Бурмакин, Дмитрий Валерьевич
 Дмитрий Бурмакин | |
|---|---|
 | |
| Тиксі искіріг | |
| Тӧреен кӱні паза чирі |
8 кӱрген айы 1981[1] (44 года) |
| Гражданство |
 СССР →  Россия |
| Пӧзии | 173 см |
| Кӧдірімі | 52 кг |
| Чоннар аразындағы ниик атлетика федерацияларының ассоциациязы | 201538 |
| Пос рекордтары | |
| 3000 м | 8:23,67 (2005) |
| 10 000 м | 29:02,96 (2005) |
| Чарым марафон | 1:05:36 (2005) |
| Марафон | 2:11:20 (2005) |
| Пос рекордтары тура істінде | |
| 3000 м | 8:27,08 (2004) |
Дмитрий Валерьевич Бурмакин (тӧр. 8 кӱрген айы 1981[1], Ағбан, Хызылчар крайы[d]) — Россияның ниик атледі, ырахха чӱгӱрісче паза марафонҷа специалист. 2000 паза 2010 чылларда профессиональнай синде араласхан, марафонның Россия чемпионы, Афинадағы чайғы Олимп ойыннарының араласчызы. Хакасия адынаң марығларда араласхан паза «Динамо» физкультура-спорт пірігізінің кізізі полған. Россияның чоннар аразындағы класстығ спорт узы (2005).
Чуртас чолы
Дмитрий Бурмакин 1981 чылның кӱрген айының 8-ҷі кӱнінде Хызылчар крайындағы Хакас автоном облазының Ағбан городында тӧреен.
1993 чылдаң сығара ниик атлетиканаң Ағбандағы олған-чииттер спорт школазында айғас сыххан. В. Н. паза А. А. Ромащенко тренерлернің холында узын тиліткен. 2004 чылда Хакас Республиканың олимп резервін тоос салған. тиксі Россиядағы «Динамо» физкультура-спорт пірігізі ӱчӱн марығларда араласхан[2] [3].
Пастағызын на позын кӧзіт пирген тиксі Россиядағы улуғлар синінде 2001 чылда, андада 10 000 метр ырахха чӱгӱрісте Тулада ирткен ниик атлетикаҷа Россия чемпионадында 18-ҷі орын алған.
2002 чылда 2:19:04 тусха Сибирьдегі чоннар аразындағы марафонда ӱзӱнҷізі финишке читкен.
2003 чылда Новосибирскте чарым марафонҷа Россия чемпионадында тӧртінҷізі читкен.
2004 чылда Москвада ирткен Россияның хысхы чемпионадында 3000 метр чӱгӱрген. 2:14:19 тус аразына финишке чидіп, «Лужники» VIII Москва марафоны хоостыра ирткен марафонҷа Россия чемпионадының чиңісчізі полыбысхан. Арға-мӧрійлерде позын турыстығ кӧзіт пирген ӱчӱн, хазна чеезін Афинада чайғы Олимп ойыннарында арачылирға турысхан. Марафон программазында 2:31:51 тус салтарын кӧзіткен, марығның 73-ҷі чолында пол парған[4]. Олох чылда Россияның піріктірілген ӧмезіне кірген.
2005 чылда Хьюстон марафонында тӧртінҷі орында пол парған. Цюрих марафонында ӱзінҷі орынға турысхан (2:11:19). Пу марығда ол пос рекордын турғыс салған[5]. Ідӧк Тулада ирткен Россия чемпионадында 10 000 метр ырахха чӱгірісте хола медальны утып алған; Новосибирск облазында ирткен Сибирьдегі чӱгіріс фестивальында хола медаль утып алған (1:04:34)[6]; Хельсинкеде тилекей чемпионадында марафонда араласхан, че дистанциядаң сығыбысхан.
2006 чылда Хьюстон марафонында ӱзінҷі орынға сыххан (2:14:07). Гётеборгеде ирткен Европа чемпионадында 13-ҷі салтарны кӧзіт пирген (2:15:33)[5], Новосибирсктегі чарым марафонда финишке ӱзінҷізі читкен (1:07:06), Кошицкай марафонда аралас кӧрген, че дистанциядаң сығыбысхан.
2007 чылда Жуковскайда ирткен Россия чемпионадында 10 000 ырахха чӱгірісте 15-ҷі орында пол парған, Сибирьдегі чоннар аразындағы марафонда 2:21:47 тусха финишке ӱзінҷізі читкен[5].
2012 чылның ӱртӱн айында Новосибирсктегі чарым марафонда 7-ҷі салтар кӧзіт пирген (1:08:35).
2013 чылда Сибирьдегі чоннар аразындағы марафонда алтынҷызы полыбысхан (2:19:38).
2015 чылда 2:21:01 тусха чӱгіріп, Казаньдағы марафонҷа Россия чемпионадында тоғызынҷы орынға сыххан, ідӧк Москвадағы марафонда аралазып, тӧртінҷізі полыбысхан (2:21:36)[7][8].
Спортта пӧзік чидіглерге читкен ӱчӱн 2005 чылда «Россияның чоннар аразындағы класстығ спорт узы» атха турысхан[9].
Алған орын
- ↑ 1 2 Dmitriy Burmakin // World Athletics Database
- ↑ Бурмакин Дмитрий Валерьевич. Спортивная Россия. Дата обращения: 9 Улуғ хырлас айы 2020.
- ↑ А. Н. Асочаков. Бурмакин Дмитрий Валерьевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 97. — 5000 экз. — ISBN 978-5-91502-001-5.
- ↑ Дмитрий Валерьевич Бурмакин — олимпийская статистика на сайте Olympedia.org (англ.)
- ↑ 1 2 3 Бурмакин Дмитрий Валерьевич. rusathletics.com. Дата обращения: 3 Хандых айы 2025.
- ↑ Бурмакин Дмитрий Валерьевич. Российский стадион (26 Ӱртӱн айы 2005). Дата обращения: 3 Хандых айы 2025.
- ↑ Дмитрий Бурмакин — профиль на сайте Международная ассоциация легкоатлетических федераций (англ.)
- ↑ Дмитрий Бурмакин. ARRS. Дата обращения: 9 Улуғ хырлас айы 2020. Архивировано 6 Орғах айы 2020 года.
- ↑ Бурмакин Дмитрий Валерьевич. Хакасская РДБ. Дата обращения: 9 Улуғ хырлас айы 2020. Архивировано 29 Улуғ хырлас айы 2019 года.
 | |
|---|---|
| Тематические сайты |
- 8 кӱрген айында тӧрееннері
- 1981 чылда тӧрееннері
- Ағбанда тӧрееннері
- Алфавит пастыра кізілер
- Алфавит пастыра ниик атлеттер
- Россияның ырахха чӱгӱрҷең кізілері
- Россияның марафонецтері
- 2004 чылдағы чайғы Олимп ойыннарының ниик атлеттері
- Ниик атлетикаҷа Россия чемпионнары
- Ниик атлетикаҷа Россияның чоннар аразындағы класстығ спорт устары
- Хакасияның спортсменнері