0 ^4,1 ^4,2 ^4,3 Тайны усадьбы Кубрина, или Самая романтичная история Астаны (неопр.) . ru.sputniknews.kz (3 Азығ айы 2018). Дата обращения: 28 Хандых айы 2020. Архивировано 30 Хандых айы 2020 года.

[1]

[2]

[3]

[4]